Mateo 24:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ma' 'xoic ma'le ca naquetaugui da ỹeenaxat 'naac ma'le: “Ỹim ná'maq ỹim rashii rca'laxaguii”, ca 'xoic ca ỹayin ma'le.

Mateo 24:5 Iomraidhean Croise

Jeremías 14:14

Ca na'le, ca 'naac caỹim ñi qara'gaxala': No'm 'naac dajo na netaxaỹaxaquiripi, ca na'majantac. Ỹim se sela', chaqai sqai shilen, chaqai sqaica ca shinapega. Dajo neuanaxanaxac sqai 'chiñi, rayinaxan da'maxare, chi lo'ueenatec quedá'maq chi lque'guenataxanaxac. Dajo ỹa'xatetac na netaxaỹaxaquiripi.

Jeremías 37:9

Ỹim na'gaxala' sa'ue da ỹaqataxac: Qaica nemaqajnaxaguii, chaqai sqai 'ñiitapega quiyim so caldeoipi chaqa'ma' eec, qam sqaida.

Mateo 24:11

Ca 'xoic ca re'oq ma'le 'maatqaic 'naac quiyim letaxaỹaxanqajnec ñi qota'a. Ca 'xoic ma'le ca ỹayin quena qomyipi.

Mateo 24:24

Ma' 'xoic ca 'maatqaiquipi novi' ma'le, ca 'naac quiyim chaqaica cá'maq nashi nca'laxaqui, loqo'm 'naac quiyim letaxaỹaxanqajnec ñi qota'a. Ca ma'le, ca ỹo'uet ca chalego lecaic netanec chaqai na se qaiuanapega, ma' ỹahotaque quiyim sha'apiguito' ỹayin ná'maq lca'acseripi ñi qota'olec.

Juan 5:43

Ma' ỹim ñanac, qam yila' ñí'maq ita'a, qam qamiri sqai coñiguit aỹim; qam queta' 'ue ca chi nanoiquentac nanac, ca' coñiguit queta'le.

Juan 8:24

Vichiguiño' shinapegalo qamiri quiyim ma' rillivii, quiita'ñi' na rasauaxashichii. Ma' no'm sqai viilec quiyim chaqaỹim ná'maq ỹim, ca quiita'ñi' na rasauaxashichii.

Juan 8:28

Vichiguiño' so Jesús 'naaco' queso qomyipi: —Ma' ỹovita quiyim nanorishiguim najo ỹale llaalec, ca qaiguemo' 'yiiñii quiyim chaqaỹim ná'maq ỹim, chaqai quiyim sqa soiquentac cá'maq so'uet, ta'ta'a quiyim sa'xat dá'maq ỹapaxaguinegue aỹim ñí'maq ita'a.

1 Juan 2:18

Qamiri ỹaalqolqa, nagui mashic ỹovire'ogalo naua pa'aaterec na'xata'. Ma' qamiri shi'gue 'xahita'guit quiyim naata cá'maq npa'guene'e' ma'le so Cristo. Qam nagui mashic re'oq quiyim 'xoic ná'maq npa'guente'e' so'maxare, ca vichiguiño' sa'deenaq quiyim mashic seuqatauguilo naua pa'aaterec na'xata'.

1 Juan 2:22

¿Nega'ỹo' cá'maq 'maatqaic? Cajo chaqaica cá'maq 'naac quiyim so Jesús mesqaiso só'maq nashi nca'laxaqui. Ca' chaqaica cá'maq npa'guenaxaua so'maxare, ma' ỹoqolliguit ñi qota'olec chaqai qai'neeta só'maq llaalec.

1 Juan 4:3

Qam cá'maq sqai 'neeta dajo nqai'en so Jesús, ca' sqai hueeto'ot so Espíritu chicqo'ot ñi qota'a. Ta'ta'a quiyim hueeto'oto naua no'ueenataxaco so npa'guenaxaua so Cristo. Qamiri mashic 'yiiñii naate' cauajo 'ueenataxaco. Hua', qam nagui mashic hueesalec ana 'laua.

Apocalipsis 13:8

Ca' sojo isecỹac ỹaatqajam qaimaqachin quená'ogue ná'maq hueetalec ana 'laua, quená'maq se qoỹeretañi ca leenaxat na' ñaqai chita'gue qaỹo'uet na 'laua, cacá'maq lere nca'laxalate hueeto'ot so 'ec qagreta llaalec shi'gue qaỹalauat.