Mateo 21:34 - La'qaatqa ñi qota'olec Qota'olec & Qota'olec Novita Na Qomyipi

³⁴ Ca co'na' ỹovita ca laloqo' quiyim qanaqat ana la so lanecse 'úva, ca' 'vii saua nelate' lelaatqa quiyim rashiilaxantegue cá'maq taalec quet cá'maq ỹaatqajam lanecse.

Mateo 21:34 Iomraidhean Croise

Isaías 5:4

¿'Uo' ca saqa' qaỹo'uet quiyi ỹanaxanqa'? ¿Peeta'a 'uo' cá'maq saqa' so'uet quiyi'maxare? Ỹim shintapega quiyim lo'daxarai ana la, qam na' se'guen, ca' lochiviaxai.

Mateo 21:35

Qam so 'ueenataxanaxairipi iconlgoto saua nelaatqa. Ca 'vio' saua ỹouaxanta'pe, chaqai saua liỹa', ca qaỹalauate', chaqai saua liỹa', ca' inaxai', ỹodoota'a na qa'.

Mateo 21:38

Qam co'na' qaiuañi'chiguit só'maq llaalec, ca na'deento'o' so 'ueenataxanaxairipi, 'naaco': “Najo ná'maq taalec ma'le dá'maq lesallaxa so qana'co'. Salauataq, qaiyi taalgoto qomi' ma'le najo na'a'.”

Mateo 21:40

Co'na'le, ca' renataxan so Jesús: —Ma' novi' só'maq lalamaxaret so 'laua, ¿negue' cá'maq 'neeta'co' ma'le so 'ueenataxanaxairipi?

Mateo 21:41

Ca' qohinaco': —Ỹaatqajam se i'xoren quiyim nalauajñi so hualoxonyipi. Ca ỹa'ualaxanaxan so liỹa 'ueenataxanaxairipi queso na'laua só'maq ỹaanem ma'le só'maq taalec so'maxare ma' ỹovita ca laloqo' qanaqat ana la so nanec.

Mateo 22:3

Ca ilate' saua lelaatqa quiyim que'ogalo caua lalecse', qam caua'maxare se ỹa'maxarene' ỹalequesaho.

Marcos 12:1

Co'na'le, ca' so Jesús ra'qaataxanem so qomyipi, qam ỹahote'e na laloqojnaxanaxat. Ca 'naaco': —'Uo' na'le so ỹale ỹanñi so lanaxanqa' uva loma'. Ime, ca' ỹapou'a chaqai ỹo'uet aso lapoonaxanaxaqui quiyim qanelam na li'i ana uva, chaqai aso ladocai na'ajnaxanaxalate quiyim qaỹa'ajan sá'ogue so'maxare. Ca' ỹanalec so lanaxanqa' so 'ueenataxanaxairipi. Ca' eec, qoỹoqo'tegue ca taigue.

Marcos 12:7

Qam so no'ueenataxanaripi na'deenta', ca 'naaco': “'Ena richi'guit ná'maq qaỹahotaque quiyim taalec nqohin na 'laua. 'Maxaraic salauataq, qaiyi taalgoto qomi' ma'le quiyim qaralamaxaret najo 'laua.”

Marcos 12:9

Ca renataxano' so Jesús: —¿Negue' cá'maq 'ne'tegue ma'le só'maq ỹaatqajam lalamaxaret yi 'laua? Nanac, qam nalauajñi so 'ueenataxanaxairipi, ca' ỹoqa'a ca ỹaanem so na'laua quiyim ro'ueenataxanlec.

Lucas 20:9

Ca co'na' ime, ca' so Jesús ra'qaataxanem so qomyipi, ỹahote'e ca raloqojnaxana, 'naaco': —'Uo' so ỹale ỹa'uo' so lanaxanqa', ca ỹanñi ana 'úva. Ca co'na' ime, ca' ỹanalec so lelaatqaipi. Ime, ca' quepegue' ca liỹa 'laua, ca mashic 'vio' caua ñaxari queca neeta'gue.