Mateo 24:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' quecauajo na'xata' 'xoic ca na'laxatañi ma'le da lpi'ỹaxac, chaqai quiñi 'óna noquii'a ca liỹa, chaqai ỹaañiguit ca liỹa ca se no'uen.

Mateo 24:10 Iomraidhean Croise

Mateo 10:21

Na qomyipi ỹo'uet ma'le ca nalauataxac cá'maq chi lalamaxaret lqaỹa, chaqai ná'maq neta'allipi ỹo'uet ma'le ca nalauataxac cá'maq chi lalamaxaret llaalec. Chaqai na ñaalqaipi npa'guene'e' ma'le ca leta'a, ca relaataxanlec quiyim qaỹalauat.

Mateo 11:6

Chalego la'maxa quecá'maq se yoqolliguit.

Mateo 13:21

Qam ma' sqoỹoxo'ñiguilo naua lpa'yii, ca' se ra'ñi. Ma' quena' 'ue da le'xoric quena nocanaxaquipi souetapigui da na'qaatec, ca' qoshiiuec.

Mateo 13:57

Ca' vichiguiño' se qana'xaỹaxano' quen. Qam so Jesús 'naaco': —Ná'ogue na qomyipi ỹaatqajam nqo'ta ca letaxaỹaxanqajnec ñi qota'a. Qam ná'maq chi la'aayaxauaripi chaqai ná'maq lalamaxaret lqaỹaripi, ca' se nqo'ta.

Mateo 24:11

Ca 'xoic ca re'oq ma'le 'maatqaic 'naac quiyim letaxaỹaxanqajnec ñi qota'a. Ca 'xoic ma'le ca ỹayin quena qomyipi.

Marcos 13:12

Na qomyipi chaqai ỹaañiguit ma'le ca lelauaxa ca lqaỹa, chaqai na neta'allipi chaqai ỹaañiguit ma'le ca lelauaxa na llaalqaipi, chaqai ca ñaalec chaqai ỹaañiguit ca lelauaqa' caua leta'al.

Marcos 4:17

Qam sqoỹoxo'ñiguilo naua lpa'yii, ca' sqoỹoxouec da lquesaxanaxa, ma' quena' novi' da le'xoric, loqo'm da nocanaxac souetapigui da na'qaatec, ca' qoshiiuec.

Lucas 21:16

Qalaxam qoỹaanero qamiri ma'le, vire'ta queca ralamaxarichii qata'ahi loqo'm ca rqaỹahi, loqo'm ca qauori laseripi, loqo'm ca namigohi. Ca 'uo' ca qaỹalauat ma'le caqamiri.

2 Timoteo 1:15

Qam mashic 'yiiñi' quiyim yalat yá'ogue yi na'ñi yi 'laua Asia, ỹalequetero saua Figelo chaqai so Hermógenes.

2 Timoteo 4:10

Ma' so Demas yalat, ma' ỹapacqajnauec na lqo'itaxanqachic quená'maq huelec najo, ca' taigue da Tesalónica. Chaqai so Crescente taigue da Galacia, chaqai so Tito taigue da Dalmacia.

2 Timoteo 4:16

Na' ñaqai chita'gue so'uet da itaxaỹaxac quiyim setaxaỹa'pegue' na nashillipi, qaica ca yotauan quiyim retaqalec aỹim. Ná'ogue yalat, qam no'uen quiyim ñi qota'a se ra'igui dá'ogue dajo.