Mateo 24:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Qam dajo no'uen na'xaỹaxac ỹa'xat dá'maq lo'ueenataxanaxac ñi ỹoiquentac ná'ogue najo, da'maxare qaỹa'xat ma'le quená'ogue na 'laua, qaiyi qaỹa'den quená'ogue na ỹoreta'oguit qomyipi. Ca ma'le, ca' novi' ca nqodoc.

Mateo 24:14 Iomraidhean Croise

Mateo 10:7

Ca 'xachitapeguem quiyim tot qoỹoxoguit da lo'ueenataxanaxac ñi qota'a neeta'gue da piguim quiyim ỹoiquentac ná'ogue najo.

Mateo 18:19

Chaqai qai'neeta shinac caqamiri no'm 'vii caua dos caqamiri quenajo 'laua na'deenta' quiyim 'ue ca rashiilaxandaque nqouagaxaine', ca' ñi ita'a qota'olec neeta'gue da piguim ỹo'uet, ca' ỹaanema.

Mateo 24:3

Co'na'le, ca taarishi'megue ada quemaralec ladocai nananqa' ana qo'paq olivos. Ca co'na' so Jesús nqa'xantañi quiyi'maxare, ca' saua lapaxaguinatqa retaxahi', nemootetetot, 'neraco': —Sahoqotaque sa'deenaq lagui ỹovita ca laloqo' dajo. ¿Nega'ỹo' cá'maq netanec quecá'maq roviraxagui'i' chaqai quecá'maq nqodoc?

Mateo 24:6

Qamiri 'ue ma'le na ra'xaỹaxaguii quiyim 'maqachi'ñalo na lauataq. Qam mese ro'chiỹo', ma' chaqaida 'neeta ma'le, qam saqa' novi' ca nqodoc.

Mateo 4:23

Ca' so Jesús ỹouoxontac yá'ogue yi 'laua Galilea quecanchi ỹoviri'ñi, ca lotqai rapaxaguinataxantapougui ana lapoxoqui na judioipi, ỹa'xatetac dá'maq no'uen na'xaỹaxac queda lo'ueenataxanaxac ñi qota'olec ma' ỹoiquentac ná'ogue najo, chaqai ỹomatec ná'maq ỹoreta'oguit ne'ne' hueetaugui na qom.

Mateo 9:35

So Jesús ỹouoxontac sá'ogue so na'aateripi chaqai naua na'aaterolqai', rapaxaguinataxantac cana lapoxoqui na judioipi quecá'maq hueeta'ñi, ỹa'xatetac da no'uen na'xaỹaxac quiyim ñi qota'olec ỹoiquentac ná'ogue najo, chaqai ỹomatec na qomyipi quená'maq ỹoreta'oguit ralolaxa chaqai na le'ne'.

Marcos 13:10

Ca ma' saqa' novi' ca nqodoc, ca' dajo na'qaatec chicqaugui da nca'laxa shi'gue qaỹa'xatem ma'le ná'ogue na qomyipi.

Lucas 2:1

Qam quesaua na'xata', ca so ỹaatqajam lashi na nashillipi, leenaxat Augusto, so'maxare ỹaanec so la'qaatec quiyim ná'ogue na qomyipi qoỹiro na leenqateripi.

Lucas 24:47

Ca' dajo leenaxat qaỹa'xat ma'le, qara'qaataxanougui na ỹoreta'oguit qomyipi, quiyim qohinapega ná'ogue na'maxare quiyim ỹalate' naua no'ueenataxaco, qaiyi naua lasauaxasete' qaỹapalaxate', qaỹachigoxochichi'ñi na Jerusalén.

Lucas 4:5

Ime, ca' so na'ỹaapec lotqai ỹavicshi'megue aso qa' ladocai, ca ỹachaxanalo naua'que naua na'aate' quena lauat na 'laua.

Hechos 1:2

chi ỹovireta'a so na'xa'a taigue da piguim. Ca na' saqa' eec queda piguim, ca ỹa'vio' saua lca'acse' lelaatqa, chaqai ỹapaxaguinque cá'maq lo'ueenataxanaxague' chicqo'ot nqai'en so Espíritu Santo.

Hechos 11:28

Quesaua'maxare 'uo' so ỹale leenaxat Agabo, nachajñi, qailligui lauel queso Espíritu Santo quiyim ỹa'xata'guit naata so ỹaatqajam lodegaxat nqopaaxa. Qam llic, ma' dajo ỹovirelec quiyim ipaquichigui na' neetaho so nashi quiyi Roma, leenaxat Claudio.

Hechos 17:31

Ma' ñi'maxare mashic ỹa'uo' ca laloqojnec na'xa'a quiyim imit ná'ogue na qom neetalec na 'laua quiyim ỹoỹoote'oga ca lo'yaxanec, qam ỹachigoxochichigui so ỹale chi lca'acsec, leenaxat Jesús. Ca' quedajo ichoxochichigui quená'ogue, na' ileu, qam liỹa nca'laxatec.

Hechos 17:6

Qam co'na' se qaỹanatalo, ca qaiconlec so Jasón, qaỹahogolenta. Chaqai 'vio' saua liỹa' quená'maq mashic ỹacoñiguit da na'qaatec, ca qaỹoviraqtera'a so nashillipi reloqota'a yi na'a'. Ca' qaỹaualaxalgoto, qohinaco': —Najo ná'maq ỹalliripi, ná'maq ỹasauaxatetecta' na qomyipi queda chicqota'gue, chaqai nagui novite' quenajo.

Hechos 19:27

Ca' nagui dajo 'ue da lichic, ma' queda qaro'ueenataxanaxac sqoue na'laañi, chaqai qai'neeta ñí'maq 'imec neetaugui añi ỹaatqajam late'ogue' qarate'e Diana ishit na'laañi da lichoxoric, ca tot qanqo'ta da lecaic añi qarashiila, ma' quená'ogue na Asia chaqai quená'ogue na 'laua lashiila añi'maxare.

Hechos 20:25

Ca' nagui, ca ỹaatqajam se'taxachichiguiñi quiyim tot qaica ca iuañiua', quená'maq shi'gue sapaxaguinta'pegue da lo'ueenataxanaxac ñi qota'a ma' ỹoiquentac ná'ogue najo.

Romanos 10:18

Qam ỹim senataxan: ¿Peeta'a sqa 'xaỹa na'maxare da na'qaatec? ¡Ajá'a, pacaco', qa'sqai 'qaatapega! Ma' naua nerecse' la'qaatqa ñi qota'a 'neracsa': Da lelamqa' naua la'qaatqa saua netaxaỹaxanqajanqa qara'xaỹa quená'ogue na 'laua, chaqai nalolec naua'que naua lahil na 'laua daua la'qaatqa saua'maxare.

Colosenses 1:23

Qam quedajo, 'maxaraic quiyim na'ñaxachichiguiñi queda rpi'ỹaxaguii, 'ñiitari' aca qo'paq ỹaatqajam qoỹorichi'nguilo caua lpa'yii. Chaqai sqai 'xañiñi da naquitaxaguii chicqochigui dá'maq na'qaatec chicqaugui da nca'laxa na' 'xaiỹa. Dajo dá'maq na'qaatec qaỹa'xatetac quenaua'que naua lahil na 'laua. Chaqai aỹim Pablo sotaanaxanegue quiyim sa'xat da'maxare.

Colosenses 1:6

Dajo na'qaatec dá'maq qaỹa'xatema qamiri na'le, chaqaida dá'maq noquiiquetashiguim, ca re'oq da laỹaxac quená'ogue na 'laua. Qaican ỹapaguec na'le caqamiri na' qaỹa'xatema qamiri da le'xorenataxanaxa ñi qota'a, ca 'yiiñii dajo quiyim chaqaida dá'maq ỹaatqajam ne'xorenataxanaxa.

Hebreos 1:6

Qam na' noviraxat so 'auaxaic llaalec quena 'laua, ca 'naaco': Ná'ogue na lelaatqaipi ñi qota'a queda piguim ỹa'dooto naua le'cootal so'maxare.

Hebreos 2:5

Ma' ñi qota'a se pataxalec da no'ueenataxanaxac na lelaatqaipi piguim laseripi quecá'maq 'laua sa'xatqatac.

Apocalipsis 14:6

Ime na'le, ca' seuane'ta so liỹa nelaatec piguim le'ec, ỹoota quena lavinñi na piguim, i'xateta da na'qaatec sqaica lqodoc chicqaugui da nca'laxa, ỹahotaque ỹa'xatem ná'maq hueetalec ana 'laua, ná'ogue ná'maq ỹoreta'oguit na la'qaatec qomyipi.

Apocalipsis 16:14

Ca' sauajo sauá'maq lelaatqa so na'ỹaapec sauá'maq ỹo'ueetesac ná'maq chalego lecaic netanqaipi. Chaqai que', lapoondeta' ná'ogue na nashillipi quena 'laua, ỹa'maxatetañi queca chalego lecaic na'xa'a quiyim nalauate'e' ñí'maq qota'a sqaica lqalanec.

Apocalipsis 3:10

Ma' na'xaỹaxañiteta da ỹaqataxac quiyim 'ue da reualaxaviqui'. Ca' quedajo, ca so'ootaxanlec ma'le aqami' quiyim ỹovita ca laloqo' quiyim qai'guen ná'ogue na qomyipi hueetalec ana 'laua.