Mateo 26:26 - La'qaatqa ñi qota'olec Qota'olec & Qota'olec Novita Na Qomyipi

²⁶ Ca co'na' ñaq que'eeta'pe, ca' so Jesús ỹacona so pan, ca ỹaanot da na'aachic ñi qota'olec. Ca na' ime, ca ỹasectaxachigui, ca ỹaanouguilo saua lapaxaguinatqa. Ca 'naaco': —A'guii, najo ná'maq ỹoshicmaxa.

Mateo 26:26 Iomraidhean Croise

Mateo 14:19

Ca na'le, ca' 'naapega so qomyipi nqa'xanñi, nqa'xanlec na 'uaqapi ladala. Ime, ca' iconalo saua cinco paañi' chaqai saua dos nalliñi', ca' ra'ishiguim quena piguim, ca' ỹaanot da na'aachicyaxac ñi qota'olec, ca' ỹasectaxachiguilo saua paañi', ca ỹaanouguilo saua lapaxaguinatqa. Ca saua'maxare imeendec queso qomyipi.

Mateo 26:27

Na' ime, ca' icona aso 'taxaqui, ca ỹaanot da na'aachic ñi qota'olec. Ca' imeenec, ca 'naaco': —Qamiá'ogue ni'chiigui najo 'taxaqui.

Marcos 6:41

Ca' so Jesús ỹaconalo' saua cinco paañi' chaqai saua dos nalliñi', ca' ra'ishiguim quena piguim, ca ỹaanoto' da na'aachic ñi qota'olec, ca ỹasectaxachiguilo saua paañi' chaqai saua nalliñi', ca ỹaanouguilo saua lapaxaguinatqa. Ca saua'maxare, ca imeendec quesá'ogue so qomyipi.

Lucas 22:17

Ca ỹacona aso 'taxaqui. Ime, ca' ỹaanot da na'aachic ñi qota'a. Ca co'na' ime, ca' 'naac: —Coñiguit anajo 'taxaqui. Ca' nimiiñigui, quiñi 'óna ỹaanem ca liỹa.

Lucas 24:30

Ca co'na' mashic nqa'xansañi, reloqosalec so nqui'ỹaxala', ca so'maxare ỹacona so pan, nqouagaxainlec. Ime, ca ỹaanouguilo saua'maxare.

Hechos 2:46

Chaqai naua'que naua na'xata' lapootecta' cañi no'ueenaxanaxaqui quiyi Jerusalén, chaqai quenaua la'aate' nouanta'ta' quena' que'e 'xoic laỹaac chaqai ỹaatqajam hueetagui añi le'taxanata da neneequesenaxac.

Hechos 20:7

Ca' queso 'auaxaic na'xa'a caso semana, llapoxota', ma' qaỹahotaque quiyim qaỹa'ic so pan. Ca' so Pablo rapaxaguinataxantac quesó'maq mashic icoñiguit da na'qaatec. Qam ma' ỹahotaque eec na' richiguiñi, ca queetalec da letaxaỹaxac chi ỹovireta'a pe lauel.

1 Corintios 10:4

chaqai sá'ogue ni'chigui so niquip se re'xogui. Ma' ne'teetapigui so huaxaỹaq chicqotapougui aso qa' se re'xogui queeta'pegue' so'maxare quecanchaqa taigue. Ca' sojo qa' chaqaiso so Cristo.