Biblia Todo Logo
Bìoball air-loidhne

- Sanasan -




Mateo 25:21 - La'qaatqa ñi qota'olec Qota'olec & Qota'olec Novita Na Qomyipi

21 Ca só'maq a'co' 'naaco': “Ajá'a, ỹa'maqachiguiñi, ỹaatqajam qami' no'uen chaqai qamaxaraic nelaatec. Ma' qami' qamaxaraic quecá'maq sqa looqui', ca' paguec lecaic cá'maq spataqairaxalec. Nagui nenoxoñiro, ca' qami' ñitoonaxaua.”

Faic an caibideil Dèan lethbhreac




Mateo 25:21
30 Iomraidhean Croise  

¿Nega'ỹo' cá'maq nelaatec qamaxaraic chaqai 'deenaxanqachaqaic, cá'maq reloxoỹa'a nqai'en sá'ogue so la'a' ca na'co' quiyim qui'ỹaxanac quiyim ỹovita ca laloqo'?


Ỹaatqajam llic da shinac caqamiri, quiyim so na'co' pataxalec ma'le ná'ogue na louenqaipi.


Ca so na'co' 'naaco': “Ajá'a, ỹa'maqachiguiñi, ỹaatqajam qami' no'uen chaqai qamaxaraic nelaatec. Ma' qami' qamaxaraic quecá'maq sqa looqui', ca' paguec lecaic cá'maq spataqairaxalec. Nagui nenoxoñiro, ca' qami' ñitoonaxaua.”


Ime, ca' nauajo querepegue' ca nouaxanaxac sqaica lqodoc, ca ná'maq no'uen da ỹo'ueetetac, ca' quepegue' ca nca'laxa sqaica lqodoc.


Aỹim ỹaatqajam llic da shinac quecajo a'co' ỹamaxalec ma'le quiyim reloxoỹa'a cá'ogue cá'maq louenec.


Cá'maq ỹa'maxate'tegue quiyim sqa lo ca reloqota'a, ca chaqaida 'neeta ỹa'maxate'tegue quiyim 'xoic ca reloqota'a. Qam ca se ỹa'maxata'gue cá'maq sqo vite', qai'neeta se ỹa'maxata'gue ca 'xoic quiyim reloqota'a.


Ca no'm 'ue ca ỹahotaque quiyim ro'ueenataxanot aỹim, ca 'maxaraic quiyim queeta'pegue' aỹim, ma' cá'maq seuete'e, ca' chaqaiyi hueete'e cá'maq ro'ueenataxantacot aỹim. No'm 'ue ca ro'ueenataxanot aỹim, ca' ñi ita'a imaqachin ca'maxare.


Ca ma' ime ashic, ca sa'maxajñi ca ra'aari, ca lotqai liỹa yapil, ca sauegue' qamiri, qaiyi cá'ogue cá'maq senqata'ñi.


Qami' ita'a, qami' nañaañi' naua'maxare, ca' ỹim sahotaque quiyim cá'maq senta'ñi qai'neete' naua'maxare neesa'ñi, qaiyi iuanta dá'maq imaqachic nañaañi'; ma' ỹaatqajam yi'xoriñi' shi'gue na' saqa'leca na 'laua.


Ta'ta'a quiyim cá'maq ỹaatqajam judío le'ec, qam quená'maq pa'aauo; chaqai quiyim 'ue ca netanec, qam cañi le'taxanata. Qam sqa chicqaugui na naqataxac naneretañi, chicqaugui da se re'xogui 'ueenataxac. Cá'maq 'neetari' dajo, ca qaỹa'maxarenta; qam mesqai quena qomyipi, ta'ta'a quiñi qota'olec.


Ca vichiguiño' caqamiri mesqai 'aviỹalec quiyim michii ca riỹahi. Nauaañiỹa'piguit só'maq qara'gaxala' ma' novi', ca re'oq nqai'en ca hueetaugui na napalaxa. So'maxare re'oq nqai'en ma'le na 'neetari' na ne'taxanatallipi. Ca ñi qota'a ỹaanem queca 'óna cá'maq 'neeta ca na'maqataxac.


Ma' cá'maq qom quiyim qaỹa'maxarenta, qam mesqaica ca chi na'xateteguelta'; ta'ta'a cá'maq qaimaqachin quiñí'maq qara'gaxala'.


Vichiguiño' 'ue da qareuogoxo, qaiyi nqo'talo qomi' so qara'gaxala', quiyim ma' tot qaicaua qomi', loqo'm ñaq sqauaqategueri'.


Ca' 'xoic da lqalaic quiyim ñca'aguilo daua dos. Ma' da liỹa ỹa'deenataxanaxac 'neetasa': Ỹim yishiitaque quiyim yileu, qaiyi shic, ca' sento'ot so Cristo. Ca' dajo 'eco' paguec la'maxa caỹim.


Ma' ca lotaua ca na'gaxala' quiyim lo'yaxanec ca lo'ueenataxanaxac, ca ỹovireta'a quiyim qaimaqachin, chaqai se netelalec quiyim ỹa'xatetac da lpi'ỹaxac chicqo'ot so Cristo Jesús.


quiyim 'ue ca qare'xoric, ca' qai'neeta salecqau'a ma'le ma' ỹoiquentac ná'ogue najo. Qam no'm shinqac se sa'deenaq so'maxare, ca' so'maxare qai'neeta 'naac se ỹauanapegalo qomi'.


Ỹaatqajam ya'ỹoqotagui so Jesús só'maq chicqo'ot da qarpi'ỹaxac chaqai nachinñi nqai'en. So Jesús ỹaatqajam na'ñaxachiguit da qohine'tegue na' qaipateno, chaqai se na'xaỹaxana dá'maq 'neeta quiyim nayiloxo lahi' dá'maq 'nejem dajo nelauaxa. Ma' ỹa'deenta quiyim ma' ime'uegue da le'xoric, ca 'ue ca netoonaxac chaqai ỹa'maqachiguiñi. Chaqai nqa'xanñi queda loic quiyi nqa'xanqa' ñi qota'a.


Qam se ro'chita dá'maq qohine'tegue ma'le caqami'. Ma' so na'ỹaapec 'ue ma'le ca coñi' cañi ncoñiitaxanaxaqui caqamiri, qaiyi qamiá'ogue qari'guiñii ma'le. Chaqai 'ue ca re'xoriguii ma'le quecaua diez na'xata'. Qam ỹaatqajam lo'qo'ichiriñi da rpi'ỹaxaqui', ỹovireta'a quiyim rillivi'. Ca ỹim saanem qami' ma'le da nca'laxa 'ec nishivichi'.


Ca cá'maq rauegaxan ma'le, ca' icoñiguit ma'le ná'ogue najo, 'ec nishiue' nqohin. Ca' ỹim ỹaatqajam ỹim leta'a qota'olec, chaqai ca'maxare ỹaatqajam ỹalamaxaret ỹaalec ma'le.


Ca cá'maq rauegaxan, ca' sa'ue ma'le ca loma' quiyi ñqa'xanqa' quiyim nashi, 'nejem aỹim ma' sauegaxan, ca ñqa'xanñi cañi nqa'xanaxaqui ñi qota'olec.


Ma' ñí'maq qagreta llaalec ñí'maq neetañigui na lavinñi yi nashi nqa'xanqa', ñi'maxare reloqota'a 'neeta'gue aca qagreta, chaqai ỹauega ca hua'ñi na ne'paxantashiguim huaxaỹaq chicqaugui da nca'laxa. Chaqai ñi qota'olec nquiỹouec ná'ogue na lachiripi quenaua nqote' na'maxare.


Lean sinn:

Sanasan


Sanasan