Mateo 23:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ ¡Ỹaatqajam 'xoraiqolqa qamiri na'gaxalate' qai'la'! Ma' 'ñiỹac: “No'm 'ue ca ỹaanec ca la'qaatec queca liỹa, roỹaxantaque ca lo'maxaset chicqochigui añi no'ueenaxanaxaqui late'ogue' na'ñi yi Jerusalén no'm se ipaguigui, ca' ca'maxare ishit se ipaquichigui nqai'en ca la'qaatec. Qam quiyim 'ue ca ỹaan la'qaatec roỹaxantaque ca lo'maxaset chicqochigui na 'oro lalamaxaret añi no'ueenaxanaxaqui no'm se ipaguigui, ca' ca'maxare se ishit se ipaguigui nqai'en ca la'qaatec.”

Mateo 23:16 Iomraidhean Croise

Mateo 15:14

'Xañiỹac, ma' na'maxare se neuanñi chaqai ỹashaxantac ná'maq liỹa se nauanñi. Chaqai no'm cá'maq se nauanñi ỹauequetegueri' cá'maq liỹa se nauanñi, ca' caua'que tari'ñigui aca ni'ỹa ma'le.

Mateo 23:13

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai qamiri fariseoipi, ma' 'ñiitapega qamiri 'maxaraqa! Ma' pohigui ñi lasom da lo'ueenataxanaxac ñi qota'a queda piguim, qaiyi se inoxono na liỹaripi. Chaqai qamiri qai'neeta sqai noxoñiuo, chaqai sqai 'xañiỹac ná'maq ỹahotaque inoxono.

Mateo 23:17

¡Ỹaatqajam qaico' ca 'yiiñii chaqai qamiri qai'la'! ¿Negue' cá'maq ỹapacauec: ca 'oro, loqo'm ñi no'ueenaxanaxaqui ñí'maq chicqochigui quiyim lalamaxaret ñi qota'olec cajo 'oro?

Mateo 23:19

¡Ỹaatqajam qaico' ca 'yiiñii chaqai qamiri qai'la'! ¿Negue' cá'maq ỹapacauec: aca nachitaxanataxanqate, loqo'm aca ncopatoxonaxalate cá'maq chicqochigui quiyim lalamaxarete ñi qota'olec cajo nachitaxanataxanqate?

Mateo 23:24

¡Qamiri na'gaxalate' qai'la', piishiñii aca chitole, qam qañiỹañi aca nauaanaxanaxa late'e!

Mateo 23:26

¡Qami' fariseo qai'laq: ma' 'au quet quiỹo'e' na pa'aauo cana 'taxaqui chaqai quena peguet, qaiyi co'teeta qai'neeta na pa'aauec!

Gálatas 5:3

Ca vichiguiño' lotqai liỹa shinac dajo, quiyim canchaqaica qom no'm ỹa'ue ca netanec na loshicmaxa, ca' se ishit quiyim se ipacqajñigui ná'ogue ná'maq lelaataxanaxac so naqataxaquipi chicqo'ot so Moisés.

Santiago 5:12

Qam quená'ogue najo, qamiri ỹaqaỹa', 'neeto' quiyim 'ue ca ỹaanec da la'qaatec quiyim chicqo'ot na piguim ca nouaxanaxaset, loqo'm quena 'laua, loqo'm quecanchaqaica liỹa, quiyim 'ue ca ỹa'xat. Ta'ta'a quiyim saachii ca 'oonoqui' ca rasaataxaguii. No'm 'ñiỹac “Ajá'a”, ca' chaqaida nqai'ñii. Chaqai no'm 'ñiỹac “'E'”, ca' chaqaida nqai'ñii, qaiyi se ỹo'uet ca rasauaxashichii ñi qota'a.