Mateo 21:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca co'na' so Jesús inoxono quiyi Jerusalén, ca sá'ogue so qomyipi naugui yi na'a' lodegaxat ỹaatqajam 'ue da le'laxa. Ca 'xoico' quen na renataxan, 'naaco': —¿Negue' só'maq sojo?

Mateo 21:10 Iomraidhean Croise

Mateo 2:3

Ca co'na' ỹa'den dajo so nashi Herodes, ca' tot ỹa'den ca 'neeta, chaqai qai'neeta ná'ogue na qomyipi na'ñi yi Jerusalén.

Mateo 21:11

Ca' so qomyipi 'naaco': —Sojo só'maq Jesús só'maq letaxaỹaxanqajnec ñi qota'a, chicqa'gue da Nazaret huaugui yi 'laua Galilea.

Mateo 21:9

Ca quesó'maq 'aueta qomyipi chaqai ná'maq co'uaataxanta qai'neeta ỹaualqatagui, 'naaco': —¡Ỹaatqajam qaimaqachin na llaalec so qarashi David! ¡Ỹaatqajam chalego loyac da llicyaxac ná'maq naquetaugui da leenaxat ñi qara'gaxala'! ¡Qaimaqachin ñi qota'olec!

Lucas 20:2

Ca qohinapego' so'maxare: —'Qaataxañitema qomi' ¿negue' ca chigoxochira'gue ca 'em 'viichisac dajo? ¿Negue' ca ỹaañiraxarom dajo quiyim qami' 'viichi'?

Lucas 5:21

Ca ná'maq rapaxaguinataxanta'pegue na naqataxaquipi chaqai ná'maq ỹalequetaugui na fariseoipi chaqa'ma' ra'deenataxantac, 'naac: —¿Nega'ỹo' dá'maq dajo ỹale? ma' napaqueteguelec ñi qota'olec queda la'qaatec. Ma' sqaica ca ishit ỹapalaxat na nasauaxaseteripi. Chaqaiñiita ñi qota'olec.

Lucas 7:49

Ca' so nalecseripi nqa'xanta'ñi' so Jesús, ca ra'deenataxantac, 'naaco': —¿Nega'ỹo' ñí'maq ñijo ỹale? ma' vire'ta na nasauaxaseteripi ishit quiyim ỹapalaxat.

Lucas 9:9

Qam so Herodes 'naaco': —Chaqaỹim selaataxanlec na'le quiyim qaichaxauec ca lqahic so Juan, qam ¿chi' nega'ỹo' case'e sa'qaateguelec quiyim ỹaatqajam 'xoic na na'qaataxanaxac? Ca' so Herodes ỹaatqajam ỹahotaque ỹauana so'maxare.

Juan 2:18

Ca' so judioipi inato' so'maxare, ca 'naaco': —¿Negue' ca netanec chaxañitalo qomi', qaiyi seuaqlec qami' quiyim ỹaatqajam llic 'ue ca 'ñitegue quiyim 'viichi' dajo?

Hechos 9:5

Ca' so Saulo renataxano': —Qami', ¿negue' aqami'? Ca só'maq na'qaatec 'naaco': —Aỹim Jesús, chaqaỹim ná'maq ỹim yocañi'sac. Chi nqa'viiñiseguelta', 'nejem ca nauegaxanaxala' tooro quena' ỹachaqata'piguit na lo'lo aca na'daxanqate.

Rut 1:19

Ca' quiyi, ca niỹareta'pe saua'maxare, queesa'gue so nayic, chi ỹoviresau'a yi Belén. Ca co'na' ỹovirero quiyi Belén, ca' ỹaatqajam 'xoic da le'laxa so qomyipi na'ñi yi na'a'. 'Naaco' quen na 'aallipi: —¿Mesqano' anajo ana Noemí?

1 Samuel 16:4

Ca' so Samuel ỹo'uet dá'maq qohinapega quiñi qara'gaxala'. Ca co'na' ỹovita yi Belén, ca' so qo'xoiquipi quiyi na'a' nachaata'guit so'maxare, qam ỹaatqajam 'ue da lqolonaxa. Ca' qainatetaco': —¿Peeta'a qaica nqaida queda roviraxaqui'?