Mateo 24:3 - La'qaatqa ñi qota'olec Qota'olec & Qota'olec Novita Na Qomyipi

³ Co'na'le, ca taarishi'megue ada quemaralec ladocai nananqa' ana qo'paq olivos. Ca co'na' so Jesús nqa'xantañi quiyi'maxare, ca' saua lapaxaguinatqa retaxahi', nemootetetot, 'neraco': —Sahoqotaque sa'deenaq lagui ỹovita ca laloqo' dajo. ¿Nega'ỹo' cá'maq netanec quecá'maq roviraxagui'i' chaqai quecá'maq nqodoc?

Mateo 24:3 Iomraidhean Croise

Mateo 13:36

Co'na'le, ca' so Jesús pil nqai'en so qomyipi. Ca' inoxonougui ca 'imec. Ca' so lapaxaguinatqaipi nqo'neu'a so'maxare, ca qohinaco': —Choxochitema qomi' ca leloxoỹaxac aso peue se no'uen queso nanaxanqa'.

Mateo 13:49

Ca' chaqaida 'neeta ma' ime na 'laua. Nanac ma'le na nelaatqaipi piguim laseripi, quiyim naqata'a ná'maq se no'uen quená'maq lo'yaxanec.

Mateo 15:12

Ca' saua lapaxaguinatqa so Jesús noquiicra'a so'maxare, ca 'neraco': —¿'Yiiñi' quiyim so fariseoipi ỹaatqajam ro'o na' 'xaỹa da ra'qaachiqui'?

Mateo 16:27

Ma' najo ỹale llaalec ma' novi', ca' naquetaugui da lauaq ñi leta'a chaqai liỹaatac na lelaatqaipi piguim laseripi. Ca' ma'le, ca ishiueten quiñi 'óna quecá'maq lo'ueenatec.

Mateo 16:28

Ỹaatqajam llic da shinac caqamiri, 'vii ma'le caua caqamiri lliguitaho nagui quiyim saqa' ileue', chi ỹovireta'a quiyim iuanta najo ỹale llaalec naquetaugui da lo'ueenataxanaxac quiyim nashi.

Mateo 17:19

Ca co'na' ime, ca' saua lapaxaguinatqa ỹoỹooteterec so Jesús quiyim inate', 'neraco': —¿Chi'neco' qomi' ma' se seshitaq so'daqauec so ne'ec lecmaxaic?

Mateo 21:1

Ca co'na' ipalasaho quiyi Jerusalén, ca ỹovirera'a yi na'a' Betfagé seeque'ta yi quemaralec late'ogue' leenaxat nananqa' ana qo'paq olivos. Ca' so Jesús 'vio' saua dos ilate' quesaua lapaxaguinatqa.

Mateo 24:27

Ma' 'ec ma'le ca nqai'legaxa re'qoota queda lqodoigue chaqai queda lauashiguim, ca chaqaida 'neeta ma'le ca loviraxac najo ỹale llaalec.

Mateo 24:30

Ca ma'le, ca' qaiuana quena piguim ca letanec najo ỹale llaalec. Ca ná'ogue na ỹoreta'oguit qomyipi noỹentagui, ma' qaidaana'guit najo ỹale llaalec naquetaugui na naueguelec, ỹaatqajam chalego lquesaxanaxa chaqai na lauaq.

Mateo 24:37

'Neete'm ma'le saua na'xata' hueetouguilo saua na'xata' so Noé, ca' chaqaida 'nejem ma'le ca loviraxac najo ỹale llaalec.

Mateo 24:39

Chaqai qaico' ca retanaxan na'le, chi ỹovireto'o' na' nac so ỹaxat, ca ỹaỹoxonaxat sá'ogue so qomyipi. Ca' chaqaida 'neeta ma'le ma' novi' najo ỹale llaalec.

Mateo 24:43

Qam qamiri 'yiiñii quiyim cá'maq lauo' ca 'imec, quiyim ỹa'den ca laloqo' cá'maq hua'ñi ca pe, ca novi' ca cuataxai, ca ca'maxare sqai laq, qaiyi se ỹasen quiyim qarocachigui ca lauo'.

Mateo 28:20

Chaqai paxaguiñigue quiyim huelec ná'ogue ná'maq sapaxaguinguelo qamiri. Chaqai 'yiiñita quiyim ỹim salequetauguilo qamiri quenaua'que naua na'xata', chi ỹovireta'a ca nqodoc. Ajá'a, ca' chaqaida 'neeta dajo.

Lucas 21:7

Ca' qainato' so Jesús, qohinaco': —Qami' napaxaguinataxanaq, ¿laguio' ỹovita ca laloqo' dajo? ¿Negue' ca netanec ma' ỹovita ca na'xa'a re'oq dajo?

Hechos 1:7

Ca' so Jesús 'naapegalo': —Qamiri sqa taiguit 'yiiñii lagui, loqo'm negue' ca na'xa'a 'ue ca ỹo'uet ñi qota'a, ma' chaqaiñiita ñi'maxare ỹo'viijñi ma'le quiyim ỹo'uet.

Hebreos 9:26

Ma' quetqai chaqaido' 'neeta dajo, ca 'xoic quet quiyim qaỹalauat chicqochi'ñi na' ñaqai chita'gue qaỹo'uet na 'laua. Qam nagui ma' mashic imiguilo nqohine' naua na'xata', ca re'oq so Cristo nachaxan 'oonoqui', ca' dá'ogue ỹomachigui. Ma' chi nañaanalta' so'maxare, qaiyi naqat ná'ogue na nasauaxaset.