Mateo 26:39 - La'qaatqa ñi qota'olec Qota'olec & Qota'olec Novita Na Qomyipi

³⁹ Co'na'le, ca' so Jesús cocho'qui' liỹa eec, ca nqa'paxañiguit na 'laua. Ca nqouagaxainot ñi qota'olec, 'naaco': —Qami' ita'a, no'm shichi' quiyim se ỹovichiguit nqai'ñi' aỹim da i'xoric 'ec aca naqana chim. Qam sqaida quet dá'maq chi sahotaque, ta'ta'a cá'maq vi'saque.

Mateo 26:39 Iomraidhean Croise

Génesis 17:3

Ca' so Abram ni'iiñi, ỹoviraqta'guit na latap na 'laua co'na' ñaq retaqatac ñi qota'olec, 'naaco':

2 Samuel 15:26

Qam quiyim 'naapiguiỹa' quiyim tot yi'xoren, ca' ỹim nagui ñañaanot, ca' yatoiquentac quecá'maq shim 'neetahic.

Isaías 50:5

Ñi qara'gaxala' nañan da ỹa'deenaxanaxa, ca' ỹim se sopilaxatauec chaqai mesqai quiyim se ña'xaỹaxana quet.

Isaías 53:12

Vichiguiño' ñi qota'olec ỹa'ue ma'le ca loma', ỹalecqajnougui na leta'allípi, chaqai quená'maq quesaxanaxaiquipi ỹalequetaugui ma'le queda lauegaxanaxac, ma' nañaañiguit da lelauaxa chaqai qaỹalecqajnougui na hualoxonyipi, qam so'maxare nomatalta' quiyim 'xoic só'maq i'xat na lasauaxaset, chaqai rashiilaxanteguelec quiyim qaica ca qohinegue na sauaqhuaiquipi.

Ezequiel 1:28

'ec na qoñi'gue quena' re'oq quena naueguelec quena' chita'gue ỹaxanegue na ỹaxat. Ca' chaqaida 'neeta na' re'oq da lauaq ñi qara'gaxala'. Ca' na' seuana, ca' ñqa'paxañiguit na 'laua, soviraxatañi na ỹatap.

Números 14:5

Ca' so Moisés chaqai so Aarón ỹa'chi'iñi naua le'cootal, ca ỹoviraqtera'guit naua lataapi' na 'laua, ỹaatqajam qaiuanchiguilo quesá'ogue so qomyipi.

Mateo 20:22

Qam so Jesús 'naaco' caso'maxare: —Qamiri sqa 'yiiñii cá'maq shiilaxañitaque. ¿Qamiri shichiho' quiyim viriỹau'a da ñi'guenaxac dá'maq 'ec aca naqana chim qayi'taxañigui chaqai coñiguit dá'maq chilaxac secoñiguit ma'le? Ca saua'maxare 'neraco': —Ajá'a, seshitaq.

Mateo 24:24

Ma' 'xoic ca 'maatqaiquipi novi' ma'le, ca 'naac quiyim chaqaica cá'maq nashi nca'laxaqui, loqo'm 'naac quiyim letaxaỹaxanqajnec ñi qota'a. Ca ma'le, ca ỹo'uet ca chalego lecaic netanec chaqai na se qaiuanapega, ma' ỹahotaque quiyim sha'apiguito' ỹayin ná'maq lca'acseripi ñi qota'olec.

Mateo 26:42

Ca lotqai liỹa eec, ca 'neetayi da nqouagaxainaxac: —Qami' ita'a, no'm 'ue ca la'maqa' quiyim se sovira'a dajo ñi'guenaxac, qam no'uen quiyim chaqaida nqai'ñi' cá'maq vi'saque.

Marcos 13:22

Ma' 'xoic ná'maq anac ma'le 'maatqaiquipi, 'naac ma'le chaqaina ná'maq nashi nca'laxaqui loqo'm 'ec letaxaỹaxanqajnec ñi qota'a. Ma' na'maxare ishit ỹo'uet na netanqaipi chaqai ná'maq se qaiuanapega, sha'apiguito' quiyim ỹayin ná'maq shi'gue lca'acseripi ñi qota'olec.

Lucas 17:16

Ca ỹa'yi'iñi naua le'cootal queca reloqota'ñi so Jesús, ỹaatqajam ỹoviraqta'guit na latap na 'laua, ca' ỹaantacot da na'aachic so'maxare. Qam sojo ỹale, so'maxare le'ec yi Samaria.

Juan 11:41

Co'na'le, ca qanaqat so qa'. Ca' so Jesús ra'ishiguimo' quena piguim, ca 'naaco': —Qami' ita'a, saanot qami' da ña'aachic, ma' na'xaỹaxañita aỹim.

Juan 14:31

Qam chaqaida dá'maq qohine'tegue, qaiyi ná'maq hueetalec na 'laua ỹa'den quiyim aỹim se'xoren ñi qota'a, chaqai quiyim so'uet cá'maq yilarelec. Ne'laxachishiguim. Qolqa'e najo.

Juan 18:11

Qam so Jesús 'naaco' queso Pedro: —Liỹa pilaxachirigui shichirigui aca lahi' na lecachi'. Ma' no'm ñi qota'a ỹovirau'a nqai'en da ñi'guenaxac, 'ec nqai'en aca naqana chim, ca' ¿se ipaguigui quet nqaishin da'maxare?

Juan 5:19

Ca' so Jesús 'naapego' so qomyipi: —Ỹaatqajam lliqueta shinapegalo qamiri quiyim najo llaalec ñi qota'olec qaica ca ishit ỹo'uet no'm chi nanoiquenta'pegue', ta'ta'a ná'maq iuana ỹo'uet ñí'maq leta'a. Ca ná'ogue ná'maq ỹo'uet ñí'maq leta'a, qai'neeta ná'maq llaalec ỹo'uet.

Juan 5:30

Aỹim qaica ca shinegue, no'm chaqaỹim 'ue ca so'uet. Ma' ỹim so'uet ca lasauaxaset ca qom, qam quiyim qaỹamaxailec, ca' se ỹo'maac cá'maq so'uet. Ma' ỹim se so'uet cá'maq chaqai sahotaque shine'tegue, ta'ta'a cá'maq ỹahotaque ñi ita'a, ma' ñi'maxare yila'.

Juan 6:38

Ma' ỹim se ñanac quiyim chi ñanoiquentac quiyim sachicqa'gue da piguim, ta'ta'a quiyim so'uet dá'maq ỹahotaque ñí'maq yila'.

Hechos 10:25

Ca co'na' ỹoviro so Pedro queca na'a', ca' so Cornelio ca'guit, ca ỹa'chi'iñi naua le'cootal, ỹahotaque nqouagaxainot.

Filipenses 2:8

Ca co'na' ỹantañi da no'ueenataxac na chaqai qom, ca' neneequesen. Ca quedá'maq quiyim na'xaỹaxanta, ca chi ỹovireta'a quiyim qaỹalauat, 'eno'm ỹo'uet da nayiloxo da lelauaxa na' qaipateno queso npatenaxala'.

Hebreos 5:7

Co'na' so Cristo hueetalec najo 'laua ỹaatqajam nelamaxaren nqouagaxaintac, chaqai rashiilaxantac, noỹento'ot ñí'maq 'ue da lquesaxanaxa quiyim se ỹovira'a nqai'en da nelauaxa. Ca ñi qota'a na'xaỹaxana so'maxare, ma' so'maxare ỹaatqajam nomatalta' nañaanot ñi'maxare.

Apocalipsis 19:10

Ca' sa'chi'iñi naua i'cootal, sahotaque semaqachin só'maq piguim le'ec. Qam so'maxare 'naac: —'E', sqai 'ñitetegue dajo. Ma' ỹim lelaatec ñi qota'a, shinta maqami' chaqai na rqaỹachi'ipi ỹaqamqata quiyim quelec dá'maq lliqueta ỹa'xat na'le so Jesús. Maqachiñi' ñi qota'a. Ma' dá'maq lliqueta ỹa'xat na'le so Jesús, chaqaida dá'maq ỹo'ueete' da lquesaxanaxa ná'maq ỹa'xateta'pe naua la'qaatqa ñi qota'a.