Mateo 21:32 - La'qaatqa ñi qota'olec Qota'olec & Qota'olec Novita Na Qomyipi

³² Ma' só'maq nachilaxanataxanaq leenaxat Juan novi' quiyim ỹapaxaguine' qamiri quedá'maq no'uen ñicyaxac, qam sqai viilec. Qam ná'maq icona'piguit ana nishiuete so nashi chaqai ana nedequenaxai huelec so'maxare. Qam qamiri ỹaatqajam huañichigui dajo, qam se retacochahi quiyim viilec.

Mateo 21:32 Iomraidhean Croise

Isaías 35:8

Chaqai yí hua'ñi ma'le ca ñicta, ca' qoỹanegue nayic 'xoic lichic. Ná'maq saqa' nco'chiñi da nachaalataxac, ca se ishit quegue ma'le; chaqai ná'maq qaica ca ỹa'den, se ishit quegue ma'le ca'maxare.

Mateo 11:18

Ma' na' novi' so Juan, so'maxare se que'e chaqai se ne'et, qam qamiri 'ñiỹac 'ue ca le'ec lecmaxaic.

Mateo 21:25

¿Nega'ỹo' ca nela' so Juan quiyim rachilaxanataxan? ¿Ñi qota'olec, loqo'm na qomyipi? Ca so'maxare chi noqolliguitetecta', 'neraco': —No'm shinqac qanela' quiñi qota'olec, ca da'maxare 'naac ma'le coqomi': “Qam ¿chi'neco' ma' sqai viilec?”

Mateo 21:31

Ca' quesaua dos ¿nega'ỹo' cá'maq ỹo'ueeto' cá'maq ỹahotaque so leta'a'? Ca saua'maxare 'neraco': —Só'maq 'auaxaic. Co'na'le, ca' so Jesús 'naaco': —Ỹaatqajam llic da shinac caqamiri, quiyim ná'maq icona'piguit ana nishiuete so nashi chaqai ana nedequenaxai 'au inoxona'a ma'le da lo'ueenataxanaxac ñi qota'olec caqamiri ma' ỹoiquentac ná'ogue najo.

Mateo 5:46

Ma' no'm qamiri 'xoriñii ná'maq re'xoriñitac, ¿nega'ỹo' cá'maq raviguiguii coñiguit ma'le quedajo? Ma' ná'maq ỹacona'piguit ana nishiuete so nashi quiyi Roma qai'neeta 'ne'tegue dajo.

2 Timoteo 2:25

chaqai neneequesenta quiyim ralamqataxan quená'maq pa'guenaxantac, sha'apiguito' quiyim ñi qota'a netogochigui lauel nqai'en, ma' ỹahotaque quiyim ỹa'den dá'maq ỹaatqajam lliqueta,

Hebreos 3:12

Ca' qamiri ỹaqaỹa', richilliỹaño', 'neeto' lotqai 'ue caqamiri hueetagui ca nonogoxonaxac añi le'taxanata, ca ỹahotaque sqai quelec ñi qota'a nca'leetauec ma' sqai huelec ñi'maxare.

2 Pedro 2:21

Ca' paguec la'maxa quet quesaua'maxare quiyim se ỹa'deene' dá'maq no'uen ñicyaxac, mesqaida quiyim mashic ime ỹa'den, ca lotqai ỹaxanñi dá'maq ỹaatqajam qoỹaanem naqataxac chicqo'ot ñi qota'a.

Apocalipsis 2:21

Ca' ỹim mashic sa'ue so ledaaqa' quiyim netogochigui na lauel, ca' ỹaxanñi da no'ueenataxac. Qam se netogot, ca' sqai ỹaxanñi da nedequenaxac.