Mateo 21:3 - La'qaatqa ñi qota'olec Qota'olec & Qota'olec Novita Na Qomyipi

³ Ca no'm 'ue ca 'ue ca ỹa'xat caqamiri, ca 'ñiỹaco' ma'le: “Ñi qara'gaxala' ỹouene' naua'maxare, qam sqaỹaloq rapilaxate'.”

Mateo 21:3 Iomraidhean Croise

1 Reyes 17:9

—Ne'laxachirishiguim, ca' quirepegue' yi na'a' Sarepta, huaugui yi 'laua Sidón. Ca chaqa'ma' ñira'ñi yi'maxare, ma' ỹim shi'gue saqatqajantari' añi pa'ỹe quiyim ỹaanem qami' ma'le ca qanoqe'.

Esdras 1:1

Ca' queso 'auaxaic ñaaxa quiyim nashi so Ciro quiyi Persia, ca' ipaquichigui nqohin da la'qaatec ñi qara'gaxala' dá'maq shi'gue ỹa'xatetac na'le so la'qaataxanqajnec ñi qota'olec, leenaxat Jeremías. Ca' ñi qara'gaxala' illigui lauel so Ciro quiyim ná'ogue na lotauaripi neloxoỹaripi ilarelec quiyim qaỹa'xat da la'qaatec chaqai ỹo'uet ana lelaatqaipi, 'naacsa':

Esdras 1:5

Ca' so la'gaxalateripi so llaalqaipi so Judá chaqai so Benjamín, chaqai só'maq netaxaỹaxanqajanqaipi chaqai so lotauaripi só'maq llaalqaipi so Leví, ca sá'ogue só'maq ỹaatqajam qaỹa'ue da na'ñaaqataxac quiñi qota'olec, na'maxajñi quiyim eec, taigue da Jerusalén quiyim qano'xonshiguim aca lo'ueenaxanaxaqui ñi qara'gaxala'.

Esdras 7:27

Co'na'le, ca' so Esdras nqouagaxain, 'naaco': —Qaimaqachin qami' qara'gaxala', qami' qota'olec queso 'auaxaic qareta'allipi, ma' qami' 'viichi' quiyim ñi nashi imaqachin ñi qaro'ueenaxanaxaqui na'ñi yi Jerusalén.

Salmos 24:1

Ñi qara'gaxala' lalamaxaret ná'ogue na 'laua, lalamaxaret ná'ogue ná'maq 'ue, chaqai ná'ogue ná'maq nca'leetauec hueetalec.

Mateo 21:2

Ca 'naapegalo': —Quiipegue' yi na'aaterolqai' naloote'ogalo qomi'. Ca huañijlec ma'le aca 'ashina ncoñiitecse, 'ue llaalcoqui'. Ca' nohiuec, ca naviguiiri' quenajo.

Mateo 21:4

Ca' dajo 'neeto' na'le queso'maxare, qaiyi ipaquichigui dá'maq la'qaatco' na'le so letaxaỹaxanqajnec ñi qota'a co'na' ỹiriñi:

Juan 17:2

Ma' qami' 'ỹaañitem na qachaalqui' da lquesaxanaxa quiyim idaanlec ná'ogue na qomyipi, quiyim ỹa'ue da lca'laxa sqaica lqodoc ná'ogue ná'maq 'ỹaañitem.

Juan 3:35

Ma' ñi qota'olec ỹaatqajam ỹauotegue so llaalec, vichiguiño' ỹomato'ot ná'ogue ná'maq lalamqateripi.

Hechos 17:25

Chaqai se ỹouen quiyim 'ue ca chaqai qom lo'ueenatec, ỹahotaque qoỹaanem, ma' chaqaiñi ñí'maq chicqo'ot qomá'ogue da qarca'laxa, na qaracat, chaqai ná'ogue nanchaqaina.

2 Corintios 8:16

Qam ña'aachic quiñi qota'a, ma' ñi'maxare viichigui nqai'en añi le'taxanata so Tito quiyim dá'ogue dá'maq shinta quiyim sotauane' qamiri.

2 Corintios 8:9

Ma' shi'gue 'yiiñii da lqouagaxa so qara'gaxala' Jesucristo. Ma' so'maxare ỹaatqajam nesallaxanec, qam ne'xoresentam, ma' paguec da le'xorenataxanaxa caqamiri, qaiyi qamiri nesallaxanqa, chicqochigui dá'maq le'xoric so'maxare.

Santiago 1:17

Ná'ogue na ỹa'maqachiguiñi chaqai na naloochiguiñi quená'maq qoỹaanema qomi', na'maxare chicqashiguim chicqo'ot ñi qota'a, ñí'maq lo'ueenata na coỹarelec najo. Ñi'maxare se nadalaxatalta' chaqai se nqo'in quiyim 'ec chicqochigui ca la'al.

1 Samuel 10:26

Ca' so Samuel qai'neeta pila ca la'a' quiyi Gabaa. Ca' ñi qota'olec viichigui lauel nqai'en quiyim so 'ñaaxaiquipi coỹa' so'maxare.