Mateo 21:31 - La'qaatqa ñi qota'olec Qota'olec & Qota'olec Novita Na Qomyipi

³¹ Ca' quesaua dos ¿nega'ỹo' cá'maq ỹo'ueeto' cá'maq ỹahotaque so leta'a'? Ca saua'maxare 'neraco': —Só'maq 'auaxaic. Co'na'le, ca' so Jesús 'naaco': —Ỹaatqajam llic da shinac caqamiri, quiyim ná'maq icona'piguit ana nishiuete so nashi chaqai ana nedequenaxai 'au inoxona'a ma'le da lo'ueenataxanaxac ñi qota'olec caqamiri ma' ỹoiquentac ná'ogue najo.

Mateo 21:31 Iomraidhean Croise

Mateo 12:50

Ma' canchaqaica quiyim ỹo'uet dá'maq ỹahotaque ñi ita'a qota'olec neeta'gue da piguim, ca chaqaica cá'maq ỹaqaỹa ỹale, ỹaqaỹa 'aalo, chaqai ỹate'e.

Mateo 18:3

Ca 'naaco': —Ỹaatqajam lliqueta da shinac caqamiri, no'm sqai pilliichigui nqai'ñii quiyim denaxachii ca noctoqui', ca sqai shichii noxoñiu'a da lo'ueenataxanaxac ñí'maq neeta'gue da piguim.

Mateo 20:16

Ca' chaqaida 'neeta ma'le, quená'maq co'uaataxanta nagui, ca' 'aueta ma'le, chaqai ná'maq 'auaxaic nagui, ca' co'uaataxanta ma'le. Ma' 'xoic ná'maq noỹaxanaxat, qam sqo vito'olqai' cauá'maq nca'acse'.

Mateo 21:30

Na' ime, ca' so neta'a lotqai quepegue' so liỹa llaalec, ca qaidaata dá'maq 'naapega. Ca so'maxare 'naaco': “Ajá'a, itaa'i', ỹim shic.” Qam sqai eec.

Mateo 5:18

Ma' ỹaatqajam llic dá'maq shinac caqamiri, quiyim ñaqa 'ue na piguim chaqai na 'laua, ca' sqaica ca qanaqata'a quena nerqaipi, vire'ta ca netancoqui' quena naqataxaquipi quiyim saqa' ỹovita quiyim ipaquichigui ná'ogue ná'maq 'neeta mashic qoỹeretañi.

Mateo 5:46

Ma' no'm qamiri 'xoriñii ná'maq re'xoriñitac, ¿nega'ỹo' cá'maq raviguiguii coñiguit ma'le quedajo? Ma' ná'maq ỹacona'piguit ana nishiuete so nashi quiyi Roma qai'neeta 'ne'tegue dajo.

Mateo 6:5

Chaqai ma' qamiri nqouagaxaiñii, 'neeto' lotqai 'ñiita ná'maq 'neetapigui lauel huagaxaraic, nachaxanta quena' nqouagaxain cana lapoxoqui na judioipi chaqai quenaua lasoguel na nayiquipi, qaiyi qaỹa'ajantac quena qom. Ca' ỹaatqajam llic da shinac caqamiri, ca' quedá'maq dajo quiyim 'ne'tegue, ca chaqa'ma' 'ue ca nishiue'.

Mateo 7:21

Mesqai ná'ogue na qomyipi quená'maq 'naac: “Qami' qara'gaxala'”, sqai ná'ogue inoxono ma'le queca ñaqai naata lo'ueenataxanaxac ñi qota'a queda piguim. Chaqaicaata cá'maq ỹo'uet dá'maq ỹahotaque ñi ita'a neeta'gue da piguim.

Mateo 9:9

Ca so Jesús co'na' eec, ca iuane'ta so ỹale leenaxat Mateo nqa'xantañi, neetaugui so lo'ueenataxanaxaqui quiyim icona'piguit ana nishiuete so nashi quiyi Roma. Ca 'naaco': —Quitegue aỹim. Ca' so Mateo ne'laxashiguim, ca' quegue so Jesús.

Lucas 15:10

Ca' ỹim shinapegalo qamiri ỹaatqajam 'ue qai'neeta da netoonaxac ná'maq qota'a lelaatqaipi piguim laseripi, quena' 'ue ñi netacocha quena sauaqhuaiquipi.

Lucas 19:22

Ca só'maq nashi 'naaco': “Qami' nelaatec se no'uen, quedá'maq chi ra'qaachiqui', ca' chaqaida da sachigoxochichigui ca nouaxanaxashichi' quiyim sa'ue. Qami' mashic 'yiiñi' quiyim ỹim pagaxalaic quiyim secona cá'maq se ỹalamaxaret, chaqai ñaqat ana la cá'maq sqai ỹanecsec.

Lucas 7:29

Ca co'na' qara'xaỹa dajo, ca ná'ogue na qom chaqai ná'maq ỹacona'piguit ana nishiuete so nashi quiyi Roma, quesó'maq lachilaxanatqaipi so Juan, se qaỹoqolguit, ỹaatqajam huelec ñi qota'olec quiyim ỹaatqajam llic.

Juan 3:3

Ca' so Jesús 'naaco' queso'maxare: —Ỹaatqajam lliqueta dá'maq sa'xatem qami', quecá'maq sqo pilac liỹa ne'qaañi, ca' se iuana da lo'ueenataxanaxac ñi qota'a ma' ỹoiquentac ná'ogue najo.

Juan 3:5

Ca' so Jesús 'naaco': —Ỹaatqajam llic dá'maq sa'xatem qami', quiyim cá'maq se nañan quiyim qanachilaxan chaqai quiyim qaỹadalaxat queso Espíritu Santo, ca se inoxona'a da lo'ueenataxanaxac ñi qota'a ma' ỹoiquentac ná'ogue najo.

Hechos 17:30

Ñi qota'olec se nqovilga da lo'maxac na qom quesaua 'auaxaqa na'xata'. Qam nagui relaataxan quená'ogue na qom quena lahil na 'laua quiyim ỹalate' naua se no'viiñi no'ueenataxaco.

Romanos 3:19

Sa'deenaq quiyim dá'ogue dá'maq ỹa'xat so naqataxaquipi chicqo'ot so Moisés, ỹa'xat, qam 'naapega ná'maq hueeto'ot so naqataxaquipi, qaiyi ná'ogue i'maxañi, qaica retaqa, ca' qaiyi ná'ogue na qomyipi hueeto'ot quiyim 'ue ca 'neeta ma' ñi qota'a imit ná'ogue na nasauaxaset.

Romanos 5:20

Ma' na naqataxaquipi novi', qam paguec re'qoota nqai'en na nasauaxaseteripi. Qam co'na' nqo'neuec na nasauaxaset, ca' da lqouagaxa ñi qota'a pagueco' lecaic na'le.

2 Pedro 3:9

Mesqaida quiyim ñi qara'gaxala' sqaua' ipacqajñigui cá'maq ỹachaxantac, ma' 'ue ná'maq 'naac dajo. Ta'ta'a quiyim 'ue da leualaxavic nauaantapegalo qomi', ma' se nqo'ta quiyim 'ue ca na'laañi. Ta'ta'a quiyim ná'ogue netogochigui na lauel.