Mateo 24:44 - La'qaatqa ñi qota'olec Qota'olec & Qota'olec Novita Na Qomyipi

⁴⁴ Ca vichiguiño' qamiri qai'neeta na'maxachitañi. Ma' noma' sqaica ca viitaque, ca novi' najo ỹale llaalec.

Mateo 24:44 Iomraidhean Croise

Mateo 24:27

Ma' 'ec ma'le ca nqai'legaxa re'qoota queda lqodoigue chaqai queda lauashiguim, ca chaqaida 'neeta ma'le ca loviraxac najo ỹale llaalec.

Mateo 24:42

Ca no'uen quiyim qamiri nelohitauec, ma' sqa 'yiiñii ca laloqo' ca loviraxaqui na ra'gaxalarii.

Mateo 24:43

Qam qamiri 'yiiñii quiyim cá'maq lauo' ca 'imec, quiyim ỹa'den ca laloqo' cá'maq hua'ñi ca pe, ca novi' ca cuataxai, ca ca'maxare sqai laq, qaiyi se ỹasen quiyim qarocachigui ca lauo'.

Mateo 25:10

Qam co'na' saua cinco nequetegaxahi sqaica ca ỹa'deendaque que' rishiujnaxandaque ca aceite. Ca' noviro só'maq shiltapego. Ca sauá'maq nequetegaxahi 'deenaxanqachaqai inoxondo liỹaresaho so'maxare queca shilaq. Ca' qaỹapogui ca lasom.

Mateo 25:13

Co'na'le, ca' so Jesús 'naapegalo' saua'maxare: —Ỹaatqajam nelohitauec, ma' sqa 'yiiñii ca na'xa'a chaqai ca laloqo' quiyim novi' najo ỹale llaalec.

Lucas 12:39

Ca' 'yiiñita dajo shinac quiyim 'ue ca lalamaxat ca 'imec quiyim ỹa'deenta ca loviraqa' ca cuataxai chaqa'ma' yi nelootauec, ca se ỹasen quiyim qai'guentau'a quiyim qarocachot.

Lucas 12:40

Ca' qamiri qai'neeta ỹaatqajam na'maxachitañi, ma' ne'laqataxanto ca loviraqa' najo ỹale llaalec.

Lucas 21:36

Ca' qamiri na'maxachitañi ma'le, ca' queetauguilo naua na'xata' da nqouagaxainaxaguii, qaiyi qohite' qamiri quenaua'que nauajo, chaqai qaiyi shichii quiyim viriu'a ma' novi' najo ỹale llaalec.

Filipenses 4:5

Ca ná'ogue na qomyipi ỹa'deente' qamiri quiyim qamiri qouagaxanqachaqaqa, ma' so qara'gaxala' sqaỹaloq novi'.

Santiago 5:9

Caqamiri ỹaqaỹarolqa, 'neeto' 'ue ca queeteguelec ca liỹa caqamiri, qaiyi qaica ca qaỹa'ue ca lasauaxaset. Ma' ñi qota'a ñí'maq imit ma'le na nasauaxaseteripi, tot qaỹaloq novi'.

Apocalipsis 19:7

Ỹaatqajam saỹaaquioqotac, ñitoonqatac chaqai semaqachinqatac ñi'maxare, ma' mashic ỹovita yi laloqo' quiyim shilo ñi 'ec qagreta llaalec. Chaqai añí'maq loua mashic na'maxatetañi.