Mateo 26:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca 'naaco' quesaua'maxare: —¿Ỹote' aca nañaañii quiyim saano so Jesús? Ca saua'maxare ishiuetene' saua treinta chiróla chicqaugui ana lecat leenaxat plata.

Mateo 26:15 Iomraidhean Croise

Génesis 38:16

Ca ỹoqta'a, ma' ỹahotaque nqo'neu'a aso'maxare, qam ma' se ỹa'den quiyim chaqaso' aso late. Ca 'naaco' caso'maxare: —¿'Maxariñite' quiyim sahoqe ca qaranatec? Ca aso'maxare renataxano': —¿Negue' cá'maq nañaañi', no'm sahoqe ca qaranatec?

Mateo 10:4

Simón só'maq chicqaugui na leenaxat cananista; chaqai so Judas Iscariote só'maq ỹaano' na'le so Jesús.

Mateo 26:16

Ca queco'na'le, ca so Judas idaantaque ca la'maqa' quiyim ỹaanouguilo saua'maxare so Jesús.

Hechos 1:18

Qam so'maxare mashic eec, chaqai reshiujnaxana ca 'laua, reshiuetenaxana aso laseuete so Jesús co'na' imen. Qam na'le, ca najñi, ỹadoochiguiñi na lqahic, ca' rachipigui, ca nemerauec naua lauelese'.

1 Timoteo 3:3

Chaqai mese ne'taaxai, chaqai mesqai 'aueteguelec ca lauelgaxanaxac. Chaqai mesqai queetalec quiyim imitete'e aca lauegue. Ta'ta'a quiyim huagaxaraic, chaqai hualaxauaic, chaqai se imitete'e aca lauegue plata.

2 Pedro 2:3

Ca' quedá'maq lqo'iichi quiyim qaishiuetentac, ca' ỹa'vii naua lapaxaguinataxanaxaco ỹodolgoto qamiri, qaiyi naqat aca qadamii. Qam se qohit quedá'maq nouaxanaxaset na'maxare, ma' mashic shi'gom qaỹa'maxatetañi dá'maq nouaxanaxaset na'maxare.

Jueces 16:5

Ca' so lashillipi na filisteoipi quepegue' aso Dalila, ỹahotaque quiyim retaxaỹa'pegue', 'naaco': —Yiñi' ma'le so Sansón, chaqai nachi' quiyim negue' ca ỹachigoxota'gue dá'maq chalego lquesaxanaxa qaica 'nejem, chaqai negue' quet cá'maq shinqata'gue quiyim qodoxonec, qaiyi seconaxalec, ca' scoñirqañi. Ca no'm 'viichi' dajo, ca' quiñi 'óna coqomi' saanqairaxarom mil cien ana nam plata.