Mateo 26:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ca so'maxare 'naaco': —Quiipegue' yi na'a' lodegaxat Jerusalén, ca ma' viriu'a yi la'a' cajo ỹale, ca 'ñiỹaco': “Ñi qara'gaxala' 'naac: Yi ỹaloqo' tot qoỹoqaque. Ca' na ra'aachi' sahotaque iqui'ỹaaqa' ma' sa'ic ca na'ic ma' qaỹo'leente so na'xa'a na' qanaqata'a so judioipi quiyi Egipto, iqui'ỹaxaua' naua ỹapaxaguinatqa.”

Mateo 26:18 Iomraidhean Croise

Mateo 21:3

Ca no'm 'ue ca 'ue ca ỹa'xat caqamiri, ca 'ñiỹaco' ma'le: “Ñi qara'gaxala' ỹouene' naua'maxare, qam sqaỹaloq rapilaxate'.”

Mateo 23:10

Chaqai mesqai viitaque qaỹamata'que qamiri nashil, ma' chaqaỹimeta ỹim rashii.

Mateo 23:8

Qam qamiri sqai viitaque quiyim qaỹamata'que qamiri napaxaguinataxana' quena qomyipi. Ma' qamiá'ogue qamiri nqaỹaripi, chaqai qaỹimeta napaxaguinatqorii.

Mateo 26:19

Ca saua'maxare que', 'neetetegue dá'maq 'naaco' na'le so Jesús, ca ỹa'maxachiñi ca nqui'ỹaxac.

Mateo 26:2

—Ca' mashic qamiri 'yiiñii quenauajo dos na'xata', ca ỹovire'oga so na'xa'a quiyim qaỹo'leente so na'xa'a co'na' qanaqata'a so qomyipi quiyi Egipto. Ca' najo ỹale llaalec qoỹaano ma'le quiyim qaipateno.

Mateo 26:49

Co'na'le, ca' nqo'neu'a so Jesús, ca 'naaco': —¡Laa', qami' ỹa'gaxala'! Ca' nqo'goq.

Marcos 5:35

Ca co'na' ñaq retaqatac so Jesús, ca novite'o' saua chicqora'a yi la'a' so lashi aca lapoxoqui na judioipi. Ca qara'qaataxanem so leta'a, qohinac: —Ayí'maq qachaalli'i' tot qaca, ca' ¿chi'negue ma' vi'saque ledaxac ná'maq rapaxaguinataxantac?

Lucas 22:53

Quena' ỹim salequetauguilo qamiri quesaua'que saua na'xata' cañi no'ueenaxanaxaqui late'ogue', qam qaica ca 'ñii'tegue aỹim. Qam mashic ỹovita ca laloqo' quiyim 'ueenataxañii chaqai quena' ỹapacauec da lquesaxanaxa da lo'ueenataxanaxac na napalaxa.

Juan 11:28

Ca co'na' ime 'naac dajo, ca' aso Marta quepegue' roỹaxana aso lqaỹa María. Ca nemoote'tot, 'naaco': —Dá'maq napaxaguinataxanaq hueete'e najo, ca da'maxare noỹaxana'a qami'.

Juan 12:23

Ca' so Jesús 'naaco' quesaua'maxare: —Ỹovita yi laloqo' quiyim najo ỹale llaalec qaimaqachin ma'le.

Juan 13:1

Ca quesó'maq liỹa na'xa'a, ca noviro so lapoxoc quiyim qaỹo'leente na' qoyique'e yi Egipto, ca' so Jesús ỹa'den quiyim ỹovita ca laloqo' quiyim ca'e na 'laua, ca quepegue' ñi leta'a. Qam so'maxare chaqai 'neetari' da lauochaxa queso lalamqateripi no'ueenalec na 'laua, ca' nagui ỹachaxanalo saua'maxare dá'maq paguec lecaic lauochaxa.

Juan 17:1

Ca co'na' ime 'naac dajo, ca' so Jesús ra'ishiguim quena piguim, ca 'naaco': —Qami' ita'a, mashic sovita yi ỹaloqo' quiyim maqachiñi' najo qachaalqui', qaiyi qai'neeta ná'maq qachaalqui' imaqachin aqami'.

Juan 20:16

Ca' so Jesús 'naaco' caso'maxare: —¡María! Ca so'maxare ỹamato'ot, qam ỹahota'ahi naua hebreo la'qaatqa, 'naaco': —¡Raboni! —da leloxoỹaxac dajo na'qaatec 'naac: Qami' napaxaguinataxanaq.

Juan 7:30

Ca' qaỹahotaco' qaiconlec quiyim qaicoñi'; qam qaico' ca ishit iconlec, ma' saqa' ỹovita ca laloqo' so'maxare.

Juan 7:6

Ca' so Jesús 'naaco' quesaua'maxare: —Saqa' ỹovita ca ỹaloqo'. Qam caqamiri canchaqaica quenaua na'xata' ỹa'maqachiguiñi nqai'ñii.

Juan 7:8

Mohi, quiipegue' qamiri ca nemaqachic. Qam ỹim 'e', sqa shic, ma' saqa' ỹovita cá'maq ỹaloqo'.