Mateo 21:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' so qomyipi 'naaco': —Sojo só'maq Jesús só'maq letaxaỹaxanqajnec ñi qota'a, chicqa'gue da Nazaret huaugui yi 'laua Galilea.

Mateo 21:11 Iomraidhean Croise

Mateo 2:23

Ca co'na' ỹovita yi'maxare, ca' quepegue' yi na'a' leenaxat Nazaret. Ca' dajo 'neeto' na'le, qaiyi ipaquichigui da ỹa'xate' saua letaxaỹaxaqui' ñi qota'a quiyim so Jesús qaỹamata'gue le'ec yi Nazaret.

Mateo 21:10

Ca co'na' so Jesús inoxono quiyi Jerusalén, ca sá'ogue so qomyipi naugui yi na'a' lodegaxat ỹaatqajam 'ue da le'laxa. Ca 'xoico' quen na renataxan, 'naaco': —¿Negue' só'maq sojo?

Mateo 21:26

Chaqai no'm shinqac na qomyipi nela', qam qaro'cha'a na qomyipi. Ma' ná'ogue ỹa'deenta quiyim so Juan qanela' quiñi qota'olec quiyim retaqaugui na qomyipi.

Mateo 21:46

Co'na'le, ca ỹahotaco' coñi' so Jesús. Qam no'cha'o' so qomyipi, ma' so qomyipi ỹaatqajam letaxaỹaxanqajnec nqai'en ñi qota'a so Jesús.

Marcos 6:15

'Uo' quen na 'naac: —Dajo dá'maq letaxaỹaxaqui ñi qota'a leenaxat Elías. Chaqai 'uo' quen na liỹa 'naac: —Dajo letaxaỹaxaqui ñi qota'a, 'nejem so 'auaxaic letaxaỹaxaquiripi.

Lucas 13:33

Qalaxam no'uen quiyim shic lecocho'qui' quena na'xa'a chaqai nete'e chaqai ca liỹa na'xa'a, ma' se ỹa'maxañi quiyim qaỹalauat ca letaxaỹaxaqui ñi qota'a pa'aatauec quiyi Jerusalén.

Lucas 24:19

Ca so'maxare 'naaco': —¿Negue' ca 'neeto' ca'maxare? Ca' saua'maxare 'neraco': —Dá'maq 'neeta ca Jesús, Nazaret le'ec, cá'maq la'qaataxanqajnec ñi qota'a. Sojo ỹale qaica ca qalanac quena la'qaatec chaqai quená'maq ỹo'uet, chaqai ỹaatqajam ỹa'maxarenta so'maxare ñi qota'olec chaqai ná'ogue na qomyipi.

Lucas 7:16

Ca co'na' qaỹauanchigui dajo, ca sá'ogue so qomyipi ỹaatqajam 'uo' da lqolonaxa. Ca imaqachintac ñi qota'a, 'naaco': —'Uo' so chalego lecaic so la'qaataxanqajnec ñi qota'a chicqochiguinguilo qomi'. Chaqai qohine'tegueyi da na'qaatec: —Ñi qota'olec novi', ỹahotaque quiyim ỹotauan ná'maq lalamqateripi.

Lucas 7:39

Ca co'na' ỹauanchigui dajo so fariseo só'maq lalecsec so Jesús quiyim lqui'ỹaxaua, ca' ra'deenataxantac, 'naaco': “Ñijo ỹale quiyim ỹaatqajam llic la'qaataxanqajnec ñi qota'a, ca' ishit ỹa'den añi 'aalo ipooteta'pe naua lichil, ma' añi'maxare nanatqa lo'o'.”

Juan 1:21

Ca lotqai qaỹopilalec quiyim qainat: —Cha'regue, ¿negue' ná'maq qami'? ¿Peeta'a qami' Elías liỹa novichi'? Ca' so Juan 'naaco': —'E', sqaỹim Elías. Ca lotqai qaỹopilalec qainat: —Cha'regue, ¿peeta'a qami' ná'maq na'qaataxanqajnec qaỹa'xateta'guit naỹa'quena? Ca' so'maxare 'naaco': —'E', mesqaỹim.

Juan 1:25

Ca saua'maxare inate' so Juan, ca 'nerac: —Cha'regue, no'm sqaqami' cajo nashi nca'laxaqui, chaqai ma' sqaqami' Elías, loqo'm ca na'qaataxanqajnec naỹa'quena, ¿chi'negue ma' chilaxanataxañi'?

Juan 4:19

Ca co'na' 'xaỹa dajo aso 'aalo, ca 'naaco': —Qami' ỹa'gaxala', re'oq nqaishin quiyim ỹaatqajam llic qami' la'qaataxanqajnec ñi qota'a.

Juan 6:14

Ca co'na' so qomyipi iuanchigui dajo netanec se qaiuanapega ỹo'uet so Jesús, ca 'naaco': —Ỹaatqajam llic quiyim chaqaida da'maxare dá'maq la'qaataxanqajnec ñi qota'a qaỹa'xateta'guit quiyim naỹa'a ana 'laua.

Juan 7:40

Ca 'uo' na queso qomyipi co'na' 'qaachigui dajo, ca 'naaco': —Dajo ỹale ỹaatqajam chaqaida dá'maq letaxaỹaxanqajnec ñi qota'a qaỹa'xateta'guit quiyim naỹa'quena.

Juan 9:17

Ca lotqai liỹa pilalec quiyim qainat só'maq ỹale qai'laqo' na'le: —Qam qami' ¿negue' cá'maq 'ñirac quesó'maq ỹale ỹa'vii naua nqochichi'? Ca so'maxare 'naaco': —Ỹim shinac quiyim letaxaỹaxanqajnec ñi qota'a.

Hechos 7:37

Chaqai chaqaiso so Moisés só'maq 'naapega so Israel llaalqaipi, 'naaco': “Ñi qota'olec nelatalo qamiri ma'le ca la'qaataxanqajnec, qam ca'maxare chi ralamaxarichii rqaỹahi, 'nejem aỹim na' yila'. Na'xaỹaxañiỹo' ma'le ca'maxare.”