Mateo 21:33 - La'qaatqa ñi qota'olec Qota'olec & Qota'olec Novita Na Qomyipi

³³ Ñaq na'xaỹaxañiỹa dajo liỹa ỹaloqojnaxanaxaqui 'neetasa': So ỹale 'uo' so na'laua, ca' ỹanlec cana 'úva. Ca ỹapou'a chaqai ỹo'uet aso lahi' na li'i quiyim qanelam aso'maxare, chaqai aso na'ajnaxanaxalate ladocai, qaiyi yá'ogue re'qojlec. Ime, ca so ỹale 'vio' saua ỹa'ualaxanaxan so 'ueenataxanaxairipi queso na'laua. Ca' eec.

Mateo 21:33 Iomraidhean Croise

1 Reyes 22:19

Ca' so Micaías lotqai 'naaco': —Quedá'maq 'ñirac nagui, ca' na'xaỹaxañita dá'maq la'qaatec ñi qara'gaxala': Seuana ñi qota'olec nqa'xantañigui añi nqa'xanaxaqui quiyim nashi, chaqai ná'ogue na lelaatqaipi piguim laseripi ra'iito'ot, hueeta'gue da loic chaqai da nemaq.

Isaías 1:10

Qamiri nashillipi quena Sodoma, na'xaỹaxañiỹa da la'qaatec ñi qara'gaxala'; qamiri qomyipi quena Gomorra ỹaatqajam na'xaỹaxañiichiguiñi quedá'maq lapaxaguinataxanaxac ñi qota'olec.

Jeremías 19:3

Ca 'ñirac ma'le: Qamiri nashillipi quena 'laua Judá chaqai na na'ñi na Jerusalén, na'xaỹaxañiỹa da la'qaatec ñi qara'gaxala' qaica lqalanec, ñí'maq qota'olec queso Israel: Chalego lecaic ca ne'xoric taalec nqaishin najo 'laua, ca ná'ogue ná'maq 'ue ca la'xaỹaxac 'ec ratohichiguilo naua lque'laa lauaco.

Mateo 13:18

Ñaq na'xaỹaxañiỹa dá'maq leloxoỹaxac só'maq danaxantac.

Mateo 20:1

Da lo'ueenataxanaxac ñi qota'a neeta'gue da piguim, da'maxare 'nejem cá'maq 'ue ca lanaxanqa' quiyim o'tetam idaanaque cá'maq naqat aca lanecse 'úva.

Mateo 21:28

Ca' so Jesús 'naaco': —¿Negue' cá'maq 'neeta ca ra'deenataxanaxaguii quedajo sa'xat? 'Neetasa': 'Óno' so ỹale dooso' saua llaalqa. Ca 'óno' so 'naapega quesaua'maxare: “Qami' ỹaalec, qui' nagui qataxañi' cayi ỹanecse 'úva.”

Mateo 23:2

—Naua napaxaguinataxana' quena naqataxaquipi chaqai na fariseoipi chaqaina ná'maq qoỹanagui quiyim ỹa'xate' naua leloxoỹaxaco na naqataxaquipi chicqo'ot so Moisés.

Marcos 13:34

Ma' dajo 'nejem ca qom quiyim eec, qoỹoqo'tegue ca taigue. Qam ma' saqa' reloqouec, ca po'aanalec ca la'a' ca lelaatqaipi. Chaqai ỹaanem ca lo'ueenatec quiñi 'óna. Ime, ca' ila' so lasom lo'o quiyim reloqota'a.

Lucas 19:12

Ca' so'maxare 'naaco': —'Uo' so ỹale chicqaugui ná'maq ỹaatqajam 'maxaraiquipi. Ca so'maxare eec, quepegue' ca liỹa 'laua qoỹoqo'ta quiyim qoỹano nashi. Ca' ma' ime, ca rapil.

Juan 15:1

Ca' ỹim ná'maq 'nejem acá'maq ỹaatqajam nanecse uva, chaqai ñi ita'a ñí'maq cochiitapega aca nanecse.