Mateo 25:44 - La'qaatqa ñi qota'olec Qota'olec & Qota'olec Novita Na Qomyipi

⁴⁴ Ca saua'maxare 'nerac ma'le: “Qami' qara'gaxala', ¿negue' quet cá'maq 'neeta? Ma' quena' seuanqa'ta qami' rqopachi', loqo'm 'xoic raquipi', loqo'm 'mi'segueri', loqo'm qaica qatooỹaqui', loqo'm qami' ralolaxaic, loqo'm qami' ncoñiiteguesec, ca' sotauanqai'.”

Mateo 25:44 Iomraidhean Croise

Malaquías 1:6

Ñi qara'gaxala' sqaica lqalanec 'neetasa' da la'qaatec queso netaxaỹaxanqajanqaipi: Na ñaalqaipi imaqachin na leta'allipi, chaqai na ñaaqainatqaipi se napacalec ca ỹa'xat na na'coororipi. Qam no'm ỹim qata'ahi, ¿chi'negue ma' napaguiiteguelec quena' 'ue dá'maq sa'xat? No'm ỹim na'coori, ca ¿chi'negue ma' se na'xaỹaxañiua'? Qamiri se rqo'chiiua', qam qaiyiita 'ñiỹac: ¿Negue' cá'maq 'neeto' quiyim se qarqo'ta qami'?

Malaquías 2:17

Ñi qara'gaxala' mashic nco'teuec quiyim 'qaatapegalo qamiri; qam qamiri qaiyiita nataxañitac: ¿Nega'ỹo' cá'maq shinqac quiyim nco'te'guesopa quiyim 'qaatapegalo qomi'? Ma' qamiri 'ñiỹac ñi qara'gaxala' nqo'ta ná'maq ỹo'ueetetac na se no'uen, chaqai netoonta'guelo naua'maxare. ¡Qamiri 'ñiitapega quiyim ñi qota'olec mesqai hueeta'ñi yi ỹa'maqachiguiñi!

Mateo 10:41

Ca cá'maq ỹacoñi'chiguit ca letaxaỹaxanqajnec ñi qota'a ma' ca'maxare lelaatec ñi'maxare, ca ca'maxare icoñiguit ca nishiue' 'nejem ma'le cá'maq nishiue' ca netaxaỹaxanqajnec. Chaqai cá'maq icoñi'chiguit ca ỹale huagaxaraic ma' huagaxaraic, ca' icoñiguit ma'le ca nishiue' 'nejem cá'maq nishiue' ca huagaxaraic ỹale.

Mateo 25:43

so'meetegueri', qam sqa vii ca ilaqsoqo'; qaica ca ỹooỹac, qam sqo 'viichii; chaqai na' yalola chaqai na' qaycoñi', qam sqai 'piichiu'a aỹim.”

Mateo 25:45

Ca' ca nashi 'naac ma'le: “Ỹaatqajam llic da shinac caqamiri, quená'ogue ná'maq sqo 'viichii quena qomyipi quená'maq 'ec sqaica ca 'negue, qai'neeta caỹim sqo 'viichii.”

Mateo 5:6

Ỹaatqajam chalego la'maxa ma'le quecá'maq 'ec 'ue na lqopaaxa chaqai na laquip quiyim ỹahotaque ỹo'uet ná'maq ỹahotaque ñi qota'olec, ma' ñi'maxare ỹotauanegue ma'le ca'maxare, qaiyi ishit ỹo'uet.

Mateo 7:22

Ca' ma' ỹovita cajo na'xa'a, ca 'xoic ca 'naac ma'le caỹim: “Qami' qara'gaxala', qomi' so'ueenataxanqatapega quen da qadeenaxachi' quena' sa'qaataxanqatac, chaqai quena' so'daqauec na ne'ec lecmaxaic, chaqai queda qadeenaxachi' 'xoic na so'ueetaq ỹo'uet da ne'laxa.”

Lucas 10:29

Qam so napaxaguinataxanaq ỹahotaque quiyim iuejlec da lenataxanaxac, ca 'naapego' so Jesús: —¿Negue' cá'maq iỹa shinta malam?