Mateo 26:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Qam najo ỹale llaalec ỹaatqajam quiichigui da 'nerac naua naneresañi la'qaatqa ñi qota'a. Qam ¡'xoraicolec cá'maq qom yayaano! Cajo ỹale paguec la'maxa quetaxan se ne'qaaño' na'le.

Mateo 26:24 Iomraidhean Croise

Génesis 3:15

Ca' nagui so'uet quiyim qami' chaqai ada 'aalo qamiri pa'guenaxaua', ca 'nejem ca qachaalaxai'pi chaqai ca llaalqaipi ada'maxare. Ca llaalqaipi ada'maxare co'vigui na rqahiqui', chaqai qami' a'quirigui ana la'ỹaaxa.

Mateo 18:7

Ca' ¡chalego la'aaxa quena qomyipi quiyim 'ue ca ỹo'uet quiyim chicqochigui ca lasauaxaset na qom quena 'laua! Qam dajo chaqai'eno' quen 'ue. Qam ¡'xoraicolec cá'maq qom chicqochigui dajo!

Mateo 26:31

Ca' so Jesús 'naaco' quesaua'maxare: —Qamiá'ogue palac da rpi'ỹaxaguii caỹim quena pe. Ma' 'nerac naua naneresañi la'qaatqa ñi qota'a: “Salauat ma'le cá'maq neloxoỹaq, ca' neuagaxatetac ma'le ana qagreta.”

Mateo 26:54

Qam quiyim shi'ntegue dajo, ca ¿negue' quet cá'maq 'neeta quiyim ipaquichiguilo quet naua naneresañi la'qaatqa ñi qota'a, ma' ỹa'xate' quiyim chaqaida 'neeta ma'le dajo?

Mateo 26:56

Qam 'neeta dá'ogue dajo, qaiyi ipaquichigui dá'maq 'naaco' na'le so letaxaỹaxaquiripi ñi qota'a ỹa'xat quenaua naneresañi na'qaatqa. Co'na'le, ca 'eet so lapaxaguinatqaipi, no'ueenaqchichiguiñi so Jesús.

Marcos 14:21

Qam ma' chi leloxoỹaxac quiyim najo ỹale llaalec quiichi'ñiguilo naua naneresañi la'qaatqa ñi qota'olec. Qam ¡chalego le'xoric ñí'maq ỹale yayaano! ¡Paguec queto' la'maxa quiñijo ỹale quiyim se ne'qaañi queto' na'le!

Marcos 9:12

Ca so'maxare 'naaco': —Ỹaatqajam llic quiyim 'au novi' ma'le ca Elías, quiyim ỹa'maxajñi ná'ogue na leloxoỹaxaquipi. Chaqai ¿negue' cá'maq 'nerac qai'neeta naua naneresañi la'qaatqa ñi qota'olec quiyim ỹa'xate' dá'maq 'neeta ma'le ca ỹale llaalec? Quiyim 'ue ca le'xoric, chaqai ma'le qaica nqo'ta ca'maxare.

Lucas 22:22

Ma' najo ỹale llaalec queeta'gue so nayic só'maq qaỹachaxañi'ñigui, qam ¡'xoraicolec ñí'maq ỹale ỹahotaque ỹaano na'maxare!

Lucas 24:46

Ca 'naapegalo': —'Eda 'neeta da qoỹeretañi quiyim ca nashi nca'laxaqui 'au quiyim qaỹalauat, qam ma' ỹovi' tres na'xata', ca lotqai liỹa nca'leuec nqohin.

Juan 17:12

Ma' na' ñaq iỹareta'pe quena 'laua, seloqota'a quen ná'maq nañaañi', sahote'e da rquesaxanaxa'e' chaqai squepaqataxanteguelec quen. Chaxasa qaica ca na'laañi, ta'ta'a só'maq shi'gue na'laaxaic, qaiyi ipaquichigui dá'maq 'nerac yaua naneresañi na'qaatqa.

Juan 19:24

Ca' saua ỹale' neesaho quena nouaataxanaq 'neraco': —Se sasectaqataqac. Ta'ta'a quiyim ñallitaxagui, qaiyi ỹaataq cá'maq taalec. Ca' quiyi, ca ỹaatqajam ipaquichigui dá'maq naneretañi la'qaatec ñi qota'a: “Neuagaxachiguilo saua aỹoho, qanallichiguilo, qaiyi ỹaataq cá'maq taalec.” Ca' chaqaida dá'maq 'ne'tegue na'le so ỹalliripi.

Juan 19:28

Ca co'na' ime dajo, ma' so Jesús ỹa'den quiyim dá'ogue dajo ipaquichigui, chaqai quiyim ipaquichiguilo yaua naneresañi na'qaatqa, ca 'naaco': —Yalauat na ỹaquip.

Hechos 2:23

Qam na' qoỹaanouguilo qamiri quiyim ipaquichigui nqohin dá'maq la'deenataxanaxac ñi qota'olec nallaaqo', ca' qamiri coñirii chaqai lauachii, qaipatentaho nqai'ñii queso qomyipi hualoxonyipi.

Hechos 28:23

Ca vichiguiño' qaỹa'uo' so na'xa'a naloqojnec. Ca co'na' ỹovire'oga sojo na'xa'a, ca 'xoic so qomyipi ỹovira'a yi neeta'ñi so Pablo. Ca' ñaq nete'eta na' retaqa so Pablo chi ỹovireta'guit so avit, ỹa'xatetac da lo'ueenataxanaxac ñi qota'a ma' ỹoiquentac ná'ogue najo. 'Ne'tegue dajo so Pablo, ma' ỹahotaque qoyiuelec so Jesús. Vichiguiño' ỹachigoxochichigui da la'qaatec so naqataxaquipi chicqo'ot nqohin na'le so Moisés, chaqai ana lerecse so letaxaỹaxaquiripi ñi qota'a.

Hechos 4:28

Ca' saua'maxare co'na' ỹo'ueete' dajo, ỹaatqajam taachigui nqai'ne' dá'maq shi'gue 'maxachisañi, ca ipaquichigui nqohin.

1 Corintios 15:3

Dá'maq 'avichiguiñi nqaishin quiyim sa'deenaxanaxañiigue dá'maq napaxaguinataxanaxac qanañaañim. Ca vichiguiño' sapaxaguiñiigue quiyim so Cristo ileualgoto naua qarasauaxasete', ipaquichigui dá'maq 'nerac yaua naneresañi la'qaatqa ñi qota'a.