Mateo 24:6 - La'qaatqa ñi qota'olec Qota'olec & Qota'olec Novita Na Qomyipi

⁶ Qamiri 'ue ma'le na ra'xaỹaxaguii quiyim 'maqachi'ñalo na lauataq. Qam mese ro'chiỹo', ma' chaqaida 'neeta ma'le, qam saqa' novi' ca nqodoc.

Mateo 24:6 Iomraidhean Croise

Isaías 7:4

Ca 'ñiraco' ma'le: Rovichisari'o', qam totaxan ro'daxachirec; se ro'chi'i' chaqai sqai 'miaxachira'alo saua 'ec dos norec lasoqo nichiisashiguim, Rezín chaqai so lauo' sirioipi, chaqai ñi llaalec so Remalías, 'ec ỹaviquetauguilo queda lauele'.

Mateo 2:3

Ca co'na' ỹa'den dajo so nashi Herodes, ca' tot ỹa'den ca 'neeta, chaqai qai'neeta ná'ogue na qomyipi na'ñi yi Jerusalén.

Mateo 24:14

Qam dajo no'uen na'xaỹaxac ỹa'xat dá'maq lo'ueenataxanaxac ñi ỹoiquentac ná'ogue najo, da'maxare qaỹa'xat ma'le quená'ogue na 'laua, qaiyi qaỹa'den quená'ogue na ỹoreta'oguit qomyipi. Ca ma'le, ca' novi' ca nqodoc.

Mateo 26:54

Qam quiyim shi'ntegue dajo, ca ¿negue' quet cá'maq 'neeta quiyim ipaquichiguilo quet naua naneresañi la'qaatqa ñi qota'a, ma' ỹa'xate' quiyim chaqaida 'neeta ma'le dajo?

Lucas 21:19

Qam cá'maq ishit ra'ñiigui lauel, ca' chaqaica ca laueguec ca nca'laxa sqaica lqodoc.

Lucas 21:9

Chaqai no'm 'ue ca ra'xaỹaxaguii queca nalauatetecta', chaqai ca 'neeta'pegue ca nashi, qam mese ro'chii. Ma' dajo 'au ỹovita ma'le, qam saqa' novi' ca nqodoc.

Lucas 22:37

Ma' ỹim shinapegalo qamiri quiyim ỹaatqajam ipaquichigui caỹim dajo 'nerac naua nerecse' la'qaatqa ñi qota'a, ma' 'nerac: “Ca qaỹalecqajnougui na sauaqhuaiquipi ca'maxare ma'le.” Ma' ná'ogue na qoỹeretañi caỹim ipaquichigui ma'le.

Juan 14:1

Sqaica huapigui qavillii. Ta'ta'a quiyim viilec ñi qota'olec, chaqai viilec aỹim qai'neeta.

Juan 14:27

Qaidaata da neuagaxa 'ue quiyim shique'elo qamiri. Saañiỹaxarom da iuagaxa, qam sqai shine'tegue dá'maq 'ne'tegue na qom hueetalec na 'laua quena' ỹaan da leuagaxa. Sqaica huapigui qavillii, chaqai se ro'chii.

2 Tesalonicenses 2:2

quiyim mesqai chaqa'ma' dalaxachii ca ra'deenataxanaxaguii, chaqai se ro'chii no'm 'ue ca na'qaatec 'ec chicqo'ot so Espíritu Santo, chaqai no'm 'xahitapega na na'qaatqaipi, chaqai no'm 'ue aca nelaata 'ec chicqo'toto qomi', ỹa'xatetac quiyim mashic novi' ca na'xa'a loviraxaqui so qara'gaxala'.

Apocalipsis 6:4

Ca nenoxonec so liỹa shipgaq letogaxaic. Ca só'maq neetalec so'maxare qoỹaanem da lquesaxanaxa quiyim rouootaxana'gue da neuagaxa quena 'laua, chaqai ỹo'uet quiyim na qomyipi nalauajta'. Ca so'maxare qoỹaanem so lecat lodegaxat.