Mateo 26:28 - La'qaatqa ñi qota'olec Qota'olec & Qota'olec Novita Na Qomyipi

²⁸ Ma' najo ná'maq iuoripi i'taxajñi dá'maq dalaxaic 'maqataxac. Ca' qaỹocoraqta'pe, qaiyi 'xoic cá'maq qaỹapalaxat ma'le ca lasauaxaset.

Mateo 26:28 Iomraidhean Croise

Jeremías 31:31

Ñi qara'gaxala' i'taxajñi da la'qaatec, 'naac: 'Ue ca na'xa'a quiyim sadalaxat da qana'deenaxac quena na'ñi yi Israel chaqai quena na'ñi yi Judá.

Mateo 20:28

Ma' chaqaida dá'maq 'neeta najo ỹale llaalec se novi' quiyim ỹahotaque qaiquelola. Ta'ta'a quiyim ná'ogue quelola, chaqai quiyim da nachaalataxac ỹaanec, ca' 'ec lishiuetenaxanaxat, qaiyi 'xoic ca nca'leuec.

Mateo 26:27

Na' ime, ca' icona aso 'taxaqui, ca ỹaanot da na'aachic ñi qota'olec. Ca' imeenec, ca 'naaco': —Qamiá'ogue ni'chiigui najo 'taxaqui.

Mateo 26:29

Qam ỹim shinac caqamiri quiyim tot liỹa ñi'chigui najo li'i ana 'úva, toco' ma' ỹovita ca na'xa'a quiyim liỹa ñi'ta'to qamiri queca 'ec dalaxaic lataxa, ma' seuqataugui da lo'ueenataxanaxac ñi ita'a qota'olec ma' ỹoiquentac ná'ogue najo.

Mateo 6:12

Chaqai palaxachi' ca qarasauaxaset, chaqai 'nejme' qomi' sapalaxataq cá'maq se no'uen qohine'teguelo qomi'.

Marcos 1:4

Ca' chaqaida 'neeto' na'le so Juan co'na' naqueto'ot quiyim nachilaxantac na qomyipi quiyi 'laua qaica qom. Chaqai 'neetapega quiyim ỹaxañiñi naua loico quiyim qanachilaxan, qaiyi qaỹapalaxate' naua lasauaxasete'.

Marcos 14:24

Ca 'naaco' quesaua'maxare: —Nauajo chaqainaua nauá'maq iuo', naua'maxare i'taxachiñi dá'maq dalaxaic 'maqataxac, chaqai qaỹocoraqta'pe ma'le, qaiyi 'xoic ma'le ca nca'leuec.

Lucas 22:19

Ca co'na' ime, ca ỹacona so pan, ca ỹaanot da na'aachic ñi qota'a. Ime, ca' ỹasectaqchigui, ca ỹaanouguilo saua'maxare, ca 'naaco': —Najo chaqaina ná'maq ỹoshicmaxa qoỹaañiguit ca nelauaxa tai'a quiyim ra'maxaiñi qamiri ma'le. 'Viichiho' dajo, qam se couahi'e aỹim.

Lucas 22:20

Ca' chaqaida 'ne'tegue nqai'en caso 'taxaqui na' ime da lqui'ỹaxague'. Ca' 'naac: —Najo 'taxaqui tai'a dajo dalaxaic 'maqataxac, qai'taxajñi quenaua iuo', qaỹocoraqta'pe qaỹahotaque ca ra'maxahi.

Romanos 5:15

Qam so lasauaxaset so Adán se nalo'guit nqohin só'maq qaneme chicqo'ot ñi qota'a. Ma' quesó'maq lasauaxaset so 'oonoqui' qom, ca 'xoico' na ileu. Qam da nca'laxa qaneme chicqo'ot ñi qota'a paguec lecaic, ma' 'xoic na icoñiguit da la'maxa chicqochigui nqai'en so 'oonoqui' ỹale Jesucristo.

Romanos 5:19

Ca' dajo 'neetasa', quiyim chicqochigui so 'oonoqui' ỹale se na'xaỹaxan, ca 'xoic ná'maq sauaqhuaiquipi, ca' qaican ỹapaguec ma' chicqochigui quiyim na'xaỹaxanta so 'oonoqui' ỹale, ca 'xoic ná'maq qaicoñi'chiguit quiñi qota'a.

1 Corintios 11:25

Ca' qai'neeta na' ime so nqui'ỹaxac, ca ỹacona aso 'taxaqui, ca 'naaco': “Najo 'taxaqui chaqana ná'maq tai'a dá'maq dalaxaic 'maqataxac qai'taxajñi quenaua iuo'. Ca ma' ỹovita quiyim ni'chiigui, ca lotqai o'lliinchii'te aỹim.”

Efesios 1:7

Quedá'maq chalego lecaic le'xorenataxanaxa, ca' ñi qota'a nca'laxaterec qomi', chicqochigui nqai'en da lelauaxa so llaalec, ca ỹapalaxate' caua qarasauaxasete'.

Colosenses 1:14

ỹachigoxochichigui da lelauaxa so'maxare, ca' nca'laxaterec qomi', chaqai ỹapalaxat cá'ogue ca qarasauaxaseteripi.

Colosenses 1:20

Chaqai ñi qota'a qai'neeta ỹahotaque quiyim ỹachigoxochichigui so Cristo quiyim ỹa'ue da la'maxa ná'ogue nanchaqaina, quená'ogue ná'maq hueetalec na 'laua, chaqai ná'maq hueeto'ot na piguim. Ca ỹo'uet da na'maxa, ỹachigoxochichigui da lelauaxa so Cristo co'na' qaipateno queso npatenaxala'.

Hebreos 10:29

Ca ¡huose'quet sqai hueetapigui qavillii quiyim paguec lecaic ca nouaxanaxaset cá'maq 'eco' co'ueetapigui so llaalec ñi qota'a, chaqai liỹoqa'piguita saua leuo', chaqai quiyim ishiuentac so ne'Espíritu ñi qota'a ñí'maq re'xorenataxantac! Sauajo neuo' chaqaisaua sauá'maq i'taxachiriñi da 'maqataxac, chaqai chicqochiguilo quiyim co'teete' nqohine' saua'maxare.

Hebreos 13:20

Ca' ñi qota'a ñí'maq ỹo'uet da na'maxa, ñí'maq liỹa nca'laxatec queso lelauaxa so qara'gaxala' Jesucristo, só'maq ỹapacauec la'gaxala' ana qagreta, ma' quesaua leuo' ca' i'taxajñi dá'maq 'maqataxac sqaica lqodoc,

Hebreos 9:28

ca' chaqaida 'neeta nqai'en so Cristo quiyim 'oonoqui' nañaanalta', qaiyi naqat ná'ogue na nasauaxaset. Ime, ca' lotqai liỹa nachaxan, qam tot naqat na nasauaxaset, ta'ta'a quiyim nca'laxatec ná'maq nauaantaque so'maxare.

1 Juan 2:2

So Jesucristo chaqaiso só'maq chicqochigui quiyim qaỹapalaxate' naua qarasauaxasete', chaqai mesqoqometa, ma' qai'neeta quená'ogue na qomyipi hueetalec na 'laua.

Apocalipsis 7:14

Ca' ỹim shinac na'le: —Taque', qami' ỹa'gaxala', maq 'yiiñi'. Ca' so'maxare 'naapiguiỹa': —Nauajo nauá'maq ca'laxaterauec só'maq chalego lecaic ne'xoric. Ca naua'maxare quiỹo' naua loho chaqai lalagaxaqa nqai'ne', ỹahota'ahi saua leuo' ñi qagreta llaalec.

Apocalipsis 7:9

Ca na' ime dajo, ca seuane'ta so ỹoreta'oguit qomyipi ỹoreta'oguit na la'qaatec, nachaatetañi quiyi reloqota'ñi so nashi nqa'xanqa' chaqai queso qagreta llaalec. Ca so'maxare ỹaatqajam 'xoic, mashic tot qaica ishit naloqochin, chaqai ỹantañi na nooỹac lalagaxaic, chaqai lo'qoota'a ana chavic laue.