Mateo 21:41 - La'qaatqa ñi qota'olec Qota'olec & Qota'olec Novita Na Qomyipi

⁴¹ Ca' qohinaco': —Ỹaatqajam se i'xoren quiyim nalauajñi so hualoxonyipi. Ca ỹa'ualaxanaxan so liỹa 'ueenataxanaxairipi queso na'laua só'maq ỹaanem ma'le só'maq taalec so'maxare ma' ỹovita ca laloqo' qanaqat ana la so nanec.

Mateo 21:41 Iomraidhean Croise

Salmos 2:9

Ca' viise'e ca rashillichi' lecat, ca nopoxoỹaxachiriñi na nashillipi; ¡ca poxoỹaxachirigui 'ec nqai'ñi' aca 'ueena 'laua!

Mateo 21:34

Ca co'na' ỹovita ca laloqo' quiyim qanaqat ana la so lanecse 'úva, ca' 'vii saua nelate' lelaatqa quiyim rashiilaxantegue cá'maq taalec quet cá'maq ỹaatqajam lanecse.

Mateo 21:40

Co'na'le, ca' renataxan so Jesús: —Ma' novi' só'maq lalamaxaret so 'laua, ¿negue' cá'maq 'neeta'co' ma'le so 'ueenataxanaxairipi?

Mateo 21:43

Ca vichiguiño' shinac caqamiri quiyim qarouootaxana'gue ma'le da lo'ueenataxanaxac ñi qota'olec caqamiri, ca qoỹaanem ma'le na qomyipi quená'maq ỹaanem ma'le ipacqajanchigui nqai'en dá'maq laỹaxac dajo no'ueenataxanaxac.

Mateo 3:12

Shi'gue lo'qoota'a so lochigoxosoxonaxat, ca' co'taxat na trigo, naqat na lovi. Ime, ca' ỹa'maxat ná'maq co'teeta trigo la quiñi lahi'. Qam na lovi, ca' copata'a inaxañigui ca norec sqai 'om.

Lucas 20:16

Ma' novita, ca nalauajñi so no'ueenataxanyipi. Ime, ca' ỹaanem ca liỹa 'ueenataxanaxaiquipi so 'laua. Ca co'na' qara'xaỹa dajo, ca 'neraco': —¡Saxanchi' sqai 'ne'tegue dajo ñi qota'olec!

Hechos 15:7

Ca co'na' shi'gom qaretaqatapigui dajo, ca nachajñi so Pedro, ca 'naaco': —Ỹaqaỹarolqa, qamiri 'yiiñita queso, na' ñi qota'olec ỹacona'a ỹim, ỹachigoxotauguilo qamiri, quiyim sodo da na'qaatec chicqaugui da nca'laxa quená'maq sqai judío, qaiyi huelec na'maxare qai'neeta.

Hechos 18:6

Qam so judioipi lama'xa retaqata'guit so Pablo, se ichira'pe naua la'qaatqa. Ca so Pablo ỹochigoxoi' saua loho, ca' dajo tai'a quiyim so Pablo ca'e so qomyipi. Qam 'naapego': —Qamiri chi nasauaxachiỹalta' ma' novi' ca relauaxahi, ma' ỹim totqa saỹapegueu'a. Ca' nagui shic, shicpegue' na mesqai judioipi.

Hechos 28:28

Ca nagui 'yiiñita dajo, ma' quenagui taachi'ñi da nca'laxa chicqo'ot ñi qota'olec qoỹaanougui na mesqai judioipi, ma' na'maxare na'xaỹaxana ma'le.

Hechos 28:8

Ca ralolo' so leta'a so Publio, se ne'laxashiguim, chaqai 'xoic da lpa'ỹaaxa, chaqai iuet na lauel, naquetac na neuoripi. Ca' so Pablo quepegue' queca 'imec hueetaugui. Ca co'na' ỹovira'a, ca nqouagaxainlec chaqai ỹashil-lec so'maxare, ca imeuec nqai'en.

1 Tesalonicenses 2:16

Ma' quena' sahoqotaque quiyim sa'xataq da la'qaatec ñi qota'a quená'maq sqai judioipi, qaiyi ỹovira'oga da nca'laxa qai'neeta, ca lotqai se ỹa'maxaren quiyim sa'xataq da'maxare. Ca' quedajo, ca paguec noquigaxatec na lasauaxaset. Qam nagui, ca' ỹovita quiyim taalec dá'maq chalego lecaic nouaxanaxaset chicqo'ot ñi qota'a.

Hebreos 12:25

Vichiguiño' ỹaatqajam richilliỹaño' 'neeto' lotqai 'ue ca se icoñiguit ñí'maq retaqatapegalo qomi'. Ma' sqaica ca qohit quesó'maq se na'xaỹaxano' na'le ñi qota'a na' qatetapega so qomyipi quenajo 'laua, ca ¿huose'queto' qohite' qomi' no'm se ña'xaỹaxanaxa ñí'maq qota'a neteltapegalo qomi' neeta'gue da piguim?

Hebreos 2:3

¿Huose'queto' qohite' qomi' no'm sqailligueme' ya'ỹoxolec dá'maq llicyaxac dá'maq chalego lecaic nca'laxa? Ma' chaqaiso so qara'gaxala' só'maq 'au ỹa'xato' na'le dajo nca'laxa, ca co'na' ime, ca lotqai qalam só'maq na'xaỹaxantapega so'maxare chaqai ỹaatqajam 'chichiguiñi nqai'en da na'qaatec. Ime, ca lotqai ra'qaataxanalo qomi'.