Mateo 21:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca' quiñi no'ueenaxanaxaqui, ca qanqo'neu'o' so Jesús quesaua qai'la' chaqai quesaua qaica ca 'óna lichi. Ca' so'maxare sá'ogue imeuec nqai'en.

Mateo 21:14 Iomraidhean Croise

Isaías 35:5

Ma'le, ca' na qai'laqaipi neuanñi chaqai na ra'ñaagui na lqahic 'qaa;

Mateo 21:15

Qam co'na' saua la'gaxalate' na netaxaỹaxanqajanqaipi quena' qaretaxaỹa'pegue' ñi qota'a chaqai ná'maq rapaxaguinataxanta'pegue na naqataxaquipi ro'ỹe' co'na' iuanchigui quiyim qaỹo'uet ná'maq se qaiuanapega, chaqai co'na' 'xaỹa na ñaaqaipioqui' ỹaualqatalec quiñi no'ueenaxanaxaqui: “Ỹaatqajam 'ue da lquesaxanaxa da llaalec so qarashi David.”

Mateo 4:23

Ca' so Jesús ỹouoxontac yá'ogue yi 'laua Galilea quecanchi ỹoviri'ñi, ca lotqai rapaxaguinataxantapougui ana lapoxoqui na judioipi, ỹa'xatetac dá'maq no'uen na'xaỹaxac queda lo'ueenataxanaxac ñi qota'olec ma' ỹoiquentac ná'ogue najo, chaqai ỹomatec ná'maq ỹoreta'oguit ne'ne' hueetaugui na qom.

Mateo 9:35

So Jesús ỹouoxontac sá'ogue so na'aateripi chaqai naua na'aaterolqai', rapaxaguinataxantac cana lapoxoqui na judioipi quecá'maq hueeta'ñi, ỹa'xatetac da no'uen na'xaỹaxac quiyim ñi qota'olec ỹoiquentac ná'ogue najo, chaqai ỹomatec na qomyipi quená'maq ỹoreta'oguit ralolaxa chaqai na le'ne'.

Hechos 10:38

Chaqai 'yiiñita quiyim ñi qota'olec ỹaanem so Jesús Nazaret le'ec da lquesaxanaxa so Espíritu Santo, chaqai ỹo'ueetetac da no'uen, chaqai ỹomatec ná'ogue na 'xoic na le'xoric qaipataqatañi queda lquesaxanaxa so na'ỹaapec. Dajo ishit ỹo'uet so Jesús, ma' ñi qota'olec liỹaatac so'maxare.