Mateo 21:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca 'naaco': —Naua naneresañi la'qaatqa ñi qota'olec 'neracsa': “Na ỹa'a' qaỹamata'gue na'a' qouagaxainqa'.” Qam qamiri ñigui nqai'ñii cuataxai nañoqotqa'.

Mateo 21:13 Iomraidhean Croise

Isaías 56:7

ca' ñauega ana ñaqa' qaica iualaxain, ca' netoon ma'le quiñi iuo' qouagaxainaxaqui. Ca secoñi'chiguit ma'le ca ỹavigaxat lachitaxanataxanaxat quiyi ỹanatqa', ma' na iuo' qaỹamata'gue 'imec nqouagaxainqa' ná'ogue na ỹoreta'oguit qomyipi.

Jeremías 7:11

¿Loqo'm 'neetapigui qavillii quiyim najo no'ueenaxanaxaqui qaỹauaaque qouagaxainaxaqui caỹim 'ec nqai'ñii lauaquiaxaqui na cuataxairipi? Ỹim seuana dá'ogue dajo. Ỹim na'gaxala', se'taxajñi da ỹa'qaatec.

Mateo 2:5

Ca saua'maxare 'nerac: —Yi Belén hua'ñi ma' ne'qaañi, huaugui yi 'laua Judea, ma' so letaxaỹaxanqajnec ñi qota'a chaqaida 'ne'tegue na' ỹiriñi:

Marcos 11:17

Ca' quiyi, ca rapaxaguinataxantac, 'naaco': —Quenaua naneresañi la'qaatqa ñi qota'a 'nerac: “Najo ỹa'a' qaỹamata'gue na'a' nqouagaxainqa' ná'ogue na ỹoreta'oguit qomyipi.” Qam qamiri ñigui nqai'ñii na'a' nqañoqotaqa' na cuataxairipi.

Lucas 19:45

Ca' so Jesús inoxonougui aso no'ueenaxanaxaqui late'ogue' na'ñi yi Jerusalén. Ime, ca' chaqa'ma' ỹo'daauec sá'ogue só'maq nemeenaxanyipi chaqai ná'maq nemeenaxauaripi quiyi'maxare.

Lucas 19:46

Ca' 'naapegalo': —Naua nerecse' la'qaatqa ñi qota'a, 'nerac: “Ná'maq ỹa'a', la'a' ca qouagaxainaxac”; qam qamiri 'viichii quiyim nqañoqotqa' na cuataxairipi.

Juan 15:25

Qam dajo 'ue, ma' qaỹahotaque quiyim ipaquichigui nqohin da na'qaatec naneretañi queso naqataxaquipi qoỹaanema saua'maxare, ma' 'nerac: “Qaica quet cá'maq 'neeta, qam qanoquihaỹa'.”