Mateo 23:37 - La'qaatqa ñi qota'olec Qota'olec & Qota'olec Novita Na Qomyipi

³⁷ ¡Qami' Jerusalén, qami' Jerusalén, ma' qami' lauachirac na netaxaỹaxanqajanqaipi chaqai naqai' quena qa' ná'maq nelata qami' ñi qota'olec! ¡Ỹoto'o' sahotaque llapoonta' na qachaalaxai'ipi, 'nejem aca huaqa'e quena' lapoonta' na llaalqaipi, ca illo'oto naua laua', qam sqai 'maxariñi'!

Mateo 23:37 Iomraidhean Croise

Salmos 36:7

¡Chalego loyac da re'xorenataxanaxa'e', qami' qota'olec! ¡I'guenoto naua rauachi' na qomyipi, ma' huotaque quiyim 'ootaxañirelec!

Salmos 63:7

ma' qami' ná'maq yotauañi'sac. ¡Ỹaatqajam 'xoic ỹa'maxa quiyim sento'oto naua rauachi'!

Salmos 91:4

ma' quepaqataxanlec qami' quenaua laua', ca quiyim vi'so'oto, ca' qaica ca rovichiraque. Ca ma' ipaquichiguilo naua la'qaatqa, naua'maxare 'ec aca nquepaqataxanqate caqami'.

Isaías 5:4

¿'Uo' ca saqa' qaỹo'uet quiyi ỹanaxanqa'? ¿Peeta'a 'uo' cá'maq saqa' so'uet quiyi'maxare? Ỹim shintapega quiyim lo'daxarai ana la, qam na' se'guen, ca' lochiviaxai.

Jeremías 26:23

Ca saua'maxare ne'xate' so Urías queda Egipto, ca' qoỹaanem so nashi Joacim, ca so'maxare relaataxanlec quiyim qaỹalauat, ca' so loshicmaxa qaillaañigui aso napal lahi', qaỹalecqajnougui na 'xoraiquipi.

Jeremías 36:26

Ta'ta'a quiyim ỹilen so Jerameel só'maq 'auaxaic nashi llaalec chaqai so Seraías, llaalec so Azriel, chaqai so Selemías, llaalec so Abdeel, quiyim qaiconlec so Jeremías chaqai so leraxanqajnec Baruc. Qam ñi qara'gaxala' ỹoxochiñi.

Jeremías 4:14

Qami' Jerusalén, co'taxachi' añi re'taxanata'e' quena se no'uen, qaiyi rca'llirec ma'le. ¿Chi' laquio' se ỹaqaletentac na rqahiqui' na ra'deenataxanaxaqui' se no'uen?

Jeremías 44:4

Mashic ỹoto'o' sopilalec sela' na ilaatqaipi quiyim 'naapegalo qamiri quiyim totqai 'viichii dá'maq yaqaica'a, tot yalo'guit dá'maq 'ñiitari'.

Oseas 11:2

Qam na' paguec soỹaxantapega, ca' paguec nqo'neetauec caỹim. Na ỹalamaxareteripi copata'a na lachitaxanataxanaxat quená'maq 'naac qota'olqaipi, chaqai ỹa'ue na lichiinaxanaxat quena lashiilqaipi.

Oseas 11:7

Na ỹalamaxareteripi ipaqueteguelec quiyim noỹootec caỹim; ỹalamaxatashiguim da laualaxac, qam qaica ca ỹotauan.

Mateo 22:3

Ca ilate' saua lelaatqa quiyim que'ogalo caua lalecse', qam caua'maxare se ỹa'maxarene' ỹalequesaho.

Mateo 22:6

chaqai saua liỹa', ca' iconlgoto saua lelaatqa so nashi, ca' ỹouaxanta'pe, chi ỹovireta'a quiyim ỹalauate'.

Mateo 23:30

Ime, ca 'ñiỹac: “Quetaxan salecqatauo' na'le queso 'auaxaic qareta'allipi, ca' se sotauanaq queta' ỹalauat na letaxaỹaxanqajanqaipi ñi qota'a.”

Mateo 23:31

Ca' quedajo, ca' ichoxot quiyim qamiri llaalqaipi só'maq ỹalauat na'le so letaxaỹaxanqajanqaipi ñi qota'a.

Mateo 5:12

Ca' ỹaatqajam ra'maxaichiguiñi, netooñitac, ma' qamiri coñiguit ca chalego lecaic nishivichii ma'le queda piguim. Ma' chaqaida qohine'teco' na'le da nocanaxac só'maq 'au letaxaỹaxaquiripi ñi qota'a na' saqa'lecaua qamiri.

Lucas 15:28

Qam só'maq lqaỹa ỹi ro'o, ca' se inoxono. Ca' vichiguiño' so leta'a que'oga, ne'xoresene'tot quiyim inoxono.

1 Tesalonicenses 2:15

Chaqaina najo judioipi ná'maq ỹalauat na'le so qara'gaxala' Jesús, 'ne'tegue so 'auaxaic leta'allipi quiyim ỹalauat so letaxaỹaxanqajanqaipi ñi qota'a. Ca' chaqaina ná'maq ỹo'derauec qomi' na'le. Ỹaatqajam se nqo'ta ñi qota'a na'maxare, chaqai se ỹaqamaxat ná'ogue na qomyipi.

Apocalipsis 17:6

Ca na'le, ca' yitan dá'maq 'neetari' aso 'aalo: quiñiuguetaxai, quiñiuguetqachit ná'maq leuoripi na lalamaxareteripi ñi qota'a chaqai ná'maq qaỹalauat, sauaxat quiyim ỹa'xatetac so Jesús. Ca na' seuanchigui dajo, ca' ỹaatqajam 'ue da i'laxa.

Rut 2:12

Ca' ¡ñi qota'olec ishiueten ma'le dá'maq 'ñiisari'! ¡Ñi qara'gaxala' ñí'maq qota'olec quena Israel llaalqaipi ñí'maq daañisaque quiyim huaqaitot, ishiueten ma'le dá'ogue dá'maq ro'ueenataxanaxaqui'!