Mateo 22:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ñigo' ñaqai 'xachitema qomi' cá'maq 'neeta ca ra'deenataxanaxaqui': ¿Tegue' chi ỹa'maqachiguiñi quiyim qaishiueten ñi lashi na Roma laseripi, loqo'm 'e'?

Mateo 22:17 Iomraidhean Croise

Esdras 7:24

Chaqai qai'neeta ỹaatqajam qaỹa'deenta quiyim se qaỹa'maxaren 'ue aca ishiueten na netaxaỹaxanqajanqaipi chaqai na lotauaripi, no'ueenaxanyipi, lasom lo'ollipi chaqai na reloqota'a añi no'ueenaxanaxaqui, loqo'm canchaqaica liỹa neloxoỹaq cañi lo'ueenaxanaxaqui ñi qota'olec.

Nehemías 5:4

Chaqai 'uo' na 'naac quiyim 'ue aca la'uale nam quiyim ishiueten aca nishiuetenqate so nashi, ca' illaaho ca na'laua chaqai ca lanecsec 'uva loma'. Chaqai qai'neeta 'naac:

Jeremías 42:20

Ca' qamiri nauá'maq ỹaatqajam 'ue da ro'maxaguii lodegaxat, ma' qamiri nauá'maq 'ñiỹac quiyim sashiilaxanlgoto quiñi qara'gaxala' ñí'maq qota'olec caqamiri na' 'ñiỹac shiilaxañirelgoto qomi' quiñi qara'gaxala' ñí'maq qota'olec coqomi', ca' qara'deenaxanaxañitegue cá'ogue cá'maq 'naac ñi'maxare, ca' qomi' so'ueetaq ma'le.

Mateo 17:25

Ca' so Pedro 'naaco': —Ajá'a, ishiueten. Ca co'na' so Pedro inoxono queca 'imec, ca' qara'auot quiyim retaqa so Jesús, 'naaco': —¿Negue' cá'maq 'ñirac, qami' Shimoñi'? ¿Negue' cá'maq qaỹahotaque quiyim ishiueten ná'maq nashillipi quena 'laua, peeta'a ná'maq chi lalamaxareteripi, loqo'm ná'maq chicqauec?

Mateo 22:18

Qam so Jesús retan dá'maq se no'uen ỹahotaque so'maxare, ca 'naapegalo' saua'maxare: —Qamiri ma' 'ñiitapega qamiri 'maxaraqa, ¿chi'negue ma' yi'guiñitac?

Lucas 2:1

Qam quesaua na'xata', ca so ỹaatqajam lashi na nashillipi, leenaxat Augusto, so'maxare ỹaanec so la'qaatec quiyim ná'ogue na qomyipi qoỹiro na leenqateripi.

Lucas 20:22

Ca' 'qaataxañitema qomi': ¿ỹa'maqachiguiño' quiyim qaishiueten ñi lashi na nashillipi na'ñi yi Roma, loqo'm 'e'?

Lucas 3:1

Ca co'na' ỹovite' quince ñaxari da lo'ueenataxanaxac só'maq ỹaatqajam lashi na nashillipi leenaxat Tiberio, qam so Poncio Pilato reloqota'a yi Judea, ca' so Herodes reloqota'a yi Galilea, chaqai so lqaỹa Felipe lotqai reloqota'a yi Iturea chaqai Traconite, chaqai so Lisanias lotqai reloqota'a yi Abilinia.

Hechos 17:7

Ca' najo Jasón ỹacoñi'chiguita quiyim nera'ñi yi la'a'. Chaqai ná'ogue na'maxare qaica ca huelgoto naua lelaataxanaxaco ñi qarashi neeta'ñi yi na'a' lodegaxat Roma. Ma' na'maxare 'naac quiyim 'ue ca liỹa nashi leenaxat Jesús.

Hechos 25:8

Ca' so Pablo 'naaco': —Aỹim qaica quet cá'maq ỹasauaxaset. Ma' se ñpa'guenta'pegue' na nelaataxaquipi na judioipi, chaqai añi no'ueenaxanaxaqui quiyi Jerusalén, chaqai ca nashi neeta'ñi yi Roma.

Hechos 28:22

Vichiguiño' nagui sahoqotaque ña'xaỹaxanaxa cá'maq 'neeta ca ra'deenataxanaxaqui', ma' sa'deenaq chicqote'ogalo da npa'guenaxac ana dalaxai qoyiquetaugui.

Hechos 5:37

Chaqai ñaqai cha'gue nachinchigui so na'xa'a na' qoỹiriñi na qomyipi na' nachaxan so leenaxat Judas, le'ec yi Galilea, qai'neeta 'xoic so qomyipi quegue; qam qai'neeta qaỹalauat, ca sá'ogue neuagaxatac só'maq coỹareta'pegue'.