Mateo 21:26 - La'qaatqa ñi qota'olec Qota'olec & Qota'olec Novita Na Qomyipi

²⁶ Chaqai no'm shinqac na qomyipi nela', qam qaro'cha'a na qomyipi. Ma' ná'ogue ỹa'deenta quiyim so Juan qanela' quiñi qota'olec quiyim retaqaugui na qomyipi.

Mateo 21:26 Iomraidhean Croise

Mateo 11:9

Ca ¿nega'ỹo' só'maq 'ajnaxañiu'ga? ¿Peeta'a letaxaỹaxanqajanco' ñi qota'a so'maxare? Ajá'a, ỹaatqajam lliqueta, chaqai ỹapacauec queca netaxaỹaxanqajnec.

Mateo 14:5

Ca' so Herodes ỹahotaque ỹalauat so Juan. Qam no'chi quena qomyipi, ma' ná'ogue 'naac quiyim so Juan ỹaatqajam lliqueta letaxaỹaxanqajnec ñi qota'a.

Mateo 21:11

Ca' so qomyipi 'naaco': —Sojo só'maq Jesús só'maq letaxaỹaxanqajnec ñi qota'a, chicqa'gue da Nazaret huaugui yi 'laua Galilea.

Mateo 21:25

¿Nega'ỹo' ca nela' so Juan quiyim rachilaxanataxan? ¿Ñi qota'olec, loqo'm na qomyipi? Ca so'maxare chi noqolliguitetecta', 'neraco': —No'm shinqac qanela' quiñi qota'olec, ca da'maxare 'naac ma'le coqomi': “Qam ¿chi'neco' ma' sqai viilec?”

Mateo 21:27

Ca 'neraco' na'le queso Jesús: —'Taque', se sa'deenaq. Co'na'le, ca' so Jesús 'naaco': —Ca' ỹim qai'neeta se sa'xatema qamiri cá'maq yila' quiyim so'uet dajo.

Mateo 21:46

Co'na'le, ca ỹahotaco' coñi' so Jesús. Qam no'cha'o' so qomyipi, ma' so qomyipi ỹaatqajam letaxaỹaxanqajnec nqai'en ñi qota'a so Jesús.

Marcos 11:32

¿Chaqai no'm shinqac na qomyipi nela'? Ma' saua'maxare no'chi' quena qomyipi, ma' ná'ogue ỹa'deenta quiyim ỹaatqajam llic quiyim so Juan ỹaatqajam letaxaỹaxanqajnec ñi qota'a.

Marcos 12:12

Co'na'le, ca' so qomyipi ỹahotaque coñi' so Jesús, ma' ỹa'den quiyim so'maxare ỹo'uet so laloqojnaxanaxaqui, qam taỹauguilo nqai'ne' saua'maxare. Qam no'chi' saua'maxare quena qomyipi, ca no'ueenaqtesañi so Jesús, ca' que'.

Marcos 6:20

Ma' so Herodes ỹa'deenta quiyim so Juan ỹaatqajam 'maxaraic da llicyaxac, chaqai co'teeta, ca no'chaalec. Vichiguiño' sqai ỹaxanegue aso'maxare quiyim 'ue ca 'ne'tegue so Juan. So Herodes, 'eno'm sqailligueme' quiyim ỹaatqajam ỹa'yiinchigui da ỹa'xatetac so Juan, qam nqo'ta quiyim na'xaỹaxantapega.

Lucas 20:19

Ca' so lashillipi na netaxaỹaxanqajanqaipi quena' qaretaxaỹa'pegue' ñi qota'a chaqai so rapaxaguinataxanta'pegue na naqataxaquipi, saua'maxare chaqa'ma' ỹahosaque ỹacondelec queso na'xa'a so Jesús, ma' retane' quiyim chaqaisaua saua taachiguilo so qaraloqojnaxana. Qam qano'chitapega so qomyipi.

Lucas 20:6

Chaqai no'm shinqac chaqai qom ca ilarelec, ca' ná'ogue na qomyipi caalata'm qaralauat, inaxai' qomi', ỹodoxoua' na qa', ma' ỹaatqajam llic nqai'en quiyim so Juan ỹaatqajam la'qaataxanqajnec ñi qota'a.

Lucas 22:2

Ca' so la'gaxalateripi na netaxaỹaxanqajanqaipi quena' qaretaxaỹa'pegue' ñi qota'a, chaqai na rapaxaguinataxanta'pegue na naqataxaquipi, idaantaque ca la'maqa' quiyim ỹalauat so Jesús, qam 'ue na lqolonaxa quena qom.

Juan 5:35

So Juan na'le 'neetari' aca ncoỹeraxanaxaqui quena' ỹaviquetaugui ca coỹeraxan, ca' qamiri netooñita'gue da lauaq, qam sqoỹoxouec da netoonaxaguii.

Juan 9:22

Saua leta'al 'neraco' na'le dajo, ma' mashic 'uo' da lqolonqa', ma' so judioipi shi'co' na'deentecta' quiyim ỹo'daauec cañi lo'ueenaxanaxaqui canchaqaica qom quiyim 'naac so Jesús chaqaiso só'maq nashi nca'laxaqui.

Hechos 5:26

Ca' eec so lashi ná'maq reloqota'a añi no'ueenaxanaxaqui, liỹa' saua nouaataxanaq lase', naueguero saua'maxare. Qam ỹa'maxate'teguelo, ma' no'chiisa'a na qom quiyim qainaxai' quena qa'.