Mateo 24:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ma' ỹaatqajam 'xoic ca ne'xoric ma'le, qaica 'nejem shi'gue na' ñaqai taachiguiñi qaỹo'uet na 'laua, chaqai qaica ma' 'ue quet ca liỹa 'nejem.

Mateo 24:21 Iomraidhean Croise

Joel 1:2

Ỹaatqajam na'xaỹaxañiita dajo, qamiri qo'xoiquipi, chaqai qamiá'ogue qamiri ñiitalec najo 'laua Judá, ¿Sqai huañiỹapego' quen qamiri ca 'nejem dajo? ¿Se ỹauanapego' quen 'ue ca 'nejem dajo na' ñaqa 'vii saua qata'allii?

Joel 2:2

Cajo na'xa'a chalego ma'le ca napalaxa; cajo na'xa'a naueguelquetañi chaqai la'alchiguiñi. Ana piñai 'ec na 'xoic nouaataxanaq nalauataxai quelec neuagaxajlec ana qa' ladocai, 'ec na lauaq quena' richiguiñi. Se ỹauanapega qaiuana dajo, chaqai qaica ma' qaiuana quet cá'maq 'nejem dajo.

Malaquías 4:1

Ñi qara'gaxala' sqaica lqalanec 'naac: Tot qoỹoxoguit na na'xa'a ỹaviquetaugui, 'ec ca nqatelaxanaxaqui. Ca ná'ogue ná'maq nemaqajnaxairipi chaqai na hualoxonyipi ỹavigougui ma'le, 'ec na 'uaqapi quena norec lauaq. Ca cá'maq cajo na'xa'a naata ỹavigaxat ná'ogue, ca' qaica ca no'ueenashiguim nqai'en.

Mateo 24:20

Ca' shiilahi ñi qota'olec quiyim ma' 'iichii sqai hueetougui nqai'en ca no'oomaxa, loqo'm ca na'xa'a co'mataxaqui.

Mateo 24:29

Ca co'na' ỹovirerec saua na'xata' ne'xoyaxaqui', ca' añi ra'aasa 'om, chaqai ñi shiraigo qaica ca lauaq, chaqai ana huaqajñi najñi quena piguim, vire'ta i'loxol na nquesaxanaxa hueeto'ot na piguim.

Marcos 13:9

Qam chi ncochiỹalta' qamiri, ma' qoỹaaneu'alo qamiri ma'le na nashillipi, chaqai huaugui ma'le ana lapoxoqui na judioipi, ca qaỹouaxanta'pe qamiri. Vire'ta qaraviguiu'a ma'le na nashillipi neloxoỹaripi quena qom chaqai ná'maq lashi na nashillipi sovitapigui aỹim. Ca' quiyi, ca' shichii 'xachii aỹim quena'maxare.

Lucas 21:24

Ca 'uo' ma'le ca ileuaugui ca lauataq, chaqai ca liỹa noxonec, ime, ca' qaỹauegue'galo naua liỹa' 'lauari. Chaqai na chicqauec qomyipi ỹaatqajam co'ueeteguelec na na'a' lodegaxat Jerusalén, toco' ma' ỹovitalo caua naloqojonqa na'xata' quiyim qoỹaanem 'neeta'gue dajo.

1 Tesalonicenses 2:16

Ma' quena' sahoqotaque quiyim sa'xataq da la'qaatec ñi qota'a quená'maq sqai judioipi, qaiyi ỹovira'oga da nca'laxa qai'neeta, ca lotqai se ỹa'maxaren quiyim sa'xataq da'maxare. Ca' quedajo, ca paguec noquigaxatec na lasauaxaset. Qam nagui, ca' ỹovita quiyim taalec dá'maq chalego lecaic nouaxanaxaset chicqo'ot ñi qota'a.

Apocalipsis 16:18

Ca na'le, ca 'ue so nqai'legaxaripi, nalataxa, chaqai soxonaxa, chaqai i'loxol na 'laua. Ca' so le'loxolaxa qaica nqai 'nejem da lquesaxanaxa, sqai 'nejem ná'ogue ná'maq le'loxolaxaripi na 'laua quecá'maq na' ñaqai chita'gue re'oq na qom quena 'laua.

Apocalipsis 7:14

Ca' ỹim shinac na'le: —Taque', qami' ỹa'gaxala', maq 'yiiñi'. Ca' so'maxare 'naapiguiỹa': —Nauajo nauá'maq ca'laxaterauec só'maq chalego lecaic ne'xoric. Ca naua'maxare quiỹo' naua loho chaqai lalagaxaqa nqai'ne', ỹahota'ahi saua leuo' ñi qagreta llaalec.