Mateo 26:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca hua'anyi, ca qana'deentapigui so Jesús quiyim qaiconlec qaỹalauat qaỹayinta.

Mateo 26:4 Iomraidhean Croise

Génesis 3:1

Qam so nanaic paguec co'ỹaxaraic quená'ogue na liỹa iseripi neuec quená'maq lo'ueenatec ñi qara'gaxala' qota'olec. Ca inato' aso 'aalo: —¿Peeta'a llic quiyim ñi qota'olec se ỹasenema qamiri quiyim a'guii ana la ana qo'paq quena lanaxanqa'?

Salmos 2:2

Ná'ogue na nashillipi quena 'laua, na'maxare sqai huelec, ca' lapoỹata', ca npa'guene'e' ñi qota'olec chaqai ñi nashi lca'acsec.

Proverbios 24:15

'Neeto' vi'saque 'viichi' ca se no'uen queca huagaxaraic ỹale, chaqai 'neeto' 'ue ca na'axachi' queca la'a' neeta'ñi,

Mateo 12:14

Ca co'na'le, ca ta'oguiyi so fariseoipi, ca' retaxaỹapigui cá'maq la'maqa' quiyim ỹalauat so Jesús.

Mateo 23:33

¡Qamiri nanaiquipi! ¡Qamiri llaalqaipi na nanaic! ¿Negue' quet cá'maq nañitqarii quecá'maq nouaxanaxashichii ma' qarenaxai'ña ca ncopatqo' na hualoxonyipi?

Marcos 14:1

Co'na' saqa'lecaua dos na'xata', ca ỹovire'oga so na'xa'a quena' qaỹo'leente na' qoyique'e yi Egipto. Queso na'xa'a, ca' qaỹa'ic quen na pan, qam le'en ana lpe'taqate. Ca sauá'maq la'gaxalate' ná'maq netaxaỹaxanqajanqaipi quena' qaretaxaỹa'pegue' ñi qota'a chaqai na rapaxaguinataxanta'pegue na naqataxaquipi idaantaque ca la'maqa' quiyim iconlec so Jesús, ca' ỹalauat.

Juan 11:53

Ca' quesojo na'xa'a so judío lashillipi queetalec idaantaque ca la'maqa' quiyim ỹalauat so Jesús.

Hechos 13:10

Ca 'naapego': —¡Qami' 'maatqaic chaqai qami' hualoxonaq, qami' na'ỹaapec llaalec, chaqai npa'guenaxaua ná'ogue na lo'yaxanec! ¿Chi'neco' ma' naxachisa'piguit dá'maq no'uen llicyaxac ñi qara'gaxala'?

Hechos 7:19

Sojo nashi ỹayin so qouo', se ỹa'maxata'gue so 'auaxaic qareta'allipi, 'naapega quiyim ỹalat na llaalec chita'gue ne'qaañi, qaiyi chi nanoiquentac ileu.

2 Corintios 11:3

Qam quedá'maq 'ne'teco' na'le da lco'ỹaxaric so nanaic na' ỹachiguiñi aso Eva, ca 'eco' 'ue da ỹoqolonaxa ma' sqoue quiyim 'ue ca ỹachi'iñi qamiri qai'neeta. Ca ỹashaxanec da ra'deenataxanaxaguii, ca ỹoỹoote'ogalo qamiri quiyim sqai viilec so Cristo.