Mateo 23:9 - La'qaatqa ñi qota'olec Qota'olec & Qota'olec Novita Na Qomyipi

⁹ Chaqai sqaica ca machiỹa'gue qataa'i quena 'laua, ma' 'oonoqui' ñí'maq qataa'i, ca' chaqaiñi ñí'maq neeta'gue da piguim.

Mateo 23:9 Iomraidhean Croise

2 Reyes 2:12

Ca co'na' iuanchigui dajo so Eliseo, ca ỹaualqo', 'naaco': —Qami' ita'a, qami' ita'a. 'Ñiisari' quen ca 'ñaaxaic nalauataxairipi quena llaalqaipi so Israel. Ca co'na' ime dajo, ca' tot iuanegue so Elías. Ca' so Eliseo ỹaatqajam nasectaqta'ahi saua loho queda le'xoric.

2 Reyes 6:21

Ca co'na' so nashi quiyi Israel iuana so qomyipi, ca' inato' so Eliseo, 'naaco': —Qami' ita'a, ¿salauat najo qomyipi?

Malaquías 1:6

Ñi qara'gaxala' sqaica lqalanec 'neetasa' da la'qaatec queso netaxaỹaxanqajanqaipi: Na ñaalqaipi imaqachin na leta'allipi, chaqai na ñaaqainatqaipi se napacalec ca ỹa'xat na na'coororipi. Qam no'm ỹim qata'ahi, ¿chi'negue ma' napaguiiteguelec quena' 'ue dá'maq sa'xat? No'm ỹim na'coori, ca ¿chi'negue ma' se na'xaỹaxañiua'? Qamiri se rqo'chiiua', qam qaiyiita 'ñiỹac: ¿Negue' cá'maq 'neeto' quiyim se qarqo'ta qami'?

Mateo 23:10

Chaqai mesqai viitaque qaỹamata'que qamiri nashil, ma' chaqaỹimeta ỹim rashii.

Mateo 6:32

Ma' na qomyipi hueetalec ana 'laua ná'ogue ỹa'deentapiguii nauajo. Qam qamiri 'ue ñi qota'a ñí'maq viilec neeta'gue da piguim, ñi'maxare shi'gue ỹa'den quiyim viñitaque ná'ogue najo.

Mateo 7:11

Ma' quiyim qamiri hualoxona', qam 'yiiñii 'ỹaañim cá'maq no'uen ca qachaalguii, ¡huose'quet ñi qota'a ñí'maq viilec neeta'gue da piguim, ñi'maxare ỹaanec cá'maq no'uen quecá'maq qarashiilaxanaque!

Hechos 22:1

—Qamiri ỹaqaỹarolqa, chaqai qamiri ita'alolqa, ñaq na'xaỹaxañiua' quedá'maq shim sa'xat caqamiri quedá'maq ño'ueenataxac.

1 Corintios 4:15

Ma' no'm ỹovi' ca diez mil ca ỹapaxaguinque qamiri so Cristo, qam se ishit quiyim 'xoic ca qataa'illipi. Ma' ỹim ná'maq leta'a da rpi'ỹaxaguii queso Cristo Jesús. Ma' ỹim ná'maq sa'xatema qamiri na'le dá'maq na'qaatec chicqaugui da nca'laxa.

2 Corintios 6:18

qaiyi ỹaatqajam ỹim qataa'i. Chaqai qamiri, ca' qamiri ỹaalqaipi chaqai ỹaallipi, 'naac ñí'maq qara'gaxala' ñí'maq sqaica ca lqalanec.

Hebreos 12:9

Chaqai qai'neeta na' ñaqai qomi' ñaaqaipioqui', ca' na qareta'allipi quena 'laua ña'xaỹaxanqa'talo quena' qarapaxaguin. Ca' ¿chi'negue queta' sqai paguec ña'xaỹaxanaxa ñi qota'a se re'xogui, qaiyi 'ue ca qarca'laxa?

1 Juan 3:1

Ñaqai 'ajñii dá'maq chalego le'xorenataxanaxa ñi qota'olec coqomi' quiyim qohinac qomi' llaalqa ñi'maxare, qam llic qomi' llaalqa. Vichiguiño' ná'maq ñaq ỹo'ueetetac na nanatec hueetalec ana 'laua se ỹa'deene' qomi', ma' se ỹa'den ñi qota'a.