Mateo 24:45 - La'qaatqa ñi qota'olec Qota'olec & Qota'olec Novita Na Qomyipi

⁴⁵ ¿Nega'ỹo' cá'maq nelaatec qamaxaraic chaqai 'deenaxanqachaqaic, cá'maq reloxoỹa'a nqai'en sá'ogue so la'a' ca na'co' quiyim qui'ỹaxanac quiyim ỹovita ca laloqo'?

Mateo 24:45 Iomraidhean Croise

Ezequiel 34:2

Qami' ỹale, taxahi' quiichigui nqai'ñi' da ỹeenaxat quena neloxoỹaripi quena Israel, 'ñiraco' ma'le quena'maxare: 'Neetasa' da la'qaatec ñi qara'gaxala': ¡Chalego le'xoric ná'maq neloxoỹaripi quena Israel chi ncochiiteguelta'! Qam ná'maq cochiỹa quet ná'maq neloxoỹaripi, aná'maq ilo qagreta.

Mateo 10:16

¡Ñaqai 'ajñii! Ỹim selate' qamiri, 'nejme' aqamiri aca qagreta, quiichicñigui nqohin na lavinñi ca iseripi toxonaxairipi. Qam na'deenaxanqachiñii, 'ñiitari' ca nanaic, qam sqa vii ca rovirii, 'ñiitari' ca coviguiñic.

Mateo 13:52

Co'na'le, ca 'naaco' quesaua'maxare: —Quiyim ca rapaxaguinataxanta'pegue na naqataxaquipi chicqo'ot so Moisés quena' napaxaguintapega dá'maq lo'ueenataxanaxac ñí'maq neeta'gue da piguim, ca ca'maxare chi ỹovireta'a quiyim 'ec lalamaxaret ca 'imec, ca ỹa'den naqatec cá'maq dalaxaic chaqai cá'maq ñauapec quená'maq la'maqatec.

Mateo 24:46

Chalego la'maxa queca nelaatec, quiyim ma' novi' ca na'co', ca iuanejlec ñaq ỹo'ueetetac cá'maq qailarelec.

Mateo 25:2

Cinco' saua qaica ca ỹa'deenda'a, chaqai cinco' saua 'deenaxanqachaqai.

Mateo 25:21

Ca só'maq a'co' 'naaco': “Ajá'a, ỹa'maqachiguiñi, ỹaatqajam qami' no'uen chaqai qamaxaraic nelaatec. Ma' qami' qamaxaraic quecá'maq sqa looqui', ca' paguec lecaic cá'maq spataqairaxalec. Nagui nenoxoñiro, ca' qami' ñitoonaxaua.”

Mateo 25:23

Ca so na'co' 'naaco': “Ajá'a, ỹa'maqachiguiñi, ỹaatqajam qami' no'uen chaqai qamaxaraic nelaatec. Ma' qami' qamaxaraic quecá'maq sqa looqui', ca' paguec lecaic cá'maq spataqairaxalec. Nagui nenoxoñiro, ca' qami' ñitoonaxaua.”

Mateo 7:24

Ca' chaqaida 'neeta quecá'maq 'xaỹa aỹim, ca' ỹo'uet dá'maq ỹa'qaatec, ca 'nejem nqaishin ca qom 'deenaxanqachaqaic quiyim ỹanejlec ca qa' quiyim ỹa'yiñi ca lauo'.

Lucas 19:17

Ca' so nashi 'naaco': “Ajá'a, maq no'uen, ỹa'maqachiguiñi, ỹaatqajam qami' no'uen nelaatec. Ma' qami' na'maxachite' quecá'maq sqa lo, ca' nagui qami' sanagui quiyim qami' nashi, reloxoiqachicshiqui' ca diez na'aateripi.”

Hechos 20:28

Ca' nagui, ca ncochiỹalta', chaqai cochiỹa ná'ogue ná'maq mashic ỹacoñiguit da na'qaatec, quiyim so Espíritu Santo pataxalgoto qamiri quiyim loxoi'a chaqai cochiỹa, ma' na'maxare lalamqate' ñi qara'gaxala' Jesús, ma' ñi'maxare lishiujnaxanqate, rishiuetenaxanalo saua chi leuo' na' qaỹalauat.

1 Timoteo 1:12

Saanot da ña'aachic ñi qara'gaxala' Jesucristo, ñí'maq nañaañim da ña'ñaaqataxac quedajo, ma' ỹa'den quiyim yaqamqata, ca' pataxailec da lo'ueenataxanaxac.

2 Timoteo 2:2

Dá'maq ỹaatqajam 'qa'ichirigui caỹim quiyim shinac, chaqai 'xoic na 'qaachigui quena liỹa qomyipi, ca' chaqaida dá'maq pataqairelec ná'maq qomyipi quiyim piichira'a ỹapaxaguin ca liỹa.

Hebreos 3:5

Ca' chaqaida 'neeta so Moisés ỹaatqajam ỹaqamqata quená'ogue ná'maq ỹo'uet quiyi la'a' ñi qota'a; dá'maq lo'ueenatec qaidaata quiyim ỹa'xatetac dá'maq ỹa'xat ñi qota'a ma'le.

Apocalipsis 2:13

Ỹim sa'den ná'ogue ná'maq 'viichi'sac, chaqai sa'den quiyim lliquisaugui ná'maq qomyipi qoỹoiquentac queso na'ỹaapec. Qam qaiyiita ỹaatqajam qui'terelec aỹim, sqai 'xañiriñi quiyim vi'relec aỹim, vire'ta quesaua na'xata' na' qaỹachigoxotetouguilo qamiri so qamaxaraic itaxaỹaxanqajnec Antipas quiyim qaỹalauat, quená'maq hueete'e so na'ỹaapec.

Rut 2:6

Ca' so lashi so naqataxanyipi 'naaco': —Chicqa'gue da Moab. Ada'maxare nauegaxaua na'le aca Noemí.