Mateo 25:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Qam co'na' saua cinco nequetegaxahi sqaica ca ỹa'deendaque que' rishiujnaxandaque ca aceite. Ca' noviro só'maq shiltapego. Ca sauá'maq nequetegaxahi 'deenaxanqachaqai inoxondo liỹaresaho so'maxare queca shilaq. Ca' qaỹapogui ca lasom.

Mateo 25:10 Iomraidhean Croise

Génesis 7:16

'Óna ỹale chaqai 'óna 'aalo quená'ogue na lashic na iseripi inoxono. Ca ipaquichigui dá'maq 'naaco' na'le ñi qota'olec queso Noé. Co'na' ime, ca ñi'maxare ỹapogui so lasom.

Salmos 95:11

Ca na' so'o, ca' saanec da ỹa'qaatec quiyim se inoxona'a ma'le yi ñco'matqa'.

Mateo 24:42

Ca no'uen quiyim qamiri nelohitauec, ma' sqa 'yiiñii ca laloqo' ca loviraxaqui na ra'gaxalarii.

Mateo 24:43

Qam qamiri 'yiiñii quiyim cá'maq lauo' ca 'imec, quiyim ỹa'den ca laloqo' cá'maq hua'ñi ca pe, ca novi' ca cuataxai, ca ca'maxare sqai laq, qaiyi se ỹasen quiyim qarocachigui ca lauo'.

Mateo 24:44

Ca vichiguiño' qamiri qai'neeta na'maxachitañi. Ma' noma' sqaica ca viitaque, ca novi' najo ỹale llaalec.

Mateo 25:6

Ca co'na' 'uo' ca pe lauel, ca qara'xaỹaco' so naualaxac: “¡Mashic novi' ná'maq ỹale shilo; quiỹa'guit!”

Mateo 7:21

Mesqai ná'ogue na qomyipi quená'maq 'naac: “Qami' qara'gaxala'”, sqai ná'ogue inoxono ma'le queca ñaqai naata lo'ueenataxanaxac ñi qota'a queda piguim. Chaqaicaata cá'maq ỹo'uet dá'maq ỹahotaque ñi ita'a neeta'gue da piguim.

Lucas 12:35

Ỹaatqajam na'maxachitañi, ỹaviquetaugui nqai'ñii aca rcoỹeraxanaxaguii.

Lucas 13:25

Ma' ime, ca' cajo lauo' ca 'imec ne'laxashiguim, ỹapogui ca lasom ca 'imec, ca' qamiri pa'aitauec, ca' ỹaxañitapegueu'a ca lasom, 'ñiỹac: “Qami' qara'gaxala', huachire'ogalo qomi'.” Qam ca'maxare saat, ca' 'naac: “Taque', se sa'den ca chigoxoita'gue qamiri.”

Colosenses 1:12

chaqai 'ỹaañitacot da na'aachicyaxaguii ñi qota'olec, ma' ñi'maxare ỹa'maxatetañi ỹaanem cá'maq ỹachaxantac ná'maq lalamqateripi ma' ỹovita quiyim seuqataugui cá'maq lauaq ñi'maxare.

2 Timoteo 4:8

Ca' nagui nauaantaiguit ca ñishiue' quedá'maq lalamaxa da ñachaalataxac, qam dajo nañaañim so qara'gaxala' Jesús quecajo na'xa'a, só'maq se ỹo'maac quiyim imit ca qom. Qam mesqaỹimeta nañaañim, ma' qai'neeta ỹaanem ná'ogue ná'maq 'xoic lqo'iichi queca loviraxac.

1 Pedro 1:13

Ca vichiguiño' ỹaatqajam 'maxachichiguiñi ca ra'deenataxanaxaguii quiyim 'ue ca 'viichii, chaqai ỹaatqajam 'ajñita. Ỹaatqajam machiỹalec da naquitaxaguii da lqouagaxa ñi qota'a quecá'maq ỹaanema qamiri ma'le ma' liỹa re'oq so Jesucristo.

Apocalipsis 1:7

¡Ñaq ra'iiguit, na Cristo naquetaugui na naueguelec! Ca ná'ogue iuañi'chiguit ma'le, vire'ta ná'maq coñirqachit iuana ma'le. Chaqai ná'ogue na ỹoreta'oguit qomyipi hueetalec ana 'laua ỹaatqajam noỹentagui ma' idaana'guit. Ajá'a, ca' chaqaida 'neeta ma'le.

Apocalipsis 19:7

Ỹaatqajam saỹaaquioqotac, ñitoonqatac chaqai semaqachinqatac ñi'maxare, ma' mashic ỹovita yi laloqo' quiyim shilo ñi 'ec qagreta llaalec. Chaqai añí'maq loua mashic na'maxatetañi.

Apocalipsis 22:20

Ca só'maq ichoxote' nauajo 'naac: —Ajá'a, sqaỹaloq ñanac. Ajá'a, ca' chaqaida 'neeta dajo, nanaqui' qami' qara'gaxala' Jesús.