Mateo 21:23 - La'qaatqa ñi qota'olec Qota'olec & Qota'olec Novita Na Qomyipi

²³ Co'na'le, ca' so Jesús inoxonougui ñi no'ueenaxanaxaqui lodegaxat. Ca co'na' ñaqai hueete'eyi, ca qanqo'neu'a quesaua la'gaxalate' na qomyipi quena' qaretaxaỹa'pegue' ñi qota'a chaqai saua lqo'xonqaipi na judioipi. Ca' qainatetac, qohinaco': —¿Negue' cá'maq chigoxochira'gue quiyim 'viichi' dajo? ¿Negue' cá'maq ỹamaqairaxalec quiyim 'viichi' dajo?

Mateo 21:23 Iomraidhean Croise

Éxodo 2:14

Ca só'maq hebreo le'ec 'naaco': —¿Negue' cá'maq ỹanagui qami' quiyim qarelachi', chaqai quiyim 'ñirapegalo qomi' queca ỹa'maqachiguiñi chaqai queca se ỹa'maxañi? ¿Loqo'm vi'saque quiyim yalauachi', 'ñitetegue aỹim dá'maq 'ñitetegue na' lauachi' so Egipto le'ec? Ca co'na' 'xaỹa dajo so Moisés, ca' 'ue da lqolonaxa, ma' retano' quiyim mashic qaỹa'den quiyim ỹalauat so Egipto le'ec.

Mateo 20:4

Ca 'naaco' quesaua'maxare: “Qamiri quiipegue' quet qai'neeta yi ỹanaxanqa', ca qataxañii. Ca' ỹim sepacqajanchigui ma'le aca laseuete da ro'ueenataxanaxaguii.” Ca' saua'maxare que'o'.

Mateo 21:24

Ca' so Jesús 'naaco' quesaua'maxare: —Ỹim qai'neeta sa'ue da inataxanaxac caqamiri. Ca no'm choxochii, ca' sa'xat cá'maq sachigoxota'gue quiyim so'uet dajo.

Mateo 24:1

Ca co'na' inoxonec so Jesús, ca'e añi no'ueenaxanaxaqui late'ogue' na'ñi yi Jerusalén, ca' so lapaxaguinatqaipi ỹachaxanta'gue na qa' no'ueenataxat aso no'ueenaxanaxaqui.

Mateo 26:55

Co'na'le, ca' so Jesús 'naaco' queso qomyipi: —¿Chi'neco' ma' viita'ahi na lecaachiri chaqai naua nepoñiri quiyim naguii'oga aỹim mashic 'eco' ỹim cuataxai? Taxanta' naua'que na'xata' ñqa'xantañi quen salequetauguilo qamiri, sapaxaguinataxantac cañi no'ueenaxanaxaqui late'ogue' na'ñi yi Jerusalén, qam se ycoñirii.

Lucas 19:47

Ca saua'que saua na'xata' so Jesús rapaxaguinataxantac caso no'ueenaxanaxaqui late'ogue'. Qam na lashillipi na netaxaỹaxanqajanqaipi quena' qaretaxaỹa'pegue' ñi qota'a, chaqai ná'maq rapaxaguinataxanta'pegue na naqataxaquipi, chaqai qai'neeta na lashillipi na qomyipi, idaantaque ca la'maqa' quiyim ỹalauate' so Jesús.

Lucas 20:1

Ca' 'uo' so na'xa'a co'na' so Jesús hueetaugui aso no'ueenaxanaxaqui late'ogue' quiyi Jerusalén, rapaxaguinataxantac queso qomyipi, chaqai ỹa'xatetac da na'qaatec chicqaugui da nca'laxa. Ca novirero sauá'maq la'gaxalate' na netaxaỹaxanqajanqaipi quena' qaretaxaỹa'pegue' ñi qota'a chaqai ná'maq rapaxaguinataxanta'pegue na naqataxaquipi chaqai so qo'xoiquipi.

Hechos 4:7

Ca' qarelaataxana'alo quiyim qanaueguerec so Pedro chaqai so Juan. Ca' qoỹandañigui na lavinñi, ca' qainate': —¿Negue' ca qamiri lelaatqa? chaqai ¿negue' leenaxat ca 'ueenataxañitapega quedajo?

Hechos 7:27

Qam só'maq qa'viita'pegue so liỹa ỹamaxañi so Moisés, ca' 'naapega: “¿Negue' ca ỹanagui quiyim qami' qarashi chaqai quiyim ỹa'ue ca lasauaxaset coqomi'?