Mateo 24:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ So letaxaỹaxanqajnec ñi qota'a leenaxat Daniel 'uo' so lerec taỹaugui ná'maq chicqochigui ca se no'uen chaqai ra'aaqataxan. Ca ma' qamiri huañiỹa ca'maxare hueeta'ñi ca se loma' —ca cá'maq retaqalec anajo, ca no'uen quiyim ỹa'yiinchigui dá'maq leloxoỹaxac—

Mateo 24:15 Iomraidhean Croise

Jeremías 44:29

Ỹim, ỹim na'gaxala' sa'ue da itanec re'oq nqaishin ma'le da ỹa'xalenataxanaxac quiyim ipaquichigui chaqai quiyim sa'ue ca nouaxanaxashichii quenajo 'laua:

Daniel 1:6

Ca' queso ne'naqaipi ỹalequesaho saua Daniel, Ananías, Misael chaqai so Azarías chicqoraugui so llaalqaipi so Judá.

Mateo 24:16

ca ná'maq na'ñi yi Judea no'uen quiyim 'eet, i'guenlec ana quemaralec ladocai.

Marcos 13:14

So letaxaỹaxanqajnec ñi qota'a, leenaxat Daniel, na' ỹiriñi quiyim quecá'maq ỹo'uet cá'maq se qanqo'ta chaqai sogui nqai'en; ca ma' huañiỹa dajo qailla'ñi ca se loma'—ca cá'maq retaqalec najo, ca 'maxaraic quiyim ỹaatqajam ỹa'deenta—, ca ná'maq hueeta'ñi yi Judea i'guinshi'meguelo naua quemaralgoto ladocahi.

Lucas 19:43

Ma' ma'le novitalo qami' caua na'xata' se no'viiñi quiyim naua npa'guenaxauachi' no'xonshiguim ca lquepaqataxanaxat, ca chicqote'ogalo na lo'goxonaxat ro'o'e'.

Lucas 21:20

Qam ma' daañii'a na na'a' lodegaxat Jerusalén qaỹoviraqta'ta' quena nouaataxanyipi, ca' qamiri 'yiiñii quiyim sqaỹaloq qanopoxoỹaxajñi.

Juan 11:48

Ma' no'm chaqaida 'neetari' nqaishinaq, ca ná'ogue na qom huelec ma'le so'maxare. Ca' na nashillipi quiyi Roma anac, ca' iuagaxatac añi qaro'ueenaxanaxaqui chaqai na qouo' laseripi.

Hechos 21:28

ca ỹaualaxalec, 'naaco': —Qamiri ỹalliripi Israel laseripi, qarotauañii. Ma' najo ỹale chaqaina na ỹomate' naua 'lauari quiyim ỹapaxaguinta'pegue na qomyipi quiyim npa'guena'e' na qouo', chaqai na naqataxaquipi chicqo'ot nqohin so Moisés, chaqai qai'neeta najo qaro'ueenaxanaxaqui. Chaqai nagui inoxondougui nqai'ne' ana qaro'ueenaxanaxaqui saua sqai judío lase', chi i'nerari' napio'xote' najo co'teeta qalapooqo'.

Hechos 6:13

Qaidaanapigui qai'neeta caua liỹa', qaỹahotaque quiyim se ỹa'maxañi ca ỹa'xate'. Ca 'neraco': —Najo ỹale ỹaatqajam sqai ỹaxanñi quiyim se no'uen na ỹa'xatetac, pa'guentac añi co'teeta no'ueenaxanaxaqui quena Jerusalén chaqai na naqataxaquipi chicqo'ot na'le so Moisés.

Hebreos 2:1

Ca vichiguiño' qomi' ỹaatqajam paguec sa'maxatqa'tegue quet da qana'xaỹaxanaxac quedá'maq sa'xaiqachigui, qaiyi se qarelamqauec.

Apocalipsis 1:3

Chalego la'maxa quecá'maq retaqalec anajo lere, chaqai chalego la'maxa quecá'maq na'xaỹaxantac quiyim qaretaqalec dá'maq na'qaatec chicqo'ot ñi qota'a, chaqai quiyim ỹaatqajam huelec dá'maq qoỹeretalec anajo lere, ma' mashic tot qoỹoqaque ca lqodoc quiyim re'oq ná'ogue najo.

Apocalipsis 3:22

Cá'maq ỹa'den ca na'xaỹaxanaxac, ca' no'uen quiyim na'xaỹaxana so Espíritu Santo quedá'maq 'naapega ná'maq mashic icoñiguit da na'qaatec.”