Mateo 24:35 - La'qaatqa ñi qota'olec Qota'olec & Qota'olec Novita Na Qomyipi

³⁵ Na piguim chaqai na 'laua imero ma'le, qam naua ỹa'qaatqa sqaica ma' se ipaguiguilo quet.

Mateo 24:35 Iomraidhean Croise

Salmos 19:7

Da lapaxaguinataxanaxac ñi qara'gaxala' ỹaatqajam lamaxaraic, ma' ỹadalaxat da chaalataxac. Da laqataxac ñi qara'gaxala' ỹaatqajam qamaxaraic, ma' da'maxare ỹo'uet ca la'deenec ca qaica ca ỹa'den.

Isaías 40:8

Ỹaso ana peue chaqai ana lenoỹaxai roỹapi, qam naua la'qaatqa ñi qota'olec coqomi' chaqaidaata 'neesari'.

Isaías 54:10

'Eno'm ana qa' ladocai nqo'in ỹoỹoota'a ca loma' chaqai naua quemaralgoto taari'nquira, qam dá'maq iqo'iichi caqami' se nadalaxat chaqai se nqo'ñiñi dá'maq qana'deenaxac queda no'daxa. Dajo 'naac ñi qara'gaxala' ñí'maq 'ue da lqouagaxa caqami'. (54.11-17 Yí'maq dalaxaic Jerusalén.)

Números 23:19

Ñi qota'olec mesqai 'nejem ca chaqai qom, ma' ca qom 'ue ca lqodoc: ñi'maxare se na'majan chaqai se ỹadalaxat ca la'deenataxanaxac. Ma' ñi'maxare quena' 'ue da 'naac, ca' ỹo'uet. Chaqai quena' 'ue da ỹaanec la'qaatec, ca' ipacqajanchigui.

Mateo 5:18

Ma' ỹaatqajam llic dá'maq shinac caqamiri, quiyim ñaqa 'ue na piguim chaqai na 'laua, ca' sqaica ca qanaqata'a quena nerqaipi, vire'ta ca netancoqui' quena naqataxaquipi quiyim saqa' ỹovita quiyim ipaquichigui ná'ogue ná'maq 'neeta mashic qoỹeretañi.

Marcos 13:31

Tot qaica ma'le na piguim chaqai na 'laua, qam naua ỹa'qaatqa se ishit quiyim se ipaguiguilo.

Lucas 21:33

Na piguim chaqai na 'laua ishit 'ue ca lqodogue', qam naua ỹa'qaatqa se ishit quiyim se ipaguiguilo.

Tito 1:2

chaqai qai'neeta ỹa'deenta da quitaxac queda chaalataxac sqaica lqodoc. Dá'maq ỹachaxantac na' saqa'leca na 'laua ñí'maq qota'a, ma' ñí se na'majan.

1 Pedro 1:25

qam daua la'qaatqa ñi qara'gaxala' chaqaidaata 'neesari', se imero. Ca' nauajo na'qaatqa chicqoraugui da nca'laxa chaqaida dá'maq qaỹa'xatema qamiri.

Apocalipsis 20:11

Na'le, ca seuane'ta so chalego lecaic nashi nqa'xanqa' lalagaxaic chaqai só'maq nqa'xantalec. Ca' quiyi, ca' ỹaatqajam palac na 'laua chaqai na piguim, ca' tot qaica ca qaiuana quesaua'maxare, ma' pala'pe.

Apocalipsis 3:14

Qai'neeta lachita ana lere ñi nelaatec reloqota'a yí'maq mashic icoñiguit da na'qaatec neeta'ñi yi Laodicea. 'Ñiraco': “'Neetasa' da la'qaatec ná'maq ỹaatqajam lliqueta, ná'maq ỹaatqajam ipacqajanchigui ca la'qaatec, ñí'maq chicqochigui ná'ogue ná'maq lo'ueenatec ñi qota'a:

Apocalipsis 6:14

Ca' na piguim palac, 'ec ana lere quena' qalepajta'. Chaqai ná'ogue aná'maq quemaralec ladocai chaqai ana delec qaidaxan quena loma'.