Mateo 21:37 - La'qaatqa ñi qota'olec Qota'olec & Qota'olec Novita Na Qomyipi

³⁷ Ca chi ỹovireto'o' nela' só'maq lalamaxaret llaalec, ma' 'ñiichiquio' lauel: “Ỹaatqajam qana'xaỹaxane'ta ma'le ñi ỹaalec.”

Mateo 21:37 Iomraidhean Croise

Isaías 5:4

¿'Uo' ca saqa' qaỹo'uet quiyi ỹanaxanqa'? ¿Peeta'a 'uo' cá'maq saqa' so'uet quiyi'maxare? Ỹim shintapega quiyim lo'daxarai ana la, qam na' se'guen, ca' lochiviaxai.

Jeremías 36:3

Sqoue ỹaxanñi dá'maq se no'uen ỹo'ueetetac ná'maq neetalec na Judá ma' ỹa'den ná'ogue ná'maq le'xoric sahotaque selata, ca' sapalaxat na se no'uen ỹo'ueetetac chaqai na lasauaxaset.

Mateo 21:36

Ca só'maq looỹac so 'laua lotqai liỹa paguec so nela' lelaatqaipi quesó'maq 'au nela'. Qam só'maq 'ueenataxanaxairipi chaqaidaata 'ne'tegue.

Mateo 21:38

Qam co'na' qaiuañi'chiguit só'maq llaalec, ca na'deento'o' so 'ueenataxanaxairipi, 'naaco': “Najo ná'maq taalec ma'le dá'maq lesallaxa so qana'co'. Salauataq, qaiyi taalgoto qomi' ma'le najo na'a'.”

Mateo 3:17

Co'na'le, ca' qara'xaỹaco' so na'qaatec, 'maqot na piguim, 'naac: —Najo ná'maq ỹoqo'itaxat ỹaalec, na'maxare ỹaatqajam ñitoonta'pegue.

Marcos 12:6

Qam ñaqa 'uo' so 'oonoqui' llaalec, só'maq ỹaatqajam lauochaxat. Ca' co'uaataxanto' ila' so'maxare, ma' 'neetapigui lauel: “Qaican qohinegue ma'le, ma' ỹaalec.”

Lucas 20:13

Ca' só'maq lalamaxat lanaxanqa' sojo 'naaco': “¿Nega'ỹo' ca shine'tegue? Nagui sela'o' ñi ỹaatqajam ỹoqo'itaxat ỹaalec, qaiyi ma' qaiuana, ca qana'xaỹaxane'ta ma'le.”

Juan 1:18

Ñi qota'olec qaica iuanapega, qam so 'oonoqui' llaalec só'maq ỹaatqajam neeto'ot ñi'maxare ñí'maq leta'a, chaqaiso só'maq ỹa'deenaxanaxanque qomi' ñi qota'olec.

Juan 1:34

Ca' ỹim ma' mashic sauanchigui so'maxare, vichiguiño' sa'xatetac quiyim chaqaiso só'maq llaalec ñi qota'olec.

Juan 3:16

Ma' ñi qota'olec ỹaatqajam 'xoico' da lauochaxa quena qomyipi, ca ỹaanec na 'oonoqui' llaalec, qaiyi se ileu cá'ogue cá'maq huelec na'maxare. Ta'ta'a quiyim 'ue da lca'laxa sqaica lqodoc.