Mateo 22:44 - La'qaatqa ñi qota'olec Qota'olec & Qota'olec Novita Na Qomyipi

⁴⁴ Ñi qara'gaxala' qota'olec 'naaco' quiñi ỹa'gaxala': “Nqa'xañiriñi queda ỹoic, toco' ma' sillo'oto naua qapiaachichi' ná'ogue na npa'guenaxaua'e'ipi.”

Mateo 22:44 Iomraidhean Croise

Génesis 3:15

Ca' nagui so'uet quiyim qami' chaqai ada 'aalo qamiri pa'guenaxaua', ca 'nejem ca qachaalaxai'pi chaqai ca llaalqaipi ada'maxare. Ca llaalqaipi ada'maxare co'vigui na rqahiqui', chaqai qami' a'quirigui ana la'ỹaaxa.

Salmos 110:1

Ñi qara'gaxala' qota'olec 'naac caqami' ỹa'gaxala': Nqa'xañiriñi queda ỹoic, toco' ma' ỹovita quiyim sillo'oto naua qapiaachichi' na npa'guenaxaua'e'ipi.

Mateo 22:45

Ca ¿negue' quet cá'maq 'neeta quiyim só'maq nashi nca'laxaqui llaalec quet so David? Ma' so'maxare 'naac la'gaxala'.

Mateo 26:64

Ca' so Jesús 'naaco': —Ajá'a, chaqaỹim, chaqaida dá'maq 'ñirac. Chaqai qai'neeta shinac caqamiri huañiỹa ma'le najo ỹale llaalec nqa'xanta'gue da loic ñi qota'olec ñí'maq sqaica qalanac, chaqai naquetaugui ma'le na naueguelec quena piguim.

Marcos 16:19

Ca co'na' ime ỹa'xatema dajo saua'maxare, ca' so qara'gaxala' Jesús naỹoxonshiguim nqohin, ca' taigue da piguim, ca' nqa'xanñi queda loic ñi qota'olec.

Lucas 19:27

Qam ná'maq ñpa'guenaxauaripi ná'maq se ỹa'maxaren quiyim aỹim nashi, ca' naviguiu'a aỹim, ca' lauachii ma'le quena seloqota'ñi.”

Juan 20:28

Ca' so Tomás 'naaco': —¡Qami' ỹa'gaxala', chaqai qami' qota'olec!

1 Corintios 1:2

Ca' nagui selatalo qamiri ana ỹerecse, qamiri ỹaqaỹaripi ma' mashic viilec ñi qota'a, ñiita'ñi na na'a' lodegaxat Corinto. Qamiri lalamaxarete' ñi qota'a, ma' na'yiitau'a so Cristo Jesús. Ñi'maxare roỹaxañiỹaxaua' ma' ỹahotaque quiyim co'taxat da nachaalataxaguii, 'nejem ná'ogue na 'neeta'ogalo naua liỹa' 'lauari ná'maq mashic nqouagaxaintacot so qara'gaxala' Jesucristo, só'maq la'gaxala' na'maxare, neete'm qomi'.

1 Corintios 15:25

Ma' so Cristo qaiyiita queetalec quiyim nashi, toco' ma' ỹovita ca na'xa'a quiyim ñi qota'a co'uelec nqai'en ná'ogue na npa'guenaxauaripi.

Filipenses 3:8

Qam mesqaidaata dajo, ma' ná'ogue ná'maq hueeto'ot quet aỹim qaica quet cá'maq 'negue nqaishin, ma' se nalo'guit nqaishin dá'maq 'neeta quiyim seuana so Cristo Jesús só'maq ỹa'gaxala'. Ma' chaqaiso só'maq Cristo só'maq 'em quiyim ná'ogue ña'laxatañi, chaqai ná'ogue 'neetari' nqaishin ca lete, ma' sahotaque ỹaueguec so Cristo,

Hebreos 1:13

Ñi qota'a se ỹauanapega 'ue ca 'naapega quena lelaatqaipi piguim laseripi: Nqa'xañiriñi quena ỹoic, toco' ma' sillo'oto naua qapiaachichi' ná'maq pa'guentac aqami'.

Hebreos 1:3

Ca' chaqaiso so lqai'legaxa dá'maq lauaq ñi qota'a, chaqai so'maxare chaqaiso só'maq 'nejem da no'ueenataxac ñi qota'a, chaqai so'maxare só'maq nolliitañi ná'ogue nanchaqaina queda lquesaxanaxa da la'qaatec. Ca co'na' ime co'taxate' qomi' quena qarasauaxaset, ca' nqa'xanñi quiyim nashi queda loic yi nqa'xanqa' ñi qota'a queda piguim.

Hebreos 12:2

Ỹaatqajam ya'ỹoqotagui so Jesús só'maq chicqo'ot da qarpi'ỹaxac chaqai nachinñi nqai'en. So Jesús ỹaatqajam na'ñaxachiguit da qohine'tegue na' qaipateno, chaqai se na'xaỹaxana dá'maq 'neeta quiyim nayiloxo lahi' dá'maq 'nejem dajo nelauaxa. Ma' ỹa'deenta quiyim ma' ime'uegue da le'xoric, ca 'ue ca netoonaxac chaqai ỹa'maqachiguiñi. Chaqai nqa'xanñi queda loic quiyi nqa'xanqa' ñi qota'a.

Apocalipsis 19:19

Na'le, ca' seuane'ta só'maq isecỹac lodegaxat chaqai na nashillipi quena 'laua chaqai ná'ogue na nalliripi. Lapoỹata', ma' ỹahotaque nco'ỹa'e' só'maq neetalec so shipgaq chaqai só'maq nalliripi.