Mateo 26:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ỹaatqajam llic da shinac caqamiri, quiyim canchaqai hua'gue quena lahil na 'laua, quiyim qaỹa'xat dajo na'qaatec chicqaugui da nca'laxa, qai'neeta qaỹa'xat dá'maq ỹo'uet caỹim dajo 'aalo, qaiyi qaỹo'leenta'a ada'maxare.

Mateo 26:13 Iomraidhean Croise

Isaías 52:9

¡Chaqa'ma' ỹaualqagui queda netoonaxac na 'imec lahillipi quena Jerusalén, ma' ñi qara'gaxala' 'ue da lqouagaxa quena lalamaxareteripi, ca' naqata'a na Jerusalén!

Mateo 24:14

Qam dajo no'uen na'xaỹaxac ỹa'xat dá'maq lo'ueenataxanaxac ñi ỹoiquentac ná'ogue najo, da'maxare qaỹa'xat ma'le quená'ogue na 'laua, qaiyi qaỹa'den quená'ogue na ỹoreta'oguit qomyipi. Ca ma'le, ca' novi' ca nqodoc.

Mateo 28:19

Ca' vichiguiño' qamiri selarii quiyim quiipegue' ná'ogue na ỹoreta'oguit qomyipi. Ca' 'viichii quiyim ỹim napaxaguinaxala', chaqai chilaxanataxañiỹa da leenaxat ñi qota'olec, chaqai najo llaalec, chaqai so Espíritu Santo.

Marcos 13:10

Ca ma' saqa' novi' ca nqodoc, ca' dajo na'qaatec chicqaugui da nca'laxa shi'gue qaỹa'xatem ma'le ná'ogue na qomyipi.

Marcos 14:9

Ỹaatqajam llic da shinac caqamiri, quiyim canchaqai hua'gue quiyim qaỹa'xat dajo na'qaatec chicqaugui da nca'laxa quená'ogue na 'laua, qai'neeta qaỹa'xatetac da ỹo'uet aso 'aalo, qaiyi se qaicoua'e aso'maxare.

Marcos 16:15

Ca 'naaco' quesaua'maxare: —Mohi, oquii, quiipegue' na qomyipi neetalec ná'ogue na 'laua, ca 'xachim da na'qaatec chicqaugui da nca'laxa.

Lucas 24:47

Ca' dajo leenaxat qaỹa'xat ma'le, qara'qaataxanougui na ỹoreta'oguit qomyipi, quiyim qohinapega ná'ogue na'maxare quiyim ỹalate' naua no'ueenataxaco, qaiyi naua lasauaxasete' qaỹapalaxate', qaỹachigoxochichi'ñi na Jerusalén.

Hechos 10:4

Qam so Cornelio chi ra'iito'oto' so nelaatec chicqashiguim, ma' 'xoic da lqolonaxa, chi nacantauco' quiyim inat: —¿Negue' ca, qami' ỹa'gaxala'? Ca' so nelaatec 'naaco': —Ñi qota'olec ỹacoñiguit da nqouagaxainaxaqui' chaqai da 'ñiisari' quena' tauañi' ná'maq 'ue louenaxanaxa.

Romanos 10:18

Qam ỹim senataxan: ¿Peeta'a sqa 'xaỹa na'maxare da na'qaatec? ¡Ajá'a, pacaco', qa'sqai 'qaatapega! Ma' naua nerecse' la'qaatqa ñi qota'a 'neracsa': Da lelamqa' naua la'qaatqa saua netaxaỹaxanqajanqa qara'xaỹa quená'ogue na 'laua, chaqai nalolec naua'que naua lahil na 'laua daua la'qaatqa saua'maxare.

Romanos 15:19

chaqai da lquesaxanaxa na netanqaipi chaqai na se qaiuanapega, chaqai da lquesaxanaxa so Espíritu Santo. Ca' quedajo, ca imigui quiyim sa'xat da na'qaatec chicqaugui da nca'laxa chicqo'ot so Cristo, chicqochi'ñi yi Jerusalén chaqai naua'que naua lahil yi 'laua, chi ỹovireta'a yi Ilírico.

2 Corintios 10:18

Ma' cá'maq qom quiyim qaỹa'maxarenta, qam mesqaica ca chi na'xateteguelta'; ta'ta'a cá'maq qaimaqachin quiñí'maq qara'gaxala'.

Colosenses 1:23

Qam quedajo, 'maxaraic quiyim na'ñaxachichiguiñi queda rpi'ỹaxaguii, 'ñiitari' aca qo'paq ỹaatqajam qoỹorichi'nguilo caua lpa'yii. Chaqai sqai 'xañiñi da naquitaxaguii chicqochigui dá'maq na'qaatec chicqaugui da nca'laxa na' 'xaiỹa. Dajo dá'maq na'qaatec qaỹa'xatetac quenaua'que naua lahil na 'laua. Chaqai aỹim Pablo sotaanaxanegue quiyim sa'xat da'maxare.

Colosenses 1:6

Dajo na'qaatec dá'maq qaỹa'xatema qamiri na'le, chaqaida dá'maq noquiiquetashiguim, ca re'oq da laỹaxac quená'ogue na 'laua. Qaican ỹapaguec na'le caqamiri na' qaỹa'xatema qamiri da le'xorenataxanaxa ñi qota'a, ca 'yiiñii dajo quiyim chaqaida dá'maq ỹaatqajam ne'xorenataxanaxa.

1 Timoteo 2:6

Ma' so Jesucristo nañaañiguit da lelauaxa, ca' ishiueten so laseuete da lca'laxa ná'ogue na qomyipi, ca' dajo qaỹa'xat na' chi ỹovita cá'maq laloqo'.

Hebreos 6:10

Ma' ñi qota'a ỹaatqajam ipaquichigui nqai'en da la'qaatec, chaqai se coua'e dá'maq 'ñiitari' ma' chaxañita da re'xorenataxanaxahi quiñi'maxare quena' tauañii na qarqaỹaripi qarpi'ỹaxauaripi, dá'maq ñaqaida quiitalec 'viichitac.

Apocalipsis 14:6

Ime na'le, ca' seuane'ta so liỹa nelaatec piguim le'ec, ỹoota quena lavinñi na piguim, i'xateta da na'qaatec sqaica lqodoc chicqaugui da nca'laxa, ỹahotaque ỹa'xatem ná'maq hueetalec ana 'laua, ná'ogue ná'maq ỹoreta'oguit na la'qaatec qomyipi.