Mateo 22:24 - La'qaatqa ñi qota'olec Qota'olec & Qota'olec Novita Na Qomyipi

²⁴ —Qami' napaxaguinataxanaq, so Moisés 'naac: No'm 'ue ca ỹale 'on, qam saqa'leca ca llaalec, ca' ileu, ca' cá'maq lanoq o'ñiguit quet acá'maq pa'ỹe, ca' ỹo'uet ca llaalec cá'maq lopiichi ileu.

Mateo 22:24 Iomraidhean Croise

Génesis 38:11

Co'na'le, ca' so Judá 'naaco' caso late Tamar: —Quirepegue' yi la'a' ca qataa'i', ca ñira'ñi. Qam chaqai 'ñi'sari' qami' pa'ỹe, sqo 'ñi', toco' ma' ỹi ñi ỹaalec Sela, ca roua'e' ma'le. Qam so Judá 'neetapigui lauel quiyim qai'neeta ileu ma'le so llaalec Sela, 'nejme' da 'neete' saua lqaỹa'. Ca' aso Tamar quepegue' yi la'a' so leta'a.

Génesis 38:8

Ca' so Judá 'naapego' so llaalec Onán: —O'ñichiguit añi pa'ỹe añí'maq loua na'le yi ropiichi'i'. Repaquichichiguit quiyim roua'e', qaiyi yi rqaỹa'e' 'ue aca llaqtaxai chicqochigui qami'.

Mateo 22:16

Ca' quiyi, ca 'vio' saua qanelate' quesaua lapaxaguinatqa saua'maxare chaqai saua ỹalequesaugui na nalliripi so nashi Herodes quiyim 'naapega so Jesús: —Qami' napaxaguinataxanaq, qomi' sa'deenaq quiyim llic ca ra'qaachiqui' quena' taxahi', chaqai paxaguinataxañitegue dá'maq no'uen llicyaxac cá'maq ỹa'maxarenta ñi qota'olec, chaqai se na'xaỹaxañita ná'maq 'naac na qomyipi, ma' se ra'i'sapigui dá'maq no'ueenataxac ca re'qoochigui qom.

Mateo 22:25

Ca' coqomi' 'vii saua siete nqaỹa'. Ca ỹi 'au 'on, qam saqa'leca ca llaalec, ca' ileu. Ca asó'maq pa'ỹe no'ueenaqto'ot so lanoq.

Mateo 22:36

—Qami' napaxaguinataxanaq, ¿negue' cá'maq paguec qaỹapacqajnauec quena naqataxaquipi?

Mateo 7:21

Mesqai ná'ogue na qomyipi quená'maq 'naac: “Qami' qara'gaxala'”, sqai ná'ogue inoxono ma'le queca ñaqai naata lo'ueenataxanaxac ñi qota'a queda piguim. Chaqaicaata cá'maq ỹo'uet dá'maq ỹahotaque ñi ita'a neeta'gue da piguim.

Marcos 12:19

—Qami' napaxaguinataxanaq, so Moisés no'ueenaqtauguilo qomi' ỹeretañi quiyim no'm 'ue ca qom ileu, qam saqa'leca llaalec acá'maq loua no'ueenañi, ca' ca lanoq o'ñiguit acá'maq pa'ỹe, qaiyi ỹa'ue ca llaalec cá'maq lopiichi mashic ileu.

Lucas 20:28

—Qami' napaxaguinataxanaq, so Moisés no'ueenaqtauguilo qomi' ỹeretañi quiyim no'm 'ue ca ỹale ileu, qam no'ueenañi aca loua saqa'leca llaalec, ca se ishit quiyim se loua aca pa'ỹe ca lanoq, qaiyi ỹa'ue ca llaalec ca lopiichi mashic ileu.

Lucas 20:33

Ca' ma' ỹovita quiyim liỹa qanca'laxatec na leuaxaiquipi, ca ¿nega'ỹo' ca ỹaatqajam loua aso'maxare? ma' sá'ogue só'maq siete loua aso'maxare.

Lucas 6:46

Qamiri quena' ỹim ỹaxañiỹa, ca' 'ñiita'gue, “Qami' maq ỹaatqajam qami' qara'gaxala'”, qam ¿chi'neco' ma' sqo 'viichii quena' 'ue da shinac?

Rut 1:11

Ca' so Noemí lotqai 'naaco': —¡Pilliuo quet, qamiri ỹaalole! ¿Negue' quet cá'maq 'neeta quiyim viitaque quiigue aỹim? Ma' ỹim nagui, ca' tot qaica ca ỹaalec quiyim o'ñiiguita quet qamiri.

Rut 3:13

Qam chaqaina vira'ñi quena pe. Ca ma' nete'e, no'm so'maxare ipaquejlec da qano'ueenataxac quiyim qaro'ñiguit aca ni'ỹoxoua, ca no'm ipaquichigui nqai'en, ca' chaqaiso ỹo'uet da'maxare. Ta'to'o' quiyim se ỹo'uet, ca' ỹim so'ñiguit qami'. Ca' 'qaachigui nagui aỹim ñi qara'gaxala' quiyim sepacqajanchigui so'uet da'maxare. Ca' nagui 'maxaraic quiyim liyi laqe', toco' ma' richiguiñi.

Rut 4:5

Co'na'le, ca' so Booz ỹaatqajam ichoxochichigui dá'maq 'neeta dajo: —'Yiiñite' quiyim ma' shiujnaxañita yi na'laua añi Noemí, ca qai'neeta o'ñichiguit añi late Rut, añí'maq pa'ỹe Moab lase, qaiyi yí'maq 'laua ñaqaiyiita hueetalec da leenaxat yí'maq tot qaica.