Mateo 22:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Co'na'le, ca' so nashi inoxono ra'ajnaxaneu'a so nalecseripi. Ca' iuanejlec so 'óna ỹalequetaho, qam sqai ỹansañi caua noho 'ueetaxaqui' quiyim qaỹalequetau'a ca shilaq.

Mateo 22:11 Iomraidhean Croise

Isaías 64:6

Qomá'ogue qomi' shinqatari' ca ỹale sauaqhuaic; naua'que naua no'viiñi qaro'ueenataxanaxaco 'neesari' ca hualoq lahi napio'ota; qomá'ogue sanataxañi 'ec qomi' aca qo'paq laue lasooxoi, chaqai naua qaro'maxasete' se no'viiñi qaramaqate' 'ec na nonot.

Mateo 13:30

Ca 'maxaraic quiyim 'xañiỹac naquetashi'mta', toco' ma' ỹovita qanaqat na trigo. Ca' selarelec ma'le na ilaatqaipi quiyim 'au no'tec aná'maq peue, ỹahota'ahi ncoñiita. Ca qaicopata'a ma'le, ca ma' ime, ca' ỹa'maxat ná'maq trigo quiñí'maq ỹo'xac.”

Mateo 22:10

Ca só'maq nelaatqaipi queguelo naua nayico, ca lapoon ná'ogue ná'maq iuanejlec. 'Ue na hualoxonaq chaqai na nouooquichiguiñi. Ca no'qaachigui so nqui'ỹaxaqui queso qomyipi.

Mateo 3:12

Shi'gue lo'qoota'a so lochigoxosoxonaxat, ca' co'taxat na trigo, naqat na lovi. Ime, ca' ỹa'maxat ná'maq co'teeta trigo la quiñi lahi'. Qam na lovi, ca' copata'a inaxañigui ca norec sqai 'om.

Romanos 13:14

Ta'ta'a quiyim ỹaatqajam 'goxoñiỹa so qara'gaxala' Jesucristo, chaqai totqai 'yiiñiỹapega quiyim quiitalec na se no'uen lamaanaxanqachic na roshicmaxahi.

Romanos 3:22

Dá'maq 'neeta quiyim icoñi'chiguita qomi' ñi'maxare chicqochigui quiyim qomi' 'ue da qarpi'ỹaxac queso Jesucristo. Ca' chaqaida 'ne'tegue quená'ogue ná'maq huelec so'maxare, qaica ca ỹapacqajnauec.

1 Corintios 4:5

Ca vichiguiño' caqamiri mesqai 'aviỹalec quiyim michii ca riỹahi. Nauaañiỹa'piguit só'maq qara'gaxala' ma' novi', ca re'oq nqai'en ca hueetaugui na napalaxa. So'maxare re'oq nqai'en ma'le na 'neetari' na ne'taxanatallipi. Ca ñi qota'a ỹaanem queca 'óna cá'maq 'neeta ca na'maqataxac.

2 Corintios 5:3

ca ỹapolgoto qomi' 'nejem ca nooỹac quena' qoỹanñi, qaiyi sqai senqatauec.

Gálatas 3:27

Qamiá'ogue ma' noxoñiu'a quiyim na'yiitau'a so Cristo na' qanachilaxane' qamiri, ca' quiyi, ca qoỹanaxanguilo qamiri dá'maq no'ueenataxac so'maxare, 'nejem nqohin ca re'qoochigui nooỹac.

Efesios 4:24

ca' ñiiñi dá'maq dalaxaic chaalataxac dá'maq ỹaatqajam chicqochigui da lo'ueenataxanaxac ñi qota'a, dá'maq ichoxot dá'maq ỹaatqajam 'maxaraic 'ueenataxac chaqai co'teeta.

Apocalipsis 16:15

“Ajñii, ỹim ñovi' ma' sqaica ca qaỹahotaque, shintari' ca cuataxai. Chalego loyac ma'le quecá'maq nelootauec chaqai cá'maq netela'alo caua loho, qaiyi mesqai neetauec, ma' no'me' na qomyipi iuana ma'le ná'ogue na loshicmaxa.”

Apocalipsis 19:8

Ma' ñi'maxare qaỹa'maxarenta quiyim no'uet ỹanñi ná'maq no'uen nooỹac lino, co'teeta chaqai qashilec. Ma' na lino taỹaugui da 'maxaraic nachaalataxac ná'maq lalamaxareteripi ñi qota'a.

Apocalipsis 2:23

Chaqai salauat ma'le ná'ogue na llaalqaipi, qaiyi ỹa'den ma'le ná'ogue ná'maq mashic icoñiguit da na'qaatec quiyim ỹim sa'den ná'maq qoỹoqochi'ña na'deenataxanaxac chaqai da namaanaxanqachic, chaqai quiñi 'óna caqamiri icoñiguit ma'le cá'maq laseue' cá'maq ỹo'ueetetac.

Apocalipsis 3:18

Ca vichiguiño' 'ue da ỹaqataxac nagui caqami', quiyim chigoxochiro'ot aỹim ma'le cá'maq shiujnaxañita cá'maq ỹaatqajam 'oro nqatelecsec, qaiyi ỹaatqajam qami' nesallaxanec, chaqai quiyim chigoxochiro'ot aỹim quiyim shiujnaxañiraque ca qatooỹaqui' lalagaxaic, ca ñi'riñi, ca po'irelec ná'maq ỹo'ueetetac na nayiloxo quiyim ñi'sauec, chaqai shiujnaxañiraque ca latate' naua nqochichi', qaiyi neuañiriñi.