Mateo 22:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca' quiyi, ca 'vio' saua qanelate' quesaua lapaxaguinatqa saua'maxare chaqai saua ỹalequesaugui na nalliripi so nashi Herodes quiyim 'naapega so Jesús: —Qami' napaxaguinataxanaq, qomi' sa'deenaq quiyim llic ca ra'qaachiqui' quena' taxahi', chaqai paxaguinataxañitegue dá'maq no'uen llicyaxac cá'maq ỹa'maxarenta ñi qota'olec, chaqai se na'xaỹaxañita ná'maq 'naac na qomyipi, ma' se ra'i'sapigui dá'maq no'ueenataxac ca re'qoochigui qom.

Mateo 22:16 Iomraidhean Croise

1 Reyes 22:14

Ca' so Micaías 'naaco' queso'maxare: —¡Ỹim saanot ñi qara'gaxala' da ỹa'qaatec quiyim cá'maq nañan ñi'maxare, ca chaqaica sa'xat!

Mateo 22:24

—Qami' napaxaguinataxanaq, so Moisés 'naac: No'm 'ue ca ỹale 'on, qam saqa'leca ca llaalec, ca' ileu, ca' cá'maq lanoq o'ñiguit quet acá'maq pa'ỹe, ca' ỹo'uet ca llaalec cá'maq lopiichi ileu.

Mateo 22:26

Qam só'maq lqaỹa qai'neeta ileu. Ime, ca lotqai só'maq liỹa lqaỹa. Ca' chaqai 'neetari', chi ỹoviresauec saua siete nqaỹa'.

Mateo 26:18

Ca so'maxare 'naaco': —Quiipegue' yi na'a' lodegaxat Jerusalén, ca ma' viriu'a yi la'a' cajo ỹale, ca 'ñiỹaco': “Ñi qara'gaxala' 'naac: Yi ỹaloqo' tot qoỹoqaque. Ca' na ra'aachi' sahotaque iqui'ỹaaqa' ma' sa'ic ca na'ic ma' qaỹo'leente so na'xa'a na' qanaqata'a so judioipi quiyi Egipto, iqui'ỹaxaua' naua ỹapaxaguinatqa.”

Mateo 26:49

Co'na'le, ca' nqo'neu'a so Jesús, ca 'naaco': —¡Laa', qami' ỹa'gaxala'! Ca' nqo'goq.

Marcos 10:17

Ca co'na' so Jesús lotqai liỹa eec, ca 'uo' so novi' ỹale ne'guenta, ca ỹa'yi'iñi naua le'cootal quiyí'maq reloqota'ñi so'maxare. Ca renataxano': —Qami' ná'maq ỹaatqajam huagaxaraic napaxaguinataxanaq, ¿negue' cá'maq shinta'gue quet quiyim sovirau'a ca nca'laxa sqaica lqodoc?

Marcos 12:13

Co'na' ime, ca 'vio' saua fariseo qailatalo so Jesús chaqai saua nale' so Herodes, ma' qaỹahotaque quiyim 'ue ca ỹo'maac la'qaatec so'maxare, ca qaỹachigoxochichigui nqohin ca lasauaxaset so'maxare.

Marcos 12:14

Ca' saua'maxare nagrepegue' so'maxare, ca' inate', 'neraco': —Qami' napaxaguinataxanaq, sa'deenaq quiyim 'xachisac dá'maq ỹaatqajam lliqueta, chaqai se na'xaỹaxañita ná'maq chaqai 'naac na qom, ma' se ra'iisapigui da chi no'ueenataxac na qom. Ta'ta'a quiyim paxaguinataxañitegue dá'maq llicyaxac dá'maq no'uen 'ueenataxac ỹa'maxarenta ñi qota'olec. ¿Ỹa'maqachiguiñi quiyim seshiuetenaq ñi lashi na nashillipi quiyi Roma, loqo'm 'e'? ¿Seshiuetenaq, loqo'm se seshiuetenaq?

Marcos 3:6

Co'na'le, ca inoxonec so fariseoipi, ca ta'oga na nalliripi so Herodes quiyim qaretaxaỹapigui cá'maq qohinta'gue quiyim qaỹalauat so Jesús.

Marcos 8:15

Ca' so Jesús 'neetapegalo' saua'maxare: —'Neeto', se rovichii'a ana pe'taxachigui na pan hueetaugui na fariseoipi chaqai cayi hueeto'ot ñi Herodes.

Lucas 20:21

Ca' vichiguiño' saua'maxare ỹo'ueete'o' da lenataxanaxague', 'neraco': —Qami' napaxaguinataxanaq, qomi' sa'deenaq quiyim ca ra'qaachiqui' chaqai ca rapaxaguinataxanaxaqui' ỹaatqajam ỹa'maqachiriñi, chaqai nalo'ojta' nqai'ñi' na qomyipi, qaica ca pacqajñirauec. Chaqaidaata quiyim qami' paxaguinataxañisa'pegue ca ỹaatqajam llic nayic ñi qota'olec.

Lucas 7:40

Ca' so Jesús 'naapego' so fariseo, 'naaco': —Shimoñi', 'uo' da shim sa'xatem qami'. Ca' so fariseo 'naaco': —Ajá'a, 'xachi', qami' napaxaguinataxanaq.

Juan 14:6

Ca' so Jesús 'naaco': —Ỹim ná'maq ỹim nayic, chaqai aỹim lliqueta, chaqai qai'neeta ỹim nca'laxa. Ỹim qaỹimeta ñigo, ca ishit qaỹovira'a ñi qota'a.

Juan 18:37

Ca' so Pilato 'naaco' queso'maxare: —¿Ca' llic quiyim ỹaatqajam qami' nashi? Ca' so Jesús 'naaco': —Ỹim nashi, chaqaida dá'maq 'ñirac. Ñanaỹa na 'laua na' ñi'qaañi, ma' sahotaque sa'xat dá'maq lliqueta. Ca ná'ogue ná'maq huelec dá'maq lliqueta, ca na'xaỹaxana dá'maq sa'xat.

Juan 7:18

Cá'maq chi lo'ueenatec ca ỹa'xat, ỹo'uet, ma' ỹahotaque quiyim qaimaqachin quena qom. Qam cá'maq ỹahotaque quiyim qaimaqachin cá'maq nelaatqo', ca' chaqaica cá'maq ỹaatqajam llic ca ỹa'xatetac, chaqai qaica ca na'maachic hueetagui.

2 Corintios 2:17

Qam qomi' mesqai 'ec semeenqata'pe naua la'qaatqa ñi qota'a, chaqai mesqai shinqata na liỹa ma' 'xoic na ỹashaxandec yaua na'qaatqa. Ta'ta'a quiyim qaraqamqata queda sa'xatqatac, ca ỹa'deente' qomi' ñi qota'a, ma' qomi' lelaatqa ñi'maxare quiyim so'ueenataxanqot so Cristo.

2 Corintios 4:2

Ná'maq qaỹo'uet, qam qoỹoxotetañi, ca' se seconaxaguit, chaqai ná'maq ỹo'uet ca nayiloxo. Se sayinaxanqatac, chaqai se saỹoxosoxonqasapeguec naua la'qaatqa ñi qota'a. Ta'ta'a quiyim qaidaata dá'maq lliqueta dá'maq sa'xatqatac, ca' canchaqaica quená'ogue na qomyipi qara'deenta, ca' dajo ỹa'ajantac ñi qota'a.

2 Corintios 5:16

Vichiguiño' qomi' tot qaica quet cá'maq sa'deenqapega quecá'maq 'neetari' ca qom quena 'laua; ma' quesom sa'deenqatapega quen dá'maq 'neetari' so Cristo na' ñaq ỹouoxontac na 'laua, qam nagui tot qara'deenataxanaxac dajo queso'maxare.

Gálatas 1:10

Ca quena' shinac dajo, ca ¿peeta'a chi sahotaque ỹa'maxarenta ỹim na qomyipi, loqo'm ñi qota'a? Loqo'm ¿sahotaque yiuojonta na qomyipi? Ma' quet ñaq sahotaque quiyim ỹa'maxarenta ỹim na qomyipi, ca sqaỹim lelaatec so Cristo.

Gálatas 2:6

Ca' quiyauá'maq qaỹa'yiinchiguilo quiyim na'gaxalate' qaica ca ỹachaxane' dalaxaic napaxaguinataxanaxac caỹim, chaqai aỹim se ya'iitapigui cá'maq re'qoochigui 'neesari' yaua'maxare, ma' ñi qota'a se ra'iitapigui ca re'qoochigui 'ueenataxac.

1 Tesalonicenses 2:4

Ta'ta'a quiyim ñi qota'a ichoxote' quiyim ỹa'maxarente' qomi', ca' pataxalgoto qomi' quiyim sa'xataq da na'qaatec chicqaugui da nca'laxa. Ca' chaqaida dá'maq sa'xatqatac. Se sahoqotaque quiyim imaqachinta'pe qomi' na qomyipi. Ta'ta'a quiyim sahoqotaque quiyim imaqachinta'pe qomi' ñi qota'a, ma' ỹa'ajanta'pe naua qare'taxanata.

Santiago 3:17

Qam quecá'maq hueeto'ot dá'maq na'deenaxanaxa chicqo'ot ñi qota'a, ỹaatqajam 'maxaraic da no'ueenataxac, chaqai hualaqhuaic, 'naxanaxaraic, chaqai 'xaỹaxanqachaqaic, 'xorenataxanaxai, chaqai ỹo'uet na ỹa'maqachiguiñi. Se nañoqotaxai chaqai qamaxaraic.

1 Juan 5:20

Sa'deenaq qai'neeta quiyim so llaalec ñi qota'a novi', ca' ỹaanema qomi' da qara'deenataxanaxac, qaiyi sa'deenaq ñí'maq ỹaatqajam qota'a. Qomi' ña'daqatau'a ñí'maq ỹaatqajam 'chichiguiñi, ca so'maxare chaqaiso só'maq Jesucristo, llaalec ñi qota'a. Chaqaiso so Jesús só'maq ỹaatqajam qota'a, chaqai chaqaiso só'maq nca'laxa sqaica lqodoc.