Biblia Todo Logo
Bìoball air-loidhne

- Sanasan -




Mateo 24:43 - La'qaatqa ñi qota'olec Qota'olec & Qota'olec Novita Na Qomyipi

43 Qam qamiri 'yiiñii quiyim cá'maq lauo' ca 'imec, quiyim ỹa'den ca laloqo' cá'maq hua'ñi ca pe, ca novi' ca cuataxai, ca ca'maxare sqai laq, qaiyi se ỹasen quiyim qarocachigui ca lauo'.

Faic an caibideil Dèan lethbhreac




Mateo 24:43
18 Iomraidhean Croise  

Ca co'na' tot qoỹoxoguit so na'xa'a, ca' so Jesús nqo'neu'alo saua'maxare, qauaata, queetalec so huaxaỹaq.


Ca co'na' iconchiguit aso nishiuete', ca' ro'ỹeta so na'coote'.


Ca no'uen quiyim qamiri nelohitauec, ma' sqa 'yiiñii ca laloqo' ca loviraxaqui na ra'gaxalarii.


Ca vichiguiño' qamiri qai'neeta na'maxachitañi. Ma' noma' sqaica ca viitaque, ca novi' najo ỹale llaalec.


Qam co'na' saua cinco nequetegaxahi sqaica ca ỹa'deendaque que' rishiujnaxandaque ca aceite. Ca' noviro só'maq shiltapego. Ca sauá'maq nequetegaxahi 'deenaxanqachaqai inoxondo liỹaresaho so'maxare queca shilaq. Ca' qaỹapogui ca lasom.


Co'na'le, ca' so Jesús 'naapegalo' saua'maxare: —Ỹaatqajam nelohitauec, ma' sqa 'yiiñii ca na'xa'a chaqai ca laloqo' quiyim novi' najo ỹale llaalec.


Ca' qamiri ỹaatqajam nelohitauec ma'le, ma' sqa 'yiiñii lagui novi' cá'maq lauo' ca 'imec, ma' sqoue novi' ma' napalchiguiñi, loqo'm ma' pe lauel, loqo'm ma' noỹen ca huaqa'e, loqo'm ma' richiitegueñi.


Ca' so Jesús co'na' ỹa'den quiyim mashic nco'terec queda lallicotaxanaxague', ma' saua'maxare reloqochichiguit so nonot. Qam co'na' na'xa'atac, ca' so Jesús quepegueto saua'maxare, qauaata, queetalec na huaxaỹaq. Ca mashic sham ỹa'ỹaalgoto.


'Eno'm novi' queca pe lauel, loqo'm ma' na'xa'atac, qam no'm novi' iuanejlgoto ñaq neloosauec, chalego la'maxa ma'le quecauajo nelaatqa.


Ca' 'yiiñita dajo shinac quiyim 'ue ca lalamaxat ca 'imec quiyim ỹa'deenta ca loviraqa' ca cuataxai chaqa'ma' yi nelootauec, ca se ỹasen quiyim qai'guentau'a quiyim qarocachot.


Ca' qamiri na'maxachitañi ma'le, ca' queetauguilo naua na'xata' da nqouagaxainaxaguii, qaiyi qohite' qamiri quenaua'que nauajo, chaqai qaiyi shichii quiyim viriu'a ma' novi' najo ỹale llaalec.


“Ajñii, ỹim ñovi' ma' sqaica ca qaỹahotaque, shintari' ca cuataxai. Chalego loyac ma'le quecá'maq nelootauec chaqai cá'maq netela'alo caua loho, qaiyi mesqai neetauec, ma' no'me' na qomyipi iuana ma'le ná'ogue na loshicmaxa.”


No'viñira'gue dá'maq napaxaguinataxaqui' coñichiguit na'le. Ca' netogochigui nqai'ñi' na qavilli'. Qam no'm se nelo'irec, ca' shicpegue' qami', qam sqa ỹaataq ca ỹoviraqa', shintari' ca cuataxai.


Lean sinn:

Sanasan


Sanasan