Mateo 22:30 - La'qaatqa ñi qota'olec Qota'olec & Qota'olec Novita Na Qomyipi

³⁰ Ma' ná'maq leuaxaiquipi ma' liỹa qanca'laxatec, ca' tot liỹa 'on, chaqai qaica ca ỹo'naxan aca llaale, ma' 'nejem ma'le na lelaatqaipi ñi qota'olec neeta'gue da piguim.

Mateo 22:30 Iomraidhean Croise

Salmos 103:20

¡Maqachiñii ñi qara'gaxala', qamiri nelaatqaipi piguim laseripi! Qamiri ma' 'viichii' nauá'maq qaramaxailgoto, qamiri ma' na'maxachitañi quiyim na'xaỹaxañita.

Zacarías 3:7

'Neetasa' da la'qaatec ñi qara'gaxala' sqaica lqalanec: Ỹaatqajam quiichiri'ñiguilo naua ñayicyaxaco chaqai 'viichi' naua'que nauá'maq ro'ueenataxahi' nauá'maq samaqairelgoto. Ca no'm 'ñitetegue dajo, ca' chaqa'ma' ro'viiñirañi loqoira'a na no'ueenaxanaxaqui caỹim. Cochi'ta na'maxare chaqai naua nasoxoco, ca' ỹim sa'ue ca romachi' ma'le, viisañiguilo nauajo ilaatqa piguim lase' nauá'maq 'ue da lo'ueenataxanaxague' caỹim. (3.8-10 Ñi qota'olec naqata'a ma'le da lasauaxaset so lalamaxareteripi.)

Mateo 13:43

Ca ná'maq ỹo'ueetetac dá'maq ỹahotaque ñi qota'olec, ca' 'ue ma'le na lauaq 'ec añi ra'aasa quiyim hueetaugui ma'le ca lo'ueenataxanaxac ñi leta'a. Ca' qamiri no'm 'yiiñii da na'xaỹaxanaxaguii, ca ¡'maxaraic quiyim na'xaỹaxañita!

Mateo 18:10

Mesqaica ca liỹoxoỹa'piguit quená'maq 'ec sqaica ca lemaqachic. Ma' ỹim shinac caqamiri queda piguim ná'maq neloxoỹaripi quena'maxare ỹoviretacot naua'que naua na'xata' ñi ita'a qota'olec neeta'gue da piguim.

Mateo 22:31

Qam quedá'maq leloxoỹaxac quiyim qanca'laxatec na leuaxaiquipi, ¿sqai taxahilco' quen dá'maq 'naaco' na'le ñi qota'olec caqamiri? 'Naaco' na'le:

Mateo 24:38

Quesauajo na'xata' na' saqa' i'paxanlec ana 'laua, so qomyipi ỹo'ueetetac lqui'ỹaxac, chaqai ne'teetac, chaqai o'neetecta' chaqai ỹo'naxantac na llaallipi, chi ỹovireta'a so na'xa'a na' so Noé inoxonougui aso lo'ueenata qom lahi' huaxaỹaqse.

Lucas 17:27

So qomyipi que'eetac, chaqai ne'teetac, shiltecta' chaqai ỹaantapeguec ana llaallipi quiyim 'on, chi ỹovireta'a so na'xa'a co'na' so Noé inoxonougui aso lo'ueenata qom lahi' huaxaỹaqse. Ca' naco' so ỹaxat, ca' nomachichiguiñi sá'ogue so qomyipi.

Apocalipsis 19:10

Ca' sa'chi'iñi naua i'cootal, sahotaque semaqachin só'maq piguim le'ec. Qam so'maxare 'naac: —'E', sqai 'ñitetegue dajo. Ma' ỹim lelaatec ñi qota'a, shinta maqami' chaqai na rqaỹachi'ipi ỹaqamqata quiyim quelec dá'maq lliqueta ỹa'xat na'le so Jesús. Maqachiñi' ñi qota'a. Ma' dá'maq lliqueta ỹa'xat na'le so Jesús, chaqaida dá'maq ỹo'ueete' da lquesaxanaxa ná'maq ỹa'xateta'pe naua la'qaatqa ñi qota'a.