Mateo 24:4 - La'qaatqa ñi qota'olec Qota'olec & Qota'olec Novita Na Qomyipi

⁴ Co'na'le, ca' so Jesús 'naaco' quesaua'maxare: —Rovichiỹari'o', qaiyi qaica ca rayiñii.

Mateo 24:4 Iomraidhean Croise

Jeremías 29:8

Ỹim na'gaxala' sqaica lqalanec, ỹim qota'olec queso Israel, saqatalo qamiri quedajo: Totaxan 'xañiigue quiyim rayiñitac na netaxaỹaxaquiripi chaqai na idaanau'a nanchaqaina quená'maq ỹalequetauguilo qamiri; totaxan na'xaỹaxañiỹa quena' ỹa'xat na le'guemataxac.

Jeremías 37:9

Ỹim na'gaxala' sa'ue da ỹaqataxac: Qaica nemaqajnaxaguii, chaqai sqai 'ñiitapega quiyim so caldeoipi chaqa'ma' eec, qam sqaida.

Marcos 13:22

Ma' 'xoic ná'maq anac ma'le 'maatqaiquipi, 'naac ma'le chaqaina ná'maq nashi nca'laxaqui loqo'm 'ec letaxaỹaxanqajnec ñi qota'a. Ma' na'maxare ishit ỹo'uet na netanqaipi chaqai ná'maq se qaiuanapega, sha'apiguito' quiyim ỹayin ná'maq shi'gue lca'acseripi ñi qota'olec.

Lucas 21:8

Ca' so Jesús 'naaco': —Rovichiỹari'o' ma'le, 'neeto' 'ue ca rayiñii. Ma' 'xoic ma'le ca anac, naquetaugui da ỹeenaxat, ca 'naac: “Aỹim chaqaỹim ná'maq nashi nca'laxaqui”; chaqai “Nagui ỹovita yi laloqo'.” Qam qamiri se coỹari'tegue.

Gálatas 6:3

Ma' no'm 'ue ca 'neetapigui lauel quiyim 'ue ca 'negue, quiyim qaica ca 'negue, ca' ca'maxare chi nayinteguelta'.

Efesios 4:14

Ca' totqai 'ec qomi' ñaalqolqai' quiyim chaqa'ma' ỹashaxanec ca la'deenataxanaxac, ca 'ec qaỹamaqata queca nonot quecanchaqai dalaxaic napaxaguinataxanaxac, vire'to' ma' qanaqajñi quená'maq 'ue da lco'ỹaxaric qomyipi ma' ỹahotaque so'maqac.

Efesios 5:6

Qaica ca ỹayine' qamiri quenaua na'qaatqa qaica ca 'netegue, ma' chaqainaua nauá'maq se no'viiñi nauá'maq chicqochigui dá'maq chalego lichic lonogoxonaxac ñi qota'a quiyim ỹa'ue ca nouaxanaxaset ná'maq se na'xaỹaxana ñi'maxare.

Colosenses 2:18

Mesqai 'xañiigue quiyim rouootaxana'gue cá'maq raviguiguii ná'maq 'ec nañoxojñi neneequesenta chaqai nqouagaxaintacot na nelaatqaipi piguim laseripi. Ma' na'maxare tau'a quiyim ỹo'uet ná'maq se iuanapega chaqai pi'chigui queda nemaqajnaxac quená'maq chi la'deenataxanaxac.

Colosenses 2:8

Rovichiỹari'o', 'neeto' lotqai quii'uegue ná'maq ỹahotaque rayiñii, ỹahote'e ná'maq na'deenaxanaxa huelec najo chaqai na sqai llic na'deenataxanaxac. Ma' na'maxare sqai chicqochigui so Cristo; ta'ta'a ná'maq chi no'ueenataxac na qomyipi, chaqai quedá'maq la'deenataxanaxac chaqainaata ỹa'deentapega ná'maq nanchaqaina re'qoochigui.

2 Tesalonicenses 2:3

Qam sqai 'xañiigue ca nayinaxaguii, ma' ma' saqa' ỹovita cajo na'xa'a, ca novi' ma'le ca npa'guenaxac ñi qota'a. Ma'le, ca' re'oq ca ỹale sauaqhuaic cá'maq tai'a quiyim ỹaatqajam ime nqohin.

1 Juan 4:1

Qamiri ỹaqaỹarolqa, 'neeto' viilec ná'ogue ná'maq 'naac mashic qaretaqaugui quiñi qota'a, ta'ta'a quiyim 'guiñii, no'm chaqaiño' ñí'maq ne'Espíritu ñi qota'a ñí'maq neetagui, loqo'm 'e'. Ma' na 'laua mashic sham no'xalec quena 'maatqaiquipi quená'maq 'naac mashic qaretaqaugui quiñi qota'a.