Mateo 22:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca' so nashi 'naapego' só'maq neloxoỹaripi queso nqui'ỹaxala': “Coñirii naua lqai'laqate' chaqai naua lichil. Ca' naxahi'oga yi napalaxa pa'aauec. Ca' yí, ca' noỹen ma'le chaqai iquishquinta' naua louee quena nqui'ic.”

Mateo 22:13 Iomraidhean Croise

Daniel 3:20

Ime, ca' ilate' saua nale' paguec quesaxanaxaqa quiyim ỹaxate' saua Sadrac, Mesac chaqai so Abed-nego, ca' qainaxariñigui so lauaq so nqatelaxanaxaqui.

Mateo 12:29

Ma' ¿negue' quet cá'maq 'neeta quiyim 'ue quet ca inoxonaugui ca lauo' ca ỹale quesaxanaxaic ca rouootaxana'gue na louenqaipi, no'm sqai 'au coñirañi? Ca no'm chaqaida 'ne'tegue, ca qaigueme ishit rouootaxana'gue ca louenqaipi.

Mateo 13:30

Ca 'maxaraic quiyim 'xañiỹac naquetashi'mta', toco' ma' ỹovita qanaqat na trigo. Ca' selarelec ma'le na ilaatqaipi quiyim 'au no'tec aná'maq peue, ỹahota'ahi ncoñiita. Ca qaicopata'a ma'le, ca ma' ime, ca' ỹa'maxat ná'maq trigo quiñí'maq ỹo'xac.”

Mateo 13:42

Ca' qainaxaugui ca nqatelaxanaxaqui norec. Ca' quiyi hua'ñi, ca' noỹen chaqai iquishquinta' naua louee quena nqui'ic.

Mateo 13:50

Ca' qainaxañigui ná'maq hualoxonyipi cá'maq nqatelaxanqa' norec. Ca' yi hua'ñi, ca noỹen chaqai iquishquinta' naua louee quena nqui'ic.

Mateo 24:51

Ca qaỹo'uet ma'le ca chalego lecaic nouaxanaxaset, 'nejem nqohin ca nouaxanaxaset ná'maq 'neetapega 'maxaraiquipi. Ca ma'le, ca' noỹen chaqai iquishquinta' naua louee quena nqui'ic.

Mateo 25:30

Ca dá'maq dajo nelaatec qaica ca 'negue, o'yiỹa'oga yi pa'aauec napalaxa. Ca' yí hua'ñi ma'le, ca' noỹen chaqai iquishquinta' naua louee quena nqui'ic.”

Mateo 8:12

Qam ná'maq ỹalequetau'a quet da no'ueenataxanaxac hueeta'gue da piguim, na'maxare qaỹo'da'oga ma'le ca napalaxa pa'aauec. Ca quiyi ca hua'ñi, ca noỹentac iquishquinta' naua loue quena nqui'ic.

Lucas 13:28

Ca' quiyi hua'ñi, ca' nohiñitac chaqai quishquintecta' naua rovii quena qavillii, ma' daañiỹau'a ca Abraham, Isaac, Jacob, chaqai ná'ogue na letaxaỹaxaquiripi ñi qota'a, qoyinta'ñi ca lo'ueenataxanqa' ñi'maxare, qam qamiri, ca' qaro'yiỹauec.

Juan 21:18

Ỹaatqajam lliqueta da shinac caqami', quiyim na' ñaqai qami' ne'necolec, quena' no'viichi' ñi'riñi naua qatoohi', ca 'viiquiñi'sac cá'maq sham 'itegue. Qam ma' ỹovita quiyim qami' qo'xoic, ca 'ỹaañirec naua rqai'laqajchi', ca ỹoqa'a ca ilamo'guelo qami' caua qatoohi', ca' raviquitegue cá'maq sqa viisaque quiyim 'itegue.

Hechos 21:11

Nouoỹalo qomi'. Ca ỹacona so nosaataxaqui so Pablo, ca coñite' naua lichil chaqai naua laua' queso'maxare. Ca 'naaco': —Da la'qaataxanaxac so Espíritu Santo 'naac na judioipi quiyi Jerusalén 'ne'tegueda nqai'en ca ncoñiitaxac cá'maq looỹac nataq saataxaqui. Ime, ca' qoỹaano, qoỹaanem na sqai judioipi.

Hechos 7:54

Ca co'na' 'xaỹa dajo so nashillipi, ca' ỹaatqajam ro'o, ca mashic ỹa'que'ta na laqa', paguelec na lauel queso Esteban.

2 Tesalonicenses 1:9

Na'maxare ỹaatqajam chalego lecaic da nouaxanaxaset chaqai sqaica lqodoc. Qaỹo'daauec ỹaatqajam qoỹoqote'oga nqohin, qaiyi se iuana ca lauaq chaqai da lquesaxanaxa so qara'gaxala',

2 Pedro 2:17

Najo qomyipi 'ec aca ni'ỹa rashivigui tot qaica ca le'ec huaxaỹaq, chaqai 'ec ca naueguelec chi qaỹaỹoxonaxateta quena nonot. Chaqai taata'a nqohin quiyim qaillaugui cá'maq ỹaatqajam napalaxa sqaica lqodoc.

2 Pedro 2:4

Ma' ñi qota'a se ishit i'xoren só'maq lelaatqaipi piguim laseripi co'na' 'ue da lasauaxaset. Ta'ta'a quiyim inaxa'ña yi ncopatqo' na sauaqhuaiquipi, chaqai coñirañi queca napalaxa loma', ca' nauaanta'guit nqai'en ca na'xa'a quiyim qaimit ná'ogue najo.

Judas 1:13

Na'maxare 'nejem ca quesaxan lo'paxa aca huaaxai niñimlaxantecshiguim na lanatqaipi se no'uen 'ec ro'i, chalego la'aaxa nayiloxo lahi'. Chaqai na'maxare 'ec aca huaqajñi ỹit ca llicyaxac, ca' 'ue da nouaxanaxaset quiyim hueetaugui nqohin na qaica nqai 'nejem chaqai sqaica lqodoc napalaxa.

Judas 1:6

Chaqai só'maq nelaatqaipi quiñi qota'a piguim laseripi quená'maq se ỹaqamaxat ca loma', ta'ta'a quiyim ỹalat cá'maq lalamaxaret la'a', ca' ñi qota'a coñi', nauaanta'guit nqai'en cá'maq pa'aatec na'xa'a ma' qaimit ná'ogue najo, coñirañi quiyí'maq qaica 'nejem napalaxa.

Apocalipsis 21:27

Qam se ishit inoxoneu'a yi'maxare ca ñaq napio'o, chaqai ca ñaq noqocatapiguilo naua se no'viiñi no'ueenataxaco, loqo'm naua na'majnaxaco. Qainaata inoxono ná'maq qoỹeretañi ca leenaxat aso nelere so 'ec qagreta llaalec, naneretalec ná'maq qaica lqodoc da lca'laxa.