Mateo 24:31 - La'qaatqa ñi qota'olec Qota'olec & Qota'olec Novita Na Qomyipi

³¹ Ca ila' na lelaatqaipi piguim laseripi quiyim netenegue da lelamaxa ana lpe'te pe'taxan, ca' qaiyi lapoonta' ná'ogue na lca'acseripi neeta'guelo naua cuatro llico na nonot, qaỹachigoxota'ogalo naua'que naua lahil na 'laua.

Mateo 24:31 Iomraidhean Croise

Salmos 22:27

Qamiri ni'ic, chaqai ná'ogue na ỹoreta'oguit qomyipi quenaua'que naua lahil na 'laua: o'lliinchii'a ñi qara'gaxala', ca' naguipegue'; ¡'yiỹoto naua re'cootallii ñi'maxare!

Salmos 67:7

¡Ca' ñi qota'olec no'ueenaxate' qomi'! ¡Ca' qaimaqachin quená'ogue na 'laua!

Éxodo 19:16

Ca na' richiguiñi na' ỹovirerec saua dos na'xata', ca' 'ue na nqai'legaxa chaqai ana soxonaxa, chaqai so naueguelec lapo hueetalec aso qa' ladocai. Chaqai ỹaatqajam chalego lelamaxa na npe'tellipi. Ca i'loxolqachit quena lqolonaxa sá'ogue só'maq neetaugui na lauo' na'daañoqui'.

Isaías 43:6

Shinapega ma'le da rapiguim: Rapilaxachi', chaqai shinapega da 'guiñi: Mese nolli'rañi naua'maxare. Nodo'e' na ỹaalqaipi chaqai na ỹaallipi quenauá'maq qoỹoqo'teguelo lahil na 'laua.

Isaías 45:22

Nahiquena, qaiyi ñca'laxaterec qamiri ma'le, qomyipi quenaua lahil na 'laua, ma' ỹim qota'olec, ca' qaica ca liỹa.

Isaías 49:18

Ñaq namachirashiguim, ca 'ajñi' ná'maq sqo ỹoxe'oga caqami', 'ajñi' quiyim ná'ogue lapootaho, chaqai rapila qami'. Ỹim, ỹim na'gaxala', saanec da ỹa'qaatec, nallitalta', quiyim ná'ogue ma' rapil 'ec aca 'ueetqate quiyim ñi'riñi ma'le 'ec na no'ueetaxat acá'maq shiltapego.

Isaías 60:4

Na'i'rashiguim, ca 'ajñi' naua'que naua lahil na ñi'sa'ñi: ná'ogue lapoỹata', ca nacpegue' qami'. Na qachaalaxai'ipi qoỹoqo'tegue na chicqa'gue; chaqai na qachaalli'ipi qanodoota qaiqa'aalto'ot.

Daniel 7:2

Ỹim queso i'guemataxac, ca' seuana na nonot chicqo'teguelo naua cuatro llico quiyim npe'taxanshiguim, ca' idaxan na huaxaỹaq caso huaaxai late'ogue'.

Zacarías 14:5

Ca' qamiri 'iichii ma'le 'guiñihe'oga ma'le so ca'megue quiichicñigui na lavinñi ada qa' ladocai, ca' viitañigui na lavinñi ma'le daua qari ladocahi, ca so'maxare ỹovira'a ma'le yi Azal, ca' queda lahi quii'tegue. Ma' 'iichii qamiri 'nejem quesom na' 'eete' saua 'auaxaqa qata'allii na' i'loxol na 'laua só'maq viichigui na' neetaho quiyim nashi so Uzías ỹoiquentac yi Judá. Ca nanac ma'le ñi na'gaxala' ñí'maq qota'olec caỹim, nauequeta'pegue' ná'ogue ná'maq na'xaỹaxanta.

Zacarías 2:6

Ñi qara'gaxala' i'taxajñi da la'qaatec: Ỹim so'uet quiyim qareuagaxachitac quenaua'que naua lahil na 'laua. Qam nagui shinac caqamiri: ¡'Iichii, nanalochaxañii quena 'laua queda rapiguim, leenaxat Babilonia, quená'maq ỹoqa'a 'laua ñiitalec qamiri nauá'maq ñiitalec na'le yi Sión! Ỹim na'gaxala', se'taxajñi da ỹa'qaatec.

Zacarías 6:5

Ca' so nelaatec piguim le'ec 'naac caỹim: Nauajo nauá'maq cuatro nonoochi', chicqosapegueu'a ñi la'gaxala' ná'ogue na 'laua.

Zacarías 9:10

Na'maxare nopoxoỹaxajñi ma'le na nahoglenaipi quiyi Efraín, chaqai na shipiguiripi quena Jerusalén, ná'ogue ana no'xoshic lauataxaqui. Ỹa'xateta'guit da neuagaxa quená'ogue na qomyipi quena 'laua, chaqai vire'ta na huaaxaipi ỹoiquentac chicqochi'ñi aso lachiugue Eufrates, ca ỹovireta'ogalo naua'que naua lahil na 'laua. (9.11—13.9 Liỹa qanadalaxashiguim yi Israel. Qaỹa'xateta'guit quiyim liỹa qanca'laxatec. Saua dos neloxoỹa' cana qagreta. Qanca'laxatec yi Jerusalén. Ñi qara'gaxala', chaqaiñi ñí'maq qota'olec caỹim.)

Mateo 13:41

Ca' najo ỹale llaalec ila' ma'le na lelaatqaipi piguim laseripi quiyim lapoon quedá'maq lo'ueenataxanaxac ná'ogue ná'maq ỹo'uet ca lasauaxaset ca liỹa, chaqai ná'maq ỹo'ueetetac na se no'uen.

Mateo 24:22

Ca' ñi qota'olec quetqai se nqo'naxajta' cauajo na'xata', ca' qaica quet cá'maq ishit nca'leuec. Qam nqo'naxajta' ma'le, ma' i'xoren ná'maq lca'acseripi.

Mateo 24:24

Ma' 'xoic ca 'maatqaiquipi novi' ma'le, ca 'naac quiyim chaqaica cá'maq nashi nca'laxaqui, loqo'm 'naac quiyim letaxaỹaxanqajnec ñi qota'a. Ca ma'le, ca ỹo'uet ca chalego lecaic netanec chaqai na se qaiuanapega, ma' ỹahotaque quiyim sha'apiguito' ỹayin ná'maq lca'acseripi ñi qota'olec.

Mateo 24:32

Napaxaguiñiỹa dajo quiyim saloqojnaxana ana higo lashi: Quena' no'ualauec chaqai ñaxatec ana laue, ca' qamiri 'yiiñii quiyim nepalata ca nosaxa.

Mateo 25:31

Ca ma' novi' najo ỹale llaalec quiyim nashi, qalapoỹau'a quena lelaatqaipi piguim laseripi, ca nqa'xañigui aca 'ue lauaq nashi nqa'xanaxaqui.

Mateo 28:18

Co'na'le, ca' so Jesús nqo'neuo' quesaua'maxare, ca 'naaco': —Qanañaañim da iquesaxanaxa quiyim soiquentac ná'ogue na hueeto'ot na piguim chaqai quena 'laua.

Marcos 13:27

Ca ila' ma'le na lelaatqaipi piguim laseripi quiyim lapoon ná'maq lca'acseripi quenaua'que naua lahil na 'laua, vire'ta ná'maq paguec lesega quena 'laua chaqai quena piguim.

Lucas 24:47

Ca' dajo leenaxat qaỹa'xat ma'le, qara'qaataxanougui na ỹoreta'oguit qomyipi, quiyim qohinapega ná'ogue na'maxare quiyim ỹalate' naua no'ueenataxaco, qaiyi naua lasauaxasete' qaỹapalaxate', qaỹachigoxochichi'ñi na Jerusalén.

Juan 11:52

Chaqai mesqainaata na judioipi, ma' qai'neeta ỹahotaque lapoonta' ná'ogue na qota'a llaalqaipi neuagaxatetac.

Romanos 10:18

Qam ỹim senataxan: ¿Peeta'a sqa 'xaỹa na'maxare da na'qaatec? ¡Ajá'a, pacaco', qa'sqai 'qaatapega! Ma' naua nerecse' la'qaatqa ñi qota'a 'neracsa': Da lelamqa' naua la'qaatqa saua netaxaỹaxanqajanqa qara'xaỹa quená'ogue na 'laua, chaqai nalolec naua'que naua lahil na 'laua daua la'qaatqa saua'maxare.

1 Corintios 15:52

Qalaxam ỹaatqajam ne'laqataxanchiguiñi ma'le dajo, 'nejem ca quiyim nqatagoxoñi ca qom, ma' qaỹa'xaỹaque aso co'uaataxanta npe'taxanaxac. Ma' qaipe'taxanlecna, ca na leuaxaiquipi liỹa nca'leuec nqohin, ca' quiyi, ca tot ishit ileu. Qam qomi' chi qaỹadalaxate' qomi'.

Efesios 1:10

Ca' dajo ỹaatqajam qaica ca taỹa'gue, ta'ta'a quiyim ipaquichigui ma' ỹovita ca laloqo', ma' ñi qota'a ỹomato'ot ma'le quiyim so Cristo ỹoiquentac ná'ogue nanchaqaina, quená'maq hueeto'ot na piguim chaqai ná'maq hueetalec na 'laua.

1 Tesalonicenses 4:16

Ma' chaqaiso só'maq qara'gaxala' Jesús ma'le renotec quena piguim, naquetagui da lquesaxanaxa da nelaataxac, chaqai naquetagui da loỹaxanaxac ca lashi na chicqashiguim qota'a lelaatqaipi, chaqai da lelamaxa aca npe'te, ma' qaipe'taxanlec nqai'en najo ñi qota'a. Ca' ná'maq queeta'ñi quiyim huelec so Cristo, ca' liỹa nca'leuec nqohin.

2 Tesalonicenses 2:1

Ca' nagui qamiri qarqaỹa', quedá'maq loviraxac so qara'gaxala' Jesucristo ma' novi' lapooñiguita qomi' so'maxare, ca saqataxalo qamiri

Hebreos 12:19

Chaqai sqai 'xaiỹa ca lelamaxa aso npe'te chaqai da lavillaxac ñi qota'a na' retaqatac quesaua'maxare. Ca só'maq 'qaataco' na'le, ca ne'xoresene'tot quiyim tot liỹa qaretaxaỹa.

Apocalipsis 1:20

Ca' dajo dá'maq leloxoỹaxague' se re'xogui taỹauguilo saua siete huaqajñi huañichiriguilo llo'qoota'alo queda ỹoic, chaqai quesaua siete ncoỹeraxanaxaqui' 'oro: saua siete huaqajñi taỹaugui quiñi 'óna nelaatec quená'maq reloqota'a ná'maq mashic icoñiguit da na'qaatec neetalgoto yaua siete 'lauari, chaqai saua siete ncoỹeraxanaxaqui' taỹauguilo sauá'maq neetalgoto yaua siete 'lauari.

Apocalipsis 11:15

Ca' so pa'aatec quesaua siete nelaatqa piguim lase' pi'chigui aso lpe'te. Ca qara'xaỹaque so chalego lecaic nivillaxac queda piguim, 'naacsa': Da lo'ueenataxanaxac ná'ogue ná'maq ỹoiquentac na 'laua, chi ỹovireta'a quiyim lalamaxaret ñi qara'gaxala', chaqai so nela' nashi nca'laxaqui; ñi'maxare qaica lqodoc quiyim ỹoiquentac na'maxare.

Apocalipsis 7:1

Ca na' ime dajo, ca seuane'talo saua cuatro nelaatqa piguim lase', nachaatesañi, hueeta'ñiguilo naua cuatro llico na nonot. Saua'maxare quepaxatesa'guit naua nonoochi', qaiyi se pe'terelec ana 'laua, chaqai ana huaaxai, chaqai ana qo'paq.

Apocalipsis 8:2

Ca na' ime, ca seuane'talo saua siete nelaatqa piguim lase', nachaatesañi, reloqoso'ot ñi qota'a. Ca saua'maxare qoỹaanema saua siete npe'tel.