Mateo 25:4 - La'qaatqa ñi qota'olec Qota'olec & Qota'olec Novita Na Qomyipi

⁴ Qam saua 'deenaxanqachaqai co'na' i'xate' saua lcoỹeraxanaxaqui', qam lotqai ỹahote so louetaxanategue' aceite.

Mateo 25:4 Iomraidhean Croise

Salmos 45:7

Qami' nashi, ỹaatqajam rqo'chita ná'maq no'uen chaqai se rqo'chita na se no'uen. Vichiguiño' nca'au'a qami' ñi qota'olec ñí'maq qota'olec caqami', Ca' 'xoic nqai'en da netoonaxaqui', ỹapacauec nqai'en qami' quena riỹachi'ipi.

Mateo 10:16

¡Ñaqai 'ajñii! Ỹim selate' qamiri, 'nejme' aqamiri aca qagreta, quiichicñigui nqohin na lavinñi ca iseripi toxonaxairipi. Qam na'deenaxanqachiñii, 'ñiitari' ca nanaic, qam sqa vii ca rovirii, 'ñiitari' ca coviguiñic.

Mateo 25:2

Cinco' saua qaica ca ỹa'deenda'a, chaqai cinco' saua 'deenaxanqachaqai.

Mateo 25:3

Ca sauá'maq cinco qaica ca ỹa'deenda'a co'na' i'xate' saua lcoỹeraxanaxaqui', qam se ỹahote ca louetaxanategue' aceite quiyim liỹa iỹoxoguilo.

Mateo 25:5

Qam co'na' só'maq sham shilo qaua' novi', ca sá'ogue natacot da lelaxac, vire'ta ca' sá'ogue laq.

Mateo 7:24

Ca' chaqaida 'neeta quecá'maq 'xaỹa aỹim, ca' ỹo'uet dá'maq ỹa'qaatec, ca 'nejem nqaishin ca qom 'deenaxanqachaqaic quiyim ỹanejlec ca qa' quiyim ỹa'yiñi ca lauo'.

Juan 3:34

Ma' cá'maq qaila' quiñi qota'olec, ca ỹa'xat da la'qaatec ñi'maxare, ma' ñi qota'olec se naloqojnañi quiyim ỹaanec so ne'Espíritu.

Romanos 8:9

Qam qamiri totqai quiita'pegue' da lqo'itaxanqachic na roshicmaxahi. Ta'ta'a quiyim quiita'pegue' da lo'ueenataxanaxac so Espíritu, no'm llic neetauguilo qamiri so ne'Espíritu ñi qota'a. Ma' cá'maq sqai neetagui so Espíritu chicqo'ot so Cristo, ca ca'maxare se lalamaxaret so'maxare.

2 Corintios 1:22

Chaqai chaqaiñi ñí'maq ỹo'uet ca letanec coqomi', ca' ỹanaguilo naua qare'taxanata ñi Espíritu Santo, ñí'maq i'taxajñi cá'maq seconaxaguit ma'le.

1 Juan 2:20

Qam so Cristo ỹaanema qamiri so Espíritu Santo, ca' qamiá'ogue mashic 'ue ná'maq ra'yiiñiguii.

1 Juan 2:27

Qam mashic coñiguit so Espíritu Santo só'maq ỹaanema qamiri so Jesucristo. Ca' tot repaguitaque quiyim 'ue ca ỹapaxaguine' qamiri, ma' chaqaiso só'maq Espíritu só'maq ỹapaxaguinque qamiri ná'ogue nanchaqaina, qam naua lapaxaguinataxanaxaco ỹaatqajam lliquete', mese na'maachic. Ca' chaqaida 'neetari' da nachaalataxaguii na'deetau'a nqai'ñii so Cristo, ma' chaqaida dá'maq lapaxaguinataxanaxac so Espíritu.

Judas 1:19

Ca' chaqaina ná'maq ỹo'uet quiyim shicchigui na qomyipi, ca chaqai que'uegue ná'maq ỹo'ueetetac na loshicmaxa, chaqai na'maxare sqai neetagui so ne'Espíritu ñi qota'a.