Mateo 21:5 - La'qaatqa ñi qota'olec Qota'olec & Qota'olec Novita Na Qomyipi

⁵ 'Ñiỹapega ma'le yi na'a' lodegaxat leenaxat Sión: “Ñaq ra'iiguit ná'maq rashii, naatau'a qamii, ne'xoresentam, neetalec so 'ashinoqui', llaalec ana 'ashina ni'ỹaac lomalate.”

Mateo 21:5 Iomraidhean Croise

Génesis 49:10

Qaica ca ishit rouootaxana'gue da lquesaxanaxa ñi Judá chaqai quiyim na'gaxala' cada lo'qoota'a lashilete, chi ỹovireta'a quiyim novi' cá'maq lalamaxarete lashilete ada'maxare, ca ca'maxare qana'xaỹaxana ma'le quená'ogue na ỹoreta'oguit qomyipi.

2 Samuel 16:2

Ca' so nashi David inato' so'maxare: —¿Negue' cá'maq 'neeto' ma' nodo'e' najo? Ca 'naaco' so Siba: —Na 'ashinyipi ñaueguec, sahotaque quiyim qoyinalec quena qachaalaxai'ipi, na panyipi chaqai ana nanecse la sauaaque loq na nallichi'ipi, chaqai da lataxa sauaaque ne'taxat ná'maq isot quena 'laua qaica qom.

1 Reyes 1:33

ca so'maxare 'naaco' quesaua'maxare: —Naviguita'pegue' ma'le na ỹotauaripi nashillipi ná'maq reloqota'a da ỹo'ueenataxanaxac. Ca naalec nqai'ñii añi ilo que'lai ñi ỹaalec Salomón, ca' viguiỹa yi Gihón.

1 Reyes 10:26

Ca' so Salomón lapoonta' so nahoglenaipi chaqai so nalliripi. Ca' ỹovi' mil cuatrocientos aso nahoglena chaqai doce mil so nalliripi neetashiguim quena shipgaq. Ca' so'maxare ỹo'uet na ilari'ñi aso nahoglenaipi lauataxaquiripi chaqai ná'maq neloxoỹaripi queso nashi quiyi Jerusalén.

Isaías 40:9

Qami' Sión, quirishi'megue ana roto aca qa' ladocai, ỹaatqajam na'ñaxat nqai'ñi' da qavillaxaqui', ca 'qaataxañita queda no'uen na'xaỹaxac. Qami' Jerusalén, totaxan ro'chi'i', ỹaatqajam nichintegue ca ra'qaachiqui', vite la'xaỹaxague' naua na'aate' quiyi 'laua Judá, 'ñirac: ¡'Ena hueete'e ñí'maq qota'olec caqamiri!

Isaías 62:11

Ñi qara'gaxala' ỹa'xateta'guit dajo quenaua'que naua lahil na 'laua: 'Ñiỹapega na na'a' Sión: mashic novi' na nca'laqatqochi'. Na qara'gaxala' noviraxat na lalamaxareteripi, na' ime quiyim louootaxanaxat.

Ezequiel 34:24

Ỹim na'gaxala', ỹim qota'olec ma'le quena'maxare chaqai so ilaatec David, ca' lashi. 'Eda dá'maq ỹa'qaatec, ỹim na'gaxala'.

Oseas 1:7

Qam yqouaguegue yi Judá: chaqaỹim ná'maq na'gaxala', ỹim nqota'olec yi'maxare, ñca'laxatec. Qam se ñca'laxatec queca lauataq, ta'ta'a quiyim sqaica nqaishin ca novic, ca lecat, ca shipgaq, chaqai ca qom neetashiguim.

Miqueas 5:2

Qam caqami' na'a' Belén Efrata, paguec qami' cocho'qui' quená'maq chigoxougui so Judá, chicqotougui qami' ma'le ca nashi ỹoiquentac ma'le na Israel. Ca'maxare chigoxougui so 'auaxaic qomyipi.

Números 24:19

Cajo 'ñaaxaic chicqochigui ma'le ñi Jacob chaqai nopoxoỹaxajñi ma'le na no'ueenañi queca na'a' lodegaxat. (24.20-24 Liỹa la'qaatec so netaxaỹaxaqui Balaam.)

Mateo 11:29

Coñiguit ná'maq i'ỹaaquioxola' sanaguilo qamiri, nañaañi'chiguit aỹim quiyim sapaxaguiñii, ma' ỹaatqajam ỹim hualaxauaic chaqai neneequesenaxai añi i'taxanata, ca' nachiỹa ma'le ca nco'mataxac da nachaalataxaguii.

Mateo 2:2

Ca renataxane': —¿Negue' cá'maq hueeta'gue ca lashi na judioipi cá'maq chita'gue ne'qaañi? Ma' queda lqodoigue dá'maq sachigoxosqa'gue, seuanaxa aso netanqate huaqajñi. Ca' vichiguiño' ñanaguinaq quiyim semaqachinaq ca'maxare.

Mateo 2:6

Ca' qami' Belén, ma' qami' viisaugui yi 'laua Judá, ỹaatqajam chalego lecaic ma'le da nemaqajnataxanaxa ma'le caqami', ma' qami' chicqochi'ñi ma'le ca na'gaxala', cá'maq reloxoỹa'a ma'le ná'maq ỹalamaxareteripi llaalqaipi so Israel.

Mateo 21:6

Co'na'le, ca' saua lapaxaguinatqa que', ca' ipacqajanchirigui dá'maq qohinaco' na'le queso Jesús.

Lucas 24:27

Ca' quiyi, ca ichoxotema da leloxoỹaxac da na'qaatec naneretañi, quenaua nerecse' la'qaatqa ñi qota'a ỹa'xatesa'guit so'maxare, ỹachigoxochichiguilo saua 'avichiriñi lerecse' so Moisés, ỹovira'oga nqai'en aso pa'aatec lerecse so la'qaataxanqajanqaipi ñi qota'a.

Juan 1:49

Ca' so Natanael 'naaco': —Qami' napaxaguinataxanaq, chaqaqami' ná'maq llaalec ñi qota'olec, chaqai qami' lashi na Israel.

2 Corintios 10:1

Aỹim Pablo, ñi'xoresentouguilo qamiri, sahote'e da neneequesenaxac chaqai da lqouagaxa so Cristo. Qohinaco' quen quiyim aỹim neneequesenaxai quena' salequetauguilo qamiri, qam ỹaatqajam quesaxañi naua ỹa'qaatqa quena' qoỹoqo'ta aỹim.

Deuteronomio 17:16

Qam cajo nashi se rishiujnaxanaque ca 'xoic shipiguiripi, chaqai se ila' ca qomyipi queda Egipto, ỹahotaque nqo'naxatec ca laloipi shipiguiripi. Ma' ñi qara'gaxala' 'neetasa' da la'qaatec caqamiri: Tot qaica ma' liỹa quet rapilliỹa'gue najo nayic.