Mateo 26:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ 'Qaatapegalo' so Jesús, ca 'naaco' quesaua'maxare: —¿Chi'negue ma' sqai 'xañiỹac anajo 'aalo? Dajo ỹo'uet caỹim 'xoic loyac.

Mateo 26:10 Iomraidhean Croise

Nehemías 2:18

Ca na' sa'xatem da lqouagaxa ñi qota'olec quiyim yotauan chaqai saua la'qaatqa nañaañima ñi nashi, ca' so qomyipi 'naac caỹim: —¡Chaqa'ma' ño'xonaxashiguim ca'maxare! Ca so qomyipi 'ue da na'ñaaqataxac, ca chaqa'ma' na'ñaxajta'.

Mateo 26:11

Ma' na 'xoraiquipi se neme ỹalequetauguilo qamiri, qam ỹim sqai queeta quiyim salequetauguilo qamiri.

Mateo 26:9

Ma' dajo ishit qoỹoqota'a nqohin quiyim qaimen, ca' qaỹotauan na 'xoraiquipi.

Marcos 14:6

Qam so Jesús 'naaco': —'Xañiỹac. ¿Chi'negue ma' sqai 'xañiỹac? Ma' dá'maq ỹo'uet ada'maxare caỹim ỹaatqajam ỹa'maqachiguiñi.

Lucas 8:49

Qam co'na' ñaq retaqatac so Jesús, ca 'uo' so novi', chicqa'a ca la'a' so Jairo só'maq na'gaxala' caso lapoxoqui na judioipi. Ca qara'qaataxanem so'maxare, qohinac: —Ayí'maq qachaalli'i' mashic ileu. Se ỹa'maxañi quiyim 'xoic ca ledaxac nqai'ñi' na napaxaguinataxanaq.

2 Corintios 9:8

Ñi'maxare ishit ỹaanema qamiri ná'ogue nanchaqaina ỹaleque'ejta' lqouagaxanaxat, qaiyi qaica ca viñitaque quenanchaqaina roviñiguii; chaqai paguec, qaiyi shichii taanaxañii quecanchaqaica 'maxaraic no'ueenataxanaxac.

Gálatas 1:7

Mesqai llic quiyim 'ue quet ca liỹa na'qaatec chicqaugui quet ca nca'laxa. Dá'maq 'neeta ma' 'vii nauá'maq se ỹaqamaxate' qamiri, ca' ỹahotaque ỹaỹoqojnec dá'maq na'qaatec chicqaugui da nca'laxa chicqo'ot so Cristo.

Gálatas 5:12

Qam quená'maq qomyipi sqai ỹaxana'pe qamiri quiyim ỹilenta'pe quiyim 'viichii ca netanaxaset na roshicmaxahi, ¡saxanchi' ná'ogue nichaxaic na chi loshicmaxa, ca' yi!

Gálatas 6:17

Ca' nagui taachi'ñi quiyim qaica quet cá'maq yquepaxatetac, ma' nauá'maq icoñirqate' na ỹoshicmaxa ichoxote' quiyim ỹaatqajam ỹim lelaatec so qara'gaxala' Jesús.

Efesios 2:10

Ma' qomi' lo'ueenatqa ñi qota'a, chaqai ñaxata'alo nqai'ne' qomi' so Cristo Jesús, ma' ỹahotaque quiyim so'ueetaq cá'maq no'uen. Ma' ñi'maxare shi'co' ỹahotaque quiyim so'ueetaq.

Colosenses 1:10

Qaiyi shichii quiyim na'maxachita ma' chaqaida 'neetari' ná'maq lalamaxaret so qara'gaxala', quiyim se neme 'viichitac ná'maq ỹa'maxarenta so'maxare. Ca re'oq nqai'ñii dá'maq 'ñiitari' quená'ogue ná'maq no'uen 'viichitac, chaqai quiyim paguec 'yiiñita ñi qota'a.

2 Tesalonicenses 2:17

chaqaiñaua ñauá'maq ỹa'ñaxate' naua re'taxanatahi chaqai rotauañigue quiyim shichii, quiyim 'xachii, chaqai quiyim 'viichii ná'ogue ná'maq ỹa'maqachiguiñi.

1 Timoteo 3:1

Dajo dá'maq ỹaatqajam lliqueta: Quiyim 'ue ca ỹahotaque quiyim la'gaxala' ná'maq mashic icoñiguit da na'qaatec, ca ỹaatqajam no'uen no'ueenatec yí'maq ỹahotaque ỹo'uet.

1 Timoteo 5:10

Chaqai ỹaatqajam qaỹa'deenta quiyim ỹo'ueetetac ca ỹa'maqachiguiñi. Ca' 'eda dá'maq 'neetari' quet aca'maxare: quiyim ỹaatqajam idaanlec ca llaalquenaxanaxac, chaqai quelola ca namaqategueri', chaqai qaica ca huapigui lauel quiyim idaañiguit na lqaỹaripi quená'maq mashic icoñiguit da na'qaatec, loqo'm ỹotauan ca se ỹa'maxagui lauel, loqo'm canchaqaica liỹa lo'ueenataxanaxac ỹa'maqachiguiñi.

2 Timoteo 2:21

Ca no'm 'ue ca ỹahotaque ta'chiguit quiyim qaỹouenaxana queso qara'gaxala', ca' no'uen quiyim nco'taxat quená'ogue na se no'uen, qaiyi ishit qarouenaxana quecanchaqaica no'uen.

Tito 1:16

Na'maxare 'naac ỹaatqajam ỹa'den ñi qota'a, qam dá'maq lo'ueenataxanaxac re'qoota quiyim se nachiñiguit dá'maq 'neetari'. Ỹaatqajam se qaishitaqchiguit chaqai se na'xaỹaxan, chaqai sqa taiguit cá'maq no'ueenataxanaxac ỹa'maqachiguiñi.

Tito 2:14

So'maxare nañan quiyim ileualgoto qomi', ma' ỹahotaque quiyim qarca'laxatec quená'ogue na se no'uen chaqai ỹaatqajam co'taxat da qanachaalataxac, qaiyi qomi' lalamqate' chaqai quiyim qarqo'ta so'ueetaq cá'maq no'uen.

Tito 3:1

No'uenaxanaxañitegue ná'maq mashic icoñiguit da na'qaatec quiyim se napacalec ná'maq nashillipi leta'allipi chaqai na lotauaripi. Ta'ta'a quiyim na'xaỹaxane'ta chaqai quiyim se resalla'ñiguit quiyim ỹo'uet canchaqaica no'uen no'ueenataxanaxac.

Tito 3:14

Chaqai ná'ogue ná'maq mashic icoñiguit da na'qaatec 'maxaraic quiyim ỹa'den ỹo'uet ca no'uen qai'neeta, chaqai quiyim ỹotauan ná'maq 'ue ca louenaxanaxa, qaiyi 'ue ca 'negue da nachaalataxac.

Tito 3:8

Ca' dajo sa'xatetac dá'maq ỹaatqajam lliqueta. Ca' vichiguiño' sahotaque quiyim repaquira'a 'xachi' dajo, qaiyi ná'ogue ná'maq huelec ñi qota'a nquipita'pegue' quiyim ỹo'uet ca ỹa'maqachiguiñi. Ma' dajo sa'xatetac 'xoic loyac chaqai ỹa'maqachiguiñi quená'ogue.

Hebreos 13:21

ca ñi'maxare ỹaatqajam naloqojonchiriñi qamiri, chaqai no'ueenaxat da no'ueenataxaguii quená'ogue, qaiyi 'viichii cá'maq ỹahotaque, chaqai quiyim ỹo'uet ñi'maxare coqomi' cá'ogue cá'maq ỹahotaque, chicqochigui nqai'en so Jesucristo. ¡Ca' se neme qaimaqachintac so Cristo! Ajá'a, ca' chaqaida 'neeta dajo.

1 Pedro 2:12

Ỹaatqajam 'maxaraic nqai'ñii da no'ueenataxaguii, na'maxachita quiyim lliguitaugui ná'maq saqa' iuanapega ñi qota'a. Qaiyi ná'maq se no'viiñi naua ỹa'xateta'pe nagui caqamiri, 'ec 'xoic nqai'en ca rasauaxashichii, ca' iuana ma'le dá'maq 'maxaraic 'viichitac, ca' imaqachin ma'le ñi qota'a ma' ỹovita ca na'xa'a quiyim ñi'maxare imit na nasauaxaset quená'ogue najo.